Свет
Трамп денеска ќе ѝ се обрати на политичката елита на форумот во Давос
Претседателот Доналд Трамп денеска преку видео врска ќе им се обрати на светските политички и бизнис лидери собрани во Давос на Светскиот економски форум, но не се знае што ќе нагласи во неговиот дијалог со светските лидери. Откако ја презеде улогата на шеф на Белата куќа, Трамп, посочува Ројтерс, веднаш се впушти во националната агенда.
Новиот претседател веднаш започна со сузбивање на илегалната имиграција, се зафати со проширување на домашното производство на енергија и се закани дека ќе воведе царини и други давачки за увозот од ЕУ, Кина, Мексико и Канада. Тој, исто така, ги повлече САД од Светската здравствена организација на ОН (СЗО) и Парискиот климатски договор.
Од почетокот на својата политичка кариера, Трамп беше жесток критичар на СЗО бидејќи, како што објасни, агенцијата на ОН не успеа да ги спроведе итно потребните реформи и покажа дека не е во состојба да биде независна од несоодветното политичко влијание на земјите-членки.
Тој ја обвини СЗО дека и помага на Кина да го прикрие потеклото на Ковид-19 и ширењето на пандемијата. Во првите денови од неговиот мандат, тој најави преименување на Мексиканскиот залив во Заливот на Америка и се закани дека ќе ја врати контролата врз Панамскиот канал.
Тој помилува повеќе од 1.500 негови поддржувачи осудени за нападот на Капитол на 6 јануари 2021 година, а исто така започна да ја елиминира програмата „различност, правичност и инклузија“ (ДЕИ) во федералните институции. Тој го повика и приватниот сектор да го стори истото.
Агенцијата Франс прес пишува дека новиот американски претседател размислува и за распуштање на федералната агенција одговорна за природни катастрофи, која ја обвини за неспособност во времето на неговиот претходник Џо Бајден, критикувајќи ја реакцијата на катастрофалните пожари во Калифорнија и неодамнешните урагани во југоисточниот дел на САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Саркози под закана и зад решетки: затворениците сакаат „одмазда за Гадафи“
Поранешниот француски претседател Никола Саркози, кој моментално отслужува затворска казна, продолжува симболично да ја претставува својата земја – дури и зад решетки. Како што објави порталот „Атлантико“, неодамнешните закани од одредени затвореници за „одмазда за Моамер Гадафи“ покажуваат колку е длабок јазот помеѓу француското општество и дел од мигрантското население.
Според анализата на француските новинари, случајот открива „отворен презир“ кон државата што примила многу од овие луѓе и им обезбедила нов живот. „Постои јасна врска помеѓу фактот дека криминалецот не ги признава законите на земјата што го посвоила и фактот дека покажува поголема лојалност кон либискиот диктатор Моамер Гадафи отколку кон поранешниот шеф на француската држава“, наведува „Атлантико“.
Авторите на текстот предупредуваат дека станува збор за поширок проблем – отфрлање на француските вредности и правила како наводна форма на потчинување, додека колонијалното минато се користи како постојан изговор за одбивање на интеграцијата и повикување на одмазда.
„Би било погрешно да се минимизира значењето на она што се случува“, истакнуваат француските коментатори, заклучувајќи дека овој случај е само еден во низата индикатори за длабока криза на идентитетот и социјалната кохезија во современа Франција.
Фото: принтскрин
Свет
Шесткатница се урна во Турција, седум лица под урнатините
Шестокатница се урна во Коџаели, недалеку од Истанбул, а според турските медиуми, седум лица се заробени под урнатините.
Полициски, противпожарни и медицински екипи се на местото на настанот и во тек е спасувачка акција.
Постојат информации дека во зградата живееле две седумчлени семејства, засега не е познато дали сите биле внатре во моментот на уривањето, изјави градоначалникот на Гебзе, Зинур Бујукгоз.
Причината за уривањето сè уште не е позната, спасувачките екипи се на терен.
Фото: принтскрин
Свет
Захарова: Европа се движи кон самоуништување
Портпаролката на руското Министерство за надворешни работи, Марија Захарова, денес изјави дека Европа се движи кон самоуништување, кое, како што рече таа, е поочигледно од кога било.
„Доколку немаше потврда пред некое време, кога зборуваа за тоа дека Европа е турната кон самоуништување, вклучително и преку конфликти со нејзините азиски или евроазиски соседи, можеби некој би рекол дека тоа не е очигледно. Денес не може да биде поочигледно“, изјави Захарова за „Спутник“.
Според неа, падот на Европа може да се види преку големите воени буџети и милитаризацијата, осиромашувањето на западноевропските економии, губењето на културните референтни точки и поддршката за сопствената историја, како и преку монструозната миграциска криза, објави „РИА новости“.
Фото: принтскрин

