Свет
Трамп: Зеленски сака договор со Русија и крај на лудилото
Новоизбраниот американски претседател Доналд Трамп денеска изјави дека украинскиот претседател Володимир Зеленски е заинтересиран за договор за ставање крај на војната со Русија, откако двајцата се сретнаа во Париз за да разговараат за иднината на конфликтот.
Францускиот претседател Емануел Макрон беше домаќин на тринасочни разговори со Зеленски и Трамп во Елисејската палата во саботата, додека во Киев расте стравот за ставот на новата американска администрација.
Трамп отворено се спротивстави на испраќањето милијарди долари воена помош за Украина и во една прилика изјави дека би можел да стави крај на конфликтот за 24 часа.
„Зеленски и Украина би сакале да склучат договор и да го запрат лудилото“, напиша Трамп на својата платформа „Truth Social“.
„Треба веднаш да има прекин на огнот и да започнат преговорите. Премногу животи се непотребно изгубени, премногу семејства се уништени, а ако продолжи, може да се претвори во нешто многу поголемо и многу полошо“, рече тој.
Неколку часа по средбата, администрацијата на американскиот претседател во заминување Џо Бајден објави нов пакет воена помош за Украина во вредност од 988 милиони долари. Пакетот содржи беспилотни летала, муниција за прецизни ракетни фрлачи „ХИМАРС“ и опрема и резервни делови за артилериски системи, тенкови и оклопни возила, соопшти Пентагон.
Во Украина постои загриженост дека Трамп би можел да се заложи за непопуларни отстапки во земјата за да се донесе мир. Зеленски инсистираше на тоа дека секое решение со Русија мора да биде фер.
„Сите сакаме мир. Но, за нас е многу важно… мирот да е праведен за сите нас и дека Русија, Путин или кој било друг агресор нема некогаш да се врати“, рече Зеленски.
„И тоа е најважното нешто – правични гаранции за мир и безбедност, силни безбедносни гаранции за Украина“, додаде тој.
Но, Зеленски, исто така, му се заблагодари на Трамп за неговата непоколеблива решителност опишувајќи ги разговорите како „добри и продуктивни“.
Состанокот на Зеленски со Трамп, непосредно пред и двајцата да присуствуваат на церемонијата на повторното отворање на катедралата Нотр Дам, беше нивна прва средба лице в лице од победата на Трамп на американските избори.
Патувањето во Париз е прва меѓународна посета на Трамп по неговата изборна победа на 5 ноември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото+видео) Тајфунот Вифа го парализира Хонг Конг – издадено највисоко предупредување, откажани над 200 летови
Хонг Конг издаде највисоко предупредување за бура – сигнал број 10 – додека тајфунот Вифа ги погоди јужните делови на територијата со силни ветрови и обилни дождови. Ветровите достигнаа брзина од над 167 километри на час, предизвикувајќи хаос во воздушниот и јавниот сообраќај.
Метеоролошката опсерваторија го зголеми нивото на тревога во 9:20 часот наутро и соопшти дека се очекува силното невреме да продолжи „некое време“. Вифа се движи на околу 50 километри јужно од градот, а урагански ветрови го погодуваат јужниот дел од Хонг Конг.
Le typhon #Wipha est actuellement situé à proximité de Hong Kong. https://t.co/5MB1ABrd36 pic.twitter.com/rzGQO65eOQ
— Guillaume Séchet (@Meteovilles) July 20, 2025
Поради опасните временски услови, авиокомпанијата Кетај Пацифик Ервејс ги откажа сите летови од и до Хонгконшкиот аеродром во периодот од 5 до 18 часот. Патниците добија можност бесплатно да ги променат своите резервации.
