Свет
Трагичен велигденски викенд: Три масовни престрелки во САД, убиени тинејџери

За време на велигденскиот викенд во САД пријавени биле три масовни престрелки. Двајца тинејџери се убиени, а осум лица се повредени во пукотница што се случила на прослава во Питсбург во неделата.
Медиумите јавуваат дека 18 лица се повредени во две масовни престрелки снимени во Јужна Каролина.
Пукањето во Питсбург е откриено на Велигден околу 12:30 часот. Полицијата во изнајмената куќа пронашла најмалку десет лица со прострелни рани. Некои жртви биле пренесени во болница, меѓу кои и две 17-годишни момчиња за кои подоцна лекарите констатирале смрт. Ранетите во болница пристигнале и со приватни возила.
Според полицијата, на престрелката ѝ претходела тепачка, по што биле испукани најмалку 50 истрели. Полицијата соопшти дека некои луѓе се здобиле со сериозни повреди додека скокале од прозорците во очајнички обид да се спасат.
Властите веднаш не ги објавија апсењата, иако началникот на полицијата во Питсбург, Скот Шуберт, вети дека неговите полицајци „ќе направат сè што можат за да ги доведат одговорните“.
Инспекторите откриле дека насилството избувнало на забава на која присуствувале околу 200 гости, од кои повеќето биле помлади од 18 години. Официјалните лица веднаш не ги соопштија имињата на убиените момчиња.
Медиумите наведуваат дека во недела наутро во ноќен клуб во округот Хемптон, Јужна Каролина е снимена пукање во кое се повредени девет лица.
Неколку часа подоцна беше пријавено пукање во трговски центар во главниот град на Јужна Каролина, Колумбија, во кое беа повредени и девет лица.
Ранетите биле на возраст од 15 до 73 години, а полицијата ја уапсила Јевена Прајс (22), под обвинение дека нелегално држела пиштол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.
Свет
Пожарникар почина од срцев удар додека гаснеше пожар во Турција

Шумски пожари што беснеат низ Турција со недели му се заканија на четвртиот по големина град во земјата, Бурса, во северозападна Турција, денеска принудувајќи повеќе од 1.700 луѓе да ги напуштат своите домови, и веќе има еден загинат еден пожарникар.
Пожарите што избувнаа во пошумените планини околу Бурса се проширија брзо. Десетици големи шумски пожари ја погодуваат земјата секој ден од крајот на јуни, а владата во петокот прогласи две западни провинции, Измир и Билеџик, за зони погодени од катастрофа.
Канцеларијата на гувернерот на Бурса денеска објави дека 1.765 луѓе се безбедно евакуирани од село на североисток, додека повеќе од 1.900 пожарникари се борат со пламените јазици.
– Пожарникарот почина од срцев удар додека беше на работа, изјави градоначалникот на градот, Мустафа Бозбеј, додавајќи дека пламените јазици изгореле 3.000 хектари околу градот. Орхан Сарибал, опозицискиот парламентарец за покраината, ја опиша сцената како „апокалипса“.
Невообичаено високите температури за оваа сезона, сушните услови и силните ветрови ги поттикнуваат пожарите.