Свет
Трамп вели дека разговарал со Путин; Реагира Кремљ, ги објави условите за преговори

Москва допрва треба да добие добра понуда за почеток на преговори за Украина, изјави рускиот заменик-министер за надворешни работи, откако американскиот претседател Доналд Трамп изјави дека верува оти Вашингтон постигнува напредок во разговорите за ставање крај на војната во Украина.
„Важно е зборовите да бидат поткрепени со практични чекори кои ги земаат предвид легитимните интереси на Русија, демонстрирајќи подготвеност да се искорени основните причини за кризата и да се препознае новата реалност“, рече заменик-министерот за надворешни работи Михаил Галузин во интервју за државната новинска агенција РИА. „Сè уште не се добиени конкретни предлози од ваков карактер“, додаде тој.
Во последните денови имаше куп контрадикторни или претпазливи пораки од Вашингтон и Москва за можни разговори меѓу Трамп и рускиот претседател Владимир Путин за ставање крај на војната што Москва ја започна пред речиси три години.
Трамп во текот на викендот рече дека разговарал со Путин и дека очекува повеќе разговори. „Верувам дека напредуваме“, рече Трамп, додавајќи дека сака да ја запре војната.
Портпаролот на Кремљ, Дмитриј Песков, вчера изјави за државната новинска агенција ТАСС дека „се појавуваат многу различни комуникации“ за разговорите меѓу Путин и Трамп и дека тој можеби не е свесен за се. „Затоа, во овој случај, не можам ниту да потврдам, ниту да демантирам“, рече Песков запрашан за коментар од ТАСС.
Трамп повеќе пати изјави дека сака да стави крај на војната и дека ќе се сретне со Путин за да разговара за тоа. Вчера Трамп им рече на новинарите дека ќе се сретне со Путин во соодветно време. Во петокот, Трамп рече дека најверојатно ќе се сретне со украинскиот претседател Володимир Зеленски оваа недела за да разговара за завршување на војната.
Путин ја гледа војната, која ја одбележува третата годишнина на 24 февруари, како егзистенцијална за опстанокот на Русија. Киев и неговите западни сојузници го гледаат ова како неиспровоцирано, колонијално грабање земјиште.
Зеленски изјави за Ројтерс дека сака Украина да ги снабдува Соединетите држави со елементи од ретки земји и други минерали во замена за финансиска поддршка за нивните воени напори. Украинскиот претседател во минатото ја отфрли можноста за отстапување на која било територија на Русија и инсистираше на тоа дека неговиот прв приоритет е интеграцијата во НАТО.
Галузин изјави за РИА дека Москва останува отворена за дијалог за Украина, но ќе го задржи своето барање непроменето: да нема понатамошно проширување на НАТО и заштита на правата на руските жители во Украина.
„Планот на Доналд Трамп за брзо решавање на конфликтот во Украина не само што мора да ја запре војната, туку мора да гарантира дека руската агресија не може повторно да се случи“, рече претседателот Володимир Зеленски во интервјуто. Зеленски рече дека Украина не сака да го повтори искуството од мировните договори и преговори кои не донесоа резултати во годините пред инвазијата на Москва во февруари 2022 година. А тоа, како што нагласи, значи воспоставување безбедносни гаранции.
„Замрзнатиот конфликт ќе доведе до нова агресија повторно и повторно. Кој потоа ќе ги освои наградите и ќе остане во историјата како победник? Никој. Тоа би било апсолутен пораз за сите – и за нас, што е важно, и за Трамп“, изјави Зеленски за британската ITV. „Да имав гаранција дека Америка и Европа нема да не напуштат и дека ќе не поддржат и ќе ни дадат безбедносни гаранции, би бил подготвен за секаков формат на преговори“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.