Свет
Трамп за царините: Нема да имаме проблем да се договориме со Европа или со кој било друг

Американскиот претседател Доналд Трамп очекува да се постигне напредок во склучувањето трговски договори со други земји. Тој, сепак, додаде дека не брза да склучува такви зделки бидејќи царините што ги наметна создаваат значителни приходи, објави „Асошиетед прес“.
Лидерот на САД изрази 100 отсто доверба за постигнување трговски договор за тековниот царински спор со ЕУ.
Трамп ја коментираше својата трговска политика за време на неговиот состанок во Белата куќа со италијанската премиерка, Џорџа Мелони.
Трамп и посака добредојде на Мелони во Белата куќа и рече дека ќе има 100 проценти договор со ЕУ за царините.
„Нема да имаме проблем да се договориме со Европа или со кој било друг, бидејќи имаме нешто што сите го сакаат“, изјави американскиот претседател, цитиран од Ројтерс.
Од своја страна, Мелони рече дека е уверена дека ќе постигнат договор за тарифите, забележува Ројтерс.
Таа рече дека ќе го покани Трамп да ја посети Италија. Премиерката посочи и дека очекува Италија на следниот состанок на НАТО во јуни да објави дека ќе може да го исполни барањето на Алијансата секоја земја-членка да издвојува 2 отсто од својот бруто домашен производ за трошоците за одбрана.
„Имаме многу добри односи заедно и како земји“, рече Трамп.
„Ќе направиме договор со Кина“, рече американскиот претседател. Тој посочи дека очекува да се воведат „значителни“ основни царини за увоз на голем број стоки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.