Свет
Трамп бара од Путин да објави штетни информации за семејството на Бајден

Во вчерашното интервју за JustTheNews, поранешниот американски претседател, Доналд Трамп, го повика рускиот претседател Владимир Путин да ги објави сите штетни информации што ги има за семејството на актуелниот претседател на САД, Џо Бајден.
Си-ен-ен пишува дека ова е потег со кој Трамп покажува дека е подготвен да прифати помош од надвор од САД за да ја зајакне својата позиција, дури и од Путин за време на агресијата врз Украина.
Во изјавата за JustTheNews, Трамп изнесе недокажано тврдење за бизнисот на Хантер Бајден, синот на американскиот претседател, во Русија и побара од Путин да објави информации за тоа.
„Мислам дека Путин знае за тоа. Мислам дека треба да знаеме за тоа“, рече Трамп.
„Точно е дека Хантер Бајден бил добро платен за консултантската работа што ја вршел во странски земји, вклучително Украина и Кина, во времето кога неговиот татко беше потпретседател. Тие наведуваат дека Министерството за правда во моментот води кривична истрага за овие зделки и можни финансиски криминали“, пренесува Си-ен-ен и додава:
„Но, засега нема докази за поддршка на изјавите на Трамп дека Бајден учествувал во коруптивни практики или влијаел на американската политика за лична корист. Претседателот Бајден не беше вклучен во истрагата, а неговиот син Хантер ја негира вината и рече дека ќе биде ослободен кога ќе заврши истрагата.
Си-ен-ен потсети на кампањата на Трамп во 2016 година кога Трамп го повика Путин да ја хакира електронската пошта на Хилари Клинтон и го искористи руското мешање во изборите за да добие предност. Три години подоцна, Трамп изврши притисок врз украинскиот претседател Володимир Зеленски.
Трамп побара од Зеленски да поведе неоснована истрага за корупцијата на Бајден, па како дел од притисокот тој ѝ негира на Украина речиси 400 милиони долари воена помош, што доведе до првото отповикување на Трамп.
Си-ен-ен наведува дека Трамп тесно соработувал со руски шпион за време на кампањата со цел да шири дезинформации за претседателот Бајден и неговото семејство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Работата во Газа не е завршена, втората фаза од мировниот договор започнува веднаш

Претседателот на САД, Доналд Трамп, изјави дека работата во Газа не е завршена, бидејќи телата на починатите заложници не се вратени како што беше ветено, објави вечерва „Тајмс оф Израел“.
„Сите 20 преживеани заложници се вратија и се чувствуваат добро, како што може да биде. Тешкиот товар е отстранет, но работата не е завршена. Телата не се вратени, како што беше ветено“, напиша Трамп на социјалната мрежа „Truth Social“.
Договорот потпишан од Израел и Хамас минатата недела значеше дека Хамас ќе ги ослободи сите 48 заложници во рок од 72 часа од стапувањето во сила на прекинот на огнот.
Рокot истече во понеделникot напладне и Хамас ослободи 20 заложници живи, но ги врати само телата на само четворица од 28-те што загинаа во Газа, додека вечерва најави предавање на уште четворица.
Дадениот рок во договорот важи и за телата, пишува „Тајмс оф Израел“, но се чини дека на Хамас му треба повеќе време за да ги лоцира, па затоа е формирана заедничка работна група за да помогне во пронаоѓањето на телата што не се вратени во рок од 72 часа.
„Втората фаза започнува веднаш“, додаде Трамп, алудирајќи на делови од неговиот план од 20 точки за повоено управување и реконструкција на Газа, кој ќе го води преодна влада на палестински технократи и ќе го надгледува мировен комитет со кој претседава американскиот претседател и поранешниот британски премиер Тони Блер.
Првата фаза, според Трамп, вклучува ослободување на заложниците, повлекување на Израел од Газа и обезбедување хуманитарна помош, додека Хамас сè уште не се согласил со втората фаза, која вклучува нивно разоружување.
Фото: принтскрин
Свет
Сикорски: Европа мора да се подготви за „длабок“ руски напад

Полскиот министер за надворешни работи Радослав Сикорски денес предупреди дека Европа мора да биде подготвена за руски напад длабоко на нејзина територија. Тој оцени дека е „неодговорно“ што не гради одбранбени системи како што е „ѕид од беспилотни летала“ на неговото источно крило.
Во Лондон, каде што го претстави иранскиот дрон „Шахед-136“ соборен во Украина, Сикорски ги повика европските земји да „останат доследни“ во својата поддршка за Украина, наведувајќи дека се надева дека американскиот претседател Доналд Трамп ќе ги стави на располагање ракетите Томахавк со долг дострел на таа земја, пренесува Ројтерс.
Тој процени дека снабдувањето на Украина со дополнителна муниција за противвоздушна одбрана, како и оружје со краток и среден дострел, е неопходно за да се помогне во заштитата на Европа, наведувајќи ги како примери упадите на руски беспилотни летала над Полска и борбените авиони над Естонија.
Тој рече дека сè уште не е познато дали беспилотните летала забележани над Копенхаген биле руски.
Запрашан за можноста за проширување на иницијативата „ѕид од беспилотни летала“ за да се спротивстави на идните упади, Сикорски за Ројтерс изјави дека руските напади „за жал би можеле да стигнат длабоко во Европа“.
„Треба да бидеме подготвени да се спротивставиме на тоа и затоа мислам дека би било неодговорно ако не изградиме капацитети против беспилотни летала денес“, рече Сикорски, пренесува Танјуг.
Фото: принтскрин
Свет
Силен земјотрес во Турција

Земјотрес со јачина од 4,1 степени според Рихтеровата скала вечерва ја погоди западна Турција, објави Европско-медитеранскиот сеизмолошки центар (EMSC).
Во соопштението се наведува дека епицентарот на земјотресот бил на длабочина од девет километри.
Засега нема информации за евентуални повредени или штети.