Свет
Трамп: Армијата да го казни Виндман

Американскиот претседател Доналд Трамп изјави денеска дека војската треба да размисли за тоа дисциплински да го казни службеникот на Советот за национална безбедност, Александар Виндман, кој сведочеше против Трамп во процесот на импичмент, пренесува „Ројтерс“.
Полковникот Виндман беше отпуштен минатата недела, откако ги даде најсериозните обвинувања во своето сведочење против Трамп.
Виндман, поранешен главен експерт за Украина кој лично го слушаше телефонскиот разговор на Трамп со украинскиот претседател Володимир Зеленски во јули, сведочеше дека Трамп упатил несоодветно барање до Зеленски.
Виндман изјави пред Комитетот на Претставничкиот дом, во кој доминираат демократите, дека тој не можел да им верува на своите уши.
„Трамп го замоли Зеленски да покрене истраги против неговиот демократски ривал Џо Бајден“, рече Виндман.
Во истото сведоштво, тој рече дека не е загрижен дека ќе ги трпи последиците затоа што сведочеше.
„Ќе бидам во ред затоа што ја кажав вистината“, рече тој.
Покрај Виндман, Гордон Сонленд, амбасадор на САД во Европската Унија, беше отпуштен за сведочење во процесот на импичмент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.