Свет
Трамп и Меланија оддадоа почит во синагогата во Питсбург, но не наидоа на топол пречек
По еден камен и по една бела роза за секоја жртва – така претседателот на САД, Доналд Трамп, и неговата сопруга Меланија оддадоа почит на загинатите во синагогата во Питсбург, што е најлош случај на антисемитистичко насилство во американската историја.
Агенцијата АП соопшти дека додека Трамп оддавал почит пред синагогата „Дрвото на животот“, демонстранти кои биле собрани во близина му довикувале на првиот човек на Белата куќа дека не е добредојден.
„Трамп, оди си дома!“, викале учесниците во протестот што се одржа во близина на местото каде што убиецот Роберт Бауерс пукал и убил 11 лица, извикувајќи „сите Евреи мора да умрат“.
Агенцијата наведува дека оваа емоционална и дисонантна сцена најсоодвето ја одразува поделеноста на американската нација.
При оддавањето почит на жртвите од масакрот во синагогата, веднаш зад Трамп и Меланија биле и неговата ќерка Иванка со својот сопруг Џеред Кушнер, кои се Евреи.
Во близина на синагогата имало положено цвеќе, свеќи и пораки напишани со креда, вклучувајќи и еден мал камен на кој стоел бројот „6.000.011“, што ја означува бројката на Евреи убиени во холокаустот, на која е додаден и бројот на убиени во Питсбург.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.