Свет
Трамп за првпат поддржа создавање палестинска држава

Американскиот претседател, Доналд Трамп, за првпат јасно поддржа решение со две држави за израелско-палестинскиот конфликт и вети дека ќе презентира мировен план за регионот за два, три или четири месеци.
„Мојот сон е да се дојде до решение до крајот на мојот прв мандат, во јануари 2021 година“, изјави Трамп за новинарите на почетокот на средбата со израелскиот премиер, Бенјамин Нетанјаху.
Во изјавата во рамки на годишното Генерално собрание на ОН во Њујорк, Трамп изјави дека е сто отсто сигурен оти Палестинците ќе се вратат на преговарачка маса, откако тие ги замрзнаа сите контакти со американската администрација кога таа го призна Ерусалим за главен град на Израел кон крајот на 2017 година.
„Ми се допаѓа решението за две држави“, изјави Трамп не прецизирајќи што носи мировниот план кој со месеци се подготвува во голема тајност од страна на мал тим предводен од страна на неговиот зет и советник, Џаред Кушнер.
Објавувањето на предлогот на САД, по рецепт на Доналд Трамп, кој може да резултира со конечен договор меѓу Израел и Палестинците, беше одложено неколкупати.
Досега, републиканскиот претседател јасно не го поддржа решението за две држави, за разлика од неговите претходници и меѓународната заедница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
ЕУ го одобри 17-тиот пакет санкции против Русија, вели извор

Европската унија го одобри 17-тиот пакет санкции против Русија, изјави за „Киев Индепендент“ висок функционер на ЕУ, кој побара анонимност. Мерките се насочени кон речиси 200 бродови од руската „флота во сенка“, 30 компании вклучени во избегнување на санкции и 75 санкции против субјекти и поединци поврзани со рускиот воено-индустриски комплекс и други цели.
Новиот пакет, исто така, вклучува мерки насочени кон руските хибридни операции, поточно воспоставување правна основа за дејствување против пропагандните канали или бродови и субјекти вклучени во саботажа на подводни кабли, аеродроми или сервери.
„Значи, гледате каде одиме. Покрај ‘традиционалните’ секторски и индивидуални санкции, го прошируваме опсегот и поактивно применуваме други видови санкции за да ја погодиме Русија таму каде што гледаме закани или обиди за заобиколување на постојните мерки“, рече изворот.
Свет
Судот на ЕУ: Комисијата мораше да ги објави СМС пораките меѓу Фон дер Лајен и шефот на Фајзер

Европската комисија погреши кога одби да ги објави текстуалните пораки меѓу Урсула фон дер Лајен и извршниот директор на „Фајзер“, Алберт Бурла, во екот на пандемијата на коронавирусот, пресуди судот на Европската унија, објави „Политико“.
Новинарите бараа увид во тајните пораки меѓу претседателката на Комисијата и раководителот на фармацевтска компанија, кои ги разменија во пресрет на потпишувањето на договорот за вакцини вреден повеќе милијарди долари меѓу Фајзер и ЕУ.
Оваа пресуда би можела да има големи последици врз транспарентноста и одговорноста во ЕУ и претставува сериозен удар врз угледот на Урсула фон дер Лајен.
Во соопштението, Општиот суд на Европската Унија изјави дека Комисијата не успеала убедливо да објасни зошто смета дека текстуалните пораки разменети во контекст на набавката на вакцина против коронавирусот не содржат важни информации.
Постоењето на овие пораки, кои Комисијата првично не ги потврди, беше откриено во интервјуто што фон дер Лајен го даде за „Њујорк тајмс“ во 2021 година. Сепак, извршната власт на ЕУ му рече на судот во Луксембург за време на сослушувањето минатата година дека нивната содржина не е доволно значајна за да се сметаат за документи и затоа не се регистрирани или достапни за новинарите.
„Комисијата не може само да тврди дека ги нема бараните документи, туку мора да даде веродостојни објаснувања што ќе им овозможат на јавноста и на Судот да разберат зошто овие документи не можат да се најдат“, се вели во соопштението на судот.
Европа
Зеленски: Ако Путин не дојде во Турција, тоа ќе изгледа како негов целосен пораз

„Никој не знае колку долго ќе трае војната. Но, не десет години. Украина нема да издржи… Русите нема да им веруваат на Украинците, а Украинците нема да им веруваат на Русите. Само надворешни посредници можат да гарантираат почитување на сите договори. Ако Путин не дојде во Турција, тоа ќе изгледа како негов целосен пораз“, рече украинскиот претседател Володимир Зеленски.
Претходно портпаролот на Кремљ, Дмитриј Песков, изјави дека руската делегација ќе биде во Истанбул на 15 мај, додавајќи дека очекуваат и украинската страна да се појави на преговорите.