Свет
Трамп и Путин ја оценија средбата корисна и успешна – „Лошите односи се променија пред четири часа“
Рускиот претседател, Владимир Путин, и неговиот американски колега Доналд Трамп се согласија дека денешните разговори во Хелсинки биле многу корисни.
Путин, кој говореше прв, за време на заедничката прес-конференција наведе дека станало збор за разни теми, меѓутоа иако напомена дека разговорите поминале во отворена и деловна атмосфера и ги оцени како успешни и корисни, сепак, понатаму додаде дека со Трамп не успеале да постигнат сосгласност за сите прашања, меѓу кои посебно беа издвоени прашањата за Крим, рускиот гасовод, како и загриженоста на Русија околу излезот на САД од иранската нуклеарна програма.
„На сите им е јасно дека билатералните односи поминуваат низ сложена фаза. Сепак, за пречките и напнатоста во суштина не постои реална основа“, изјави Путин со што изрази оптимизам дека несогласувањата би можеле да бидат совладани.
Рускиот претседател додаде дека е потребно Русија и САД да го преземат лидерството за воспоставување на мирот во Сирија и за хуманитарната соработка во оваа земја. Путин истовремено посочи дека Москва при решавањето на сирискиот конфликт ќе ги земе в предвид и интересите на Израел.
Од другата страна, претседателот на САД, Доналд Трамп, истакна дека односите помеѓу двете земји никогаш не биле полоши, меѓутоа сето тоа се сменило пред речиси четири часа. Американскиот претседател посочи дека средбата со неговиот руски колега е само почеток на долгиот процес.
„Дури и за време на периодот на Студената војна, кога светот имаше поинаков статус од сегашниот, САД и Русија беа во можност да одржат стабилен дијалог, но наште односи никогаш во историјата не беа полоши од оние во моментот. Сепак, тоа се промени пред околу четири часа, убеден сум во тоа“, истакна Трамп.
Претседателот на САД, кој го опиша разговорот како исклучително продуктивен, во овој контекст додаде дека и двете земји се виновни за колапсот на билатералните односи.
„Сметам дека САД се глупави, сите сме глупави. Можевме да го започнеме дијалогот одамна. Мислам дека сите сме виновни, но САД и Русија направија чекор напред“, увери Путин признавајќи дека и двете страни си допуштиле повеќе грешки.
Трамп се осврна и на гасоводот „Северен тек 2“ коментирајќи дека во Трамп гледа конкурент и тоа многу добар конкурент. Трамп, говорејќи на оваа тема, го повтори и ставот дека Германија е под целосна контрола на Русија поради предвидениот гасовод. Возвраќајки, првиот човек на Кремљ додаде дека Москва е подготвена да ја задржи испораката на гас преку Украина, а ако ситуацијата се искомлицира, ќе се обрати до Арбритражниот суд во Стокхолм.
Путин додаде дека САД и Русија можат да работат заедно на регулирањето на нафтениот и гасниот пазар, а истовремено му предложи на Трамп да создадат заедничка работна група за борба против тероризмот. Од другата страна, Трамп истакна дека САД и Русија планираат да работат заедно на решавањето на нуклеарните проблеми со Северна Корја, како и обезбедувањето на безбедноста на Израел во сирискиот конфликт.
Двајцата претседатели во однос на Крим, истакнаа дека нивните позиции драстично се разликуваат пришто Путин посочи дека Русија нема да прави никакви отстапки по ова прашање. На новинарско прашање, рускиот претседател негираше било какво влијание на Москва врз претседателските избори во САД.
Е. Т.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Торнадо го погоди брегот на Италија: луѓето бегаат од плажата во паника
Плажата Макарезе во близина на Рим викендов беше погодена од виорен ветер познат како пијавица, кој крена песок и ги однесе чадорите.
Иако ударот траеше само неколку секунди, тој беше доволен за да предизвика конфузија, а седум лица беа повредени: шестмина добија помали модринки, додека едно лице доби медицинска помош.
Според написите, погодени беа три плажни комплекси.
Пијавицата накратко се појавила на брегот северно од Рим, а шанкер од едно од кафулињата за порталот „Аднкронос“ изјави дека времето одеднаш се влошило и дека капачите немале време да ја напуштат плажата поради ова.
„Одеднаш, задува силен ветер и почна да носи сè пред себе – чадори летаа низ воздухот. Траеше само неколку минути, но луѓето се испаничија и почнаа да трчаат во засолниште. Веднаш отидов до лежалките за да им помогнам на спасувачите. Брзо ги затворивме сите чадори и се обидовме да ги обезбедиме луѓето. Владееше општ хаос, но за среќа никој не беше сериозно повреден. Наскоро сè се врати во нормала“, рече тој.
