Свет
„Тие изгледаат како преживеани од холокаустот“, реагира Трамп на фотографиите на тројцата ослободени израелски заложници

Американскиот претседател Доналд Трамп изјави дека го губи трпението со договорот за прекин на огнот меѓу Израел и Хамас откако ги видел снимките од ослободувањето на израелските заложници, чиј изглед го споредил со преживеаните од Холокаустот.
Реакцијата на Трамп на сликите на тројцата заложници, ослободени во саботата, донесе нова неизвесност околу судбината на договорот пред да бидат ослободени сите 76 преостанати заложници, а дојде неколку дена откако претседателот повика на отстранување на Палестинците од енклавата и САД да ја преземат контролата над неа.
„Тие изгледаат како преживеани од Холокаустот. Беа во ужасна состојба. Беа изнемоштени“, им рече Трамп на новинарите во „Ер Форс 1“ на пат кон Њу Орлеанс за да присуствуваат на Суперболот.
„Не знам уште колку ќе издржиме… во одреден момент ќе го изгубиме трпението“, додаде тој.
Охад Бен Ами и Ели Шараби, кои беа земени како заложници од Кибуц Беери за време на нападот предводен од Хамас врз јужен Израел на 7 октомври 2023 година, и Ор Леви, кој беше киднапиран од музичкиот фестивал Нова тој ден, беа прикажани на медиумите од вооружени членови на Хамас пред да бидат преземени од израелските власти.
Тројцата мажи се чини дека се во полоша состојба од другите 18 заложници кои претходно беа ослободени според прекинот на огнот, кој беше договорен на 15-ти јануари по почетокот на војната. Многу од палестинските затвореници ослободени од Израел, исто така, изгледаа изгладнети.
Израелскиот премиер Бенјамин Нетанјаху рече дека глетката на изнемоштените заложници е шокантна и дека на тоа ќе се посвети внимание. Во замена за тројцата мажи, Израел во саботата ослободи 183 палестински затвореници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.