HKFP noted strong winds and huge waves around the Heng Fa Chuen Promenade at around noon on Sunday as hurricane-force Wipha descended on China’s southern coast. Hong Kong raised the 10 storm warning for the first time since 2023 – it is the highest signal, and is set to remain in… pic.twitter.com/1OicvqZTgm
— Hong Kong Free Press HKFP (@hkfp) July 20, 2025
Покрај авионскиот сообраќај, во неделата беше суспендиран и поголемиот дел од јавниот превоз, вклучително и фериботските линии, поради високите морски бранови.
Властите ги повикаа граѓаните да останат во своите домови и да не се приближуваат до прозорци, поради опасност од летачки предмети.
Европа
САД и ЕУ имаат 18 месеци да се подготват за можен вооружен конфликт со Кина и Русија, кажа командант на НАТО
Врховниот командант на НАТО во Европа, генерал Алексус Гринкевич, процени дека САД и Европската Унија имаат година и пол да се подготват за потенцијален глобален вооружен конфликт со Кина и Русија.
Тој додаде дека верува оти Пекинг и Москва би можеле да нападнат истовремено и координирано, пренесува „Билд“.
– Она што кинескиот лидер Си Џинпинг веројатно ќе го направи пред да одлучи да преземе воена акција против Тајван е да му се јави на својот пријател Путин и да го замоли за помош. Тоа за мене значи дека обете работи би можеле да се случат истовремено – рече Гринкевич за време на конференцијата за одбрана во Висбаден, Германија, каде што се наоѓа Командата на НАТО за безбедносна помош и обука на вооружените сили на Украина.
Тој додаде дека 2027 година би можела да биде „потенцијална кризна година“.
– Ќе ни треба секое оружје, опрема и муниција што можеме да ја набавиме за да бидеме подготвени – нагласи командантот на НАТО.
Според германскиот весник, во владините кругови во Берлин расте стравот дека Русија наскоро би можела да нападне една од помалите земји-членки на НАТО, бидејќи се очекува земјите од Алијансата да постигнат сериозни одбранбени способности дури во 2029 година.
Според „Билд“, некои министри во владата на Фридрих Мерц очекуваат дека руска воена провокација би можела да се случи во 2027 година.
Свет
Авион принудно слетал во САД поради обид на патник да ја отвори вратата
Авион на линијата Омаха-Детроит во САД мораше да изврши итно слетување во Ајова поради патник кој се обидел да ја отвори вратата за време на летот.
Откако полицијата го уапсила, кај него пронашла 41 таблета од лекот „Ксанакс“.
Инцидентот се случил во среда навечер по локално време, за време на летот на авионот на „Скај Вест ерлајнс“, кој извршил итно слетување во Сидар Рапидс, во државата Ајова, објави Си-Ен-Ен.
Патникот кој се обидел да ја отвори вратата претходно се скарал со стјуардесата, според пилотот.
Авионот слета безбедно, а на видео објавено на социјалните мрежи може да се види како полицијата го вади патникот со лисици од авионот.
(Фото+видео) Тајфунот Вифа го парализира Хонг Конг – издадено највисоко предупредување, откажани над 200 летови
Хонг Конг издаде највисоко предупредување за бура – сигнал број 10 – додека тајфунот Вифа ги погоди јужните делови на...
(Видео) Шукова: Имам решенија за чисто, уредено и безбедно Скопје кое дише
Скопје може и мора да биде град за луѓето — чист, уреден, сообраќајно среден, зелен и безбеден. Град со кој...
(Видео) Попов: Јавните повици за младите сега се достапни за сите, нема веќе „прв дојден прв услужен“
Сергеј Попов, претседател на УМС на ВМРО-ДПМНЕ и пратеник во Собранието беше дел од денешната трибина „Како политиките на ВМРО-ДПМНЕ...
(Видео) Кузеска: Тошковски го претвора МВР во партиска милиција на ВМРО-ДПМНЕ
Во собраниска процедура е ставен невиден и скандалозен предлог-закон, кој претставува еден од низата опасни и антидржавни потези на министерот...