Свет
(Видео) Снег предизвика колапс на сообраќајот во Австралија: заглавени автомобили, илјадници луѓе без струја
Неколку градови во источна Австралија беа покриени со најдебелиот слој снег што паднал во последните децении, што предизвика колапс на сообраќајот.
Службата за вонредни состојби на Нов Јужен Велс соопшти дека се очекува околу половина метар снег да падне во некои области во текот на викендот.
Australia’s heaviest snowfall in 40 years blankets New South Wales with 40cm of snow, causing power outages and 1,455 incidents. pic.twitter.com/JQJ8e8MtA8
— Al Arabiya English (@AlArabiya_Eng) August 4, 2025
Во делови од северозападниот регион на Нова Англија, падна најголемиот снег во последните 20 години, објави државниот радиодифузер ABC, додека Sydney Morning Herald објави дека во една област од соседната држава Квинсленд, паднал првиот снег во последните десет години, објавува Ројтерс.
Службите за вонредни состојби соопштија дека реагирале на повеќе од 1.455 инциденти и повеќе од 100 возила биле заробени од снегот, бидејќи бурите оштетиле згради и биле издадени неколку предупредувања за поплави.
#Australia: Parts of New South #Wales in Australia were blanketed by unprecedented snowfall over the weekend. pic.twitter.com/1JEGexzJlv
— CMNS_Media⚔️ #Citizen_Media🏹VEDA 👣 (@1SanatanSatya) August 4, 2025
Десетици илјади потрошувачи ја поминале ноќта без електрична енергија.
Во австралиската федерална држава Нов Јужен Велс, паднале големи количини снег, а илјадници луѓе останале без електрична енергија.
Многу возила се заглавени во снег и мраз, телефонските линии се во прекин, а се очекува илјадници жители да останат без електрична енергија најмалку уште 24 часа, објави Njuz.com.au. На северните висорамнини на Нов Јужен Велс, дебелината на снежната покривка е околу 40 сантиметри, објавија локалните медиуми.
Метеорологот Хелен Рид изјави дека снегот е предизвикан од студен воздушен фронт.
Фото: Принтскрин
Свет
Трамп: Испраќам нуклеарни подморници поради Медведев; Кремљ: Бидете многу, многу внимателни
Портпаролот на Кремљ, Дмитриј Песков, реагираше на изјавата на американскиот претседател Доналд Трамп за испраќање две нуклеарни подморници „во соодветните региони“. Тој рече дека Русија не сака да влезе во контроверзност со Трамп, пренесува Ројтерс.
„Русија многу внимателно пристапува кон прашањето за неширење на нуклеарно оружје. Веруваме дека сите треба да бидат многу, многу внимателни со нуклеарната реторика“, рече Песков, според АФП. Тој исто така го намали значењето на пораката на Трамп, велејќи дека е јасно дека американските подморници веќе се во состојба на борбена готовност.
„Ние совршено добро разбираме кој е Доналд Трамп“
Првата конкретна реакција од Русија претходно ја даде Виктор Водолацки, член на владејачката партија во Државната дума и поранешен заменик-командант на проруските сили во окупираните делови на Украина.
„Во светските океани има значително повеќе руски нуклеарни подморници отколку американски, и тие имаат најмоќно оружје“, изјави Водолацки за државната новинска агенција Тас. Тој исто така рече дека не треба да очекуваме официјален одговор од Русија на изјавите на Трамп.
„Не може да има одговор од наша страна, бидејќи совршено добро разбираме кој е Доналд Трамп. Последните месеци покажаа дека тој се предомислува 24 часа на ден“, изјави тој.
Трамп испрати подморници поради Медведев
Медиумите потсетуваат дека Трамп претходно објави на својата социјална мрежа Truth Social дека наредил две нуклеарни подморници да бидат испратени во „соодветни региони“ поради „многу провокативни изјави“ на поранешниот руски претседател Дмитриј Медведев.
„Врз основа на многу провокативните изјави дадени од поранешниот претседател на Русија, Дмитриј Медведев, кој сега е заменик-претседател на Советот за безбедност на Руската Федерација, наредив две нуклеарни подморници да бидат позиционирани во соодветните региони, за секој случај ако овие глупави и провокативни изјави се повеќе од обична реторика“, напиша тој.
„Зборовите се многу важни и често можат да доведат до несакани последици, се надевам дека ова нема да биде еден од тие случаи“, додаде Трамп.
Дмитриј Медведев, поранешен претседател на Русија од 2008 до 2012 година, сега е заменик-претседател на Рускиот совет за безбедност. По почетокот на руската инвазија на Украина, тој се претвори во еден од најжестоките застапници на екстремната антизападна реторика,анализираат