Свет
Трамп: Во Париз им кажав дека вака веќе не може

Американскиот претседател, Доналд Трамп, на „Твитер“ објави дека само што се вратил од Париз од одбележувањето на 100-годишнината од крајот на Првата светска војна, каде што на светските лидери им посочил дека Вашингтон плаќа стотици милијарди долари за воена заштита на другите земји и дека таква ситуација не може да продолжи.
Just returned from France where much was accomplished in my meetings with World Leaders. Never easy bringing up the fact that the U.S. must be treated fairly, which it hasn’t, on both Military and Trade. We pay for LARGE portions of other countries military protection,……..
— Donald J. Trump (@realDonaldTrump) November 12, 2018
„Само што се вратив од Франција, каде што многу се постигна на моите состаноци со светските лидери“, објави Трамп.
Тој оцени дека никогаш не е лесно да се наведат фактите оти кон САД треба да постапува правично, што, според него, не е правено ниту на воен ниту на трговски план.
…..hundreds of billions of dollars, for the great privilege of losing hundreds of billions of dollars with these same countries on trade. I told them that this situation cannot continue – It is, and always has been, ridiculously unfair to the United States. Massive amounts…..
— Donald J. Trump (@realDonaldTrump) November 12, 2018
„Ние плаќаме големи делови (од буџетот) за заштита на други земји, стотици милијарди долари, а имаме таква привилегија да загубиме стотици милијарди долари во трговијата со истите тие земји. Им реков дека таквата ситуација не може да продолжи – тоа е, како што и отсекогаш било, смешно неправедно кон САД. Огромни суми потрошени за заштита на други земји, а за возврат немаме ништо друго, освен трговски дефицит и загуби“, напиша американскиот претседател на оваа социјална мрежа.
Тој додаде дека е време богатите земји да им платат на САД за брилијантна воена заштита или самите да се штитат.
„А трговијата мора да биде СЛОБОДНА и ПРАВИЧНА!“, заклучува Трамп.
…..of money spent on protecting other countries, and we get nothing but Trade Deficits and Losses. It is time that these very rich countries either pay the United States for its great military protection, or protect themselves…and Trade must be made FREE and FAIR!
— Donald J. Trump (@realDonaldTrump) November 12, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Напад во кривичниот суд во Њујорк, има повредени

Тројца судски службеници денес биле нападнати со нож и повредени во зградата на Кривичниот суд на Менхетен, потврдија два извори од њујоршката полиција кои се запознаени со нападот.
„Осомничениот напаѓач е приведен по нападот врз службениците во зградата на судот на Централната улица во Њујорк. Нападот се случил близу фоајето“, изјавил неименуван полициски извор за NBC.
Еден судски службеник се здобил со посекотини на лицето, друг на вратот, а третиот бил повреден кога осомничениот го фрлил на подот обидувајќи се да побегне, се наведува во извештајот на американската телевизиска мрежа.
Сите тројца повредени се медицински згрижени и се чувствуваат добро, а истрагата е во тек, иако засега не е јасно што бил мотивот за нападот.
Свет
„Ерусалим пост“: Трамп ќе му даде на Иран последна шанса

Американскиот претседател, Доналд Трамп, планира да му упати на Иран последна шанса за договор, објави „Ерусалим пост“, повикувајќи се на американски и европски претставници.
Според неофицијални информации, новата понуда би можела да биде уште поповолна од онаа од пред недела и половина, но сепак би се базирала на американското барање за нулта толеранција за збогатување ураниум.
Според истиот извор, Иран се обидел да посредува со американската администрација преку Оман и Катар со цел да ги запре израелските напади и да ги обнови преговорите за нуклеарната програма. Саудиска Арабија наводно дејствува преку посебен канал со иста цел – постигнување прекин на огнот.
Свет
Претседателот на Иран: Не сакаме ширење на војната

Иранскиот претседател Масуд Пезешкијан изјави дека Иран не сака да ја прошири војната со Израел, но ќе одговори пропорционално на секој напад, пренесува државната иранска новинска агенција.
Пезешкијан ова го рекол за време на телефонскиот разговор со турскиот претседател Реџеп Таип Ердоган.
„Иранските научни, воени и цивилни објекти беа под израелска агресија, при што беа убиени цивили, научници и воени водачи“, рече Пезешкијан.
„Иран не ја започна оваа војна, но ќе одговори според нивото на напад“, изјави.
Тој додаде дека учеството на Иран во нуклеарните преговори со САД зависи исклучиво од прекинот на нападите на ционистичкиот режим врз земјите во регионот.
Турскиот претседател Ердоган, според турската државна агенција, му рекол на Пезешкијан дека Турција е подготвена да игра улога на посредник за да помогне во деескалацијата на конфликтот и да го поддржи враќањето на преговорите за нуклеарната програма.