(Видео) Лефков: СДС повторно нанесува штета на Македонија вклучувајќи се во деструктивните операции спроведувани од бугарските служби
Имаме основано сомнение, поткрепено со точни информации и факти, дека во моментов се води координирана и насочена операција на дискредитација...
(Видео) Манасиевски: Филипче со ова СДС кое е слика на Заев, се доказ дека дното може да е се подлабоко
СДС под водство на Венко Филипче покажа само една работа – дека секогаш може да се оди подолу, дека дното...
СДСМ: Колапс во ЕСМ, ВМРО-ДПМНЕ направи загуба од 45 милиони евра
Неспособното раководство на ЕСМ, за само три месеци во 2025 година, направило загуба од 45 милиони евра, или дополнителни 11...
ЦУК: 35 пожари низ државата во изминатото деноноќие – четири сè уште активни
Центарот за управување со кризи информира дека во изминатото деноноќие се евидентирани вкупно 35 пожари на отворен простор низ државата....
(Видео) Шукова е кандидат на СДСМ за градоначалник на Скопје, објави Филипче
Претседателот на Социјалдемократскиот сојуз на Македонија, Венко Филипче, на денешната прес-конференција ја соопшти одлуката на Извршниот одбор на партијата, која...
МЗ: Нормализирано водоснабдувањето во Клиниката за белодробни заболувања „Козле“
Министерството за здравство информира дека водоснабдувањето во Универзитетската клиника за белодробни заболувања кај децата – Козле е целосно нормализирано. Од...
Возел со 3,15 промили алкохол во крвта, во полусвесна состојба: уапсен пијан скопјанец на патот Охрид-Кичево
Денеска (18.07.2025) околу 14 часот на патот Охрид-Кичево полициски службеници од ОВР Кичево го лишија од слобода Б.К.(48) од Скопје,...
Предметот за пожарот во “Пулс” префрлен во надлежност на ОЈО Скопје
Јавното обвинителство на Република Северна Македонија донесе Решение со кое го определи Основното јавно обвинителство Скопје за стварно и месно...
Зголемени температури во следните неколку дена – да се почитуваат општите препораки за заштита на здравјето
Министерството за здравство ја информира јавноста дека, во согласност со најновата прогноза од Управата за хидрометеоролошки работи (УХМР), во периодот...
Обвинето едно лице за насилство врз градоначалничката на Скопје
По целосно испитување на настанот, Основното јавно обвинителство Скопје поднесе обвинителен предлог против едно лице за кривично дело насилство од...
Мицкоски понудил заедничка резолуција со Бугарија за потврда на самобитноста на македонскиот јазик и идентитетот
Со оглед на тоа што Бугарија тврди дека проблемот за почнувањето на преговорите со ЕУ се само Бугарите во Уставот,...
Болницата „Козле“ сѐ уште без вода – пациентите привремено згрижени на други клиники
Поради прекинот во водоснабдувањето на Универзитетската клиника за белодробни заболувања кај децата „Козле“, пациентите што имаат потреба од хоспитализација привремено...
Сообраќајна несреќа на влезот во Скопје, сообраќајот се пренасочува
Денеска во 10.35 часот во СВР Скопје е пријавено дека на автопатот Куманово – Скопје, во близина на хотелот Белви,...
33 пожари низ Македонија – еден сѐ уште активен, a четири ставени под контрола
Според последните податоци на Центарот за управување со кризи, до утрово во земјата регистрирани се вкупно 33 пожари на отворен...
Со украдена пушка пукал кон деца и се обидел да застрела полицајци – во Василево уапсен 29-годишник
Битолската полиција поднесе кривична пријава против 29-годишниот Г.П. од селото Ангелци, општина Василево, кој се сомничи за две кривични дела...
Светската рекордерка во маратон суспендирана поради допинг
Кениската атлетичарка Рут Чепнгетич, светска рекордерка во женскиот маратон, е привремено суспендирана поради позитивен допинг тест, соопшти Единицата за интегритет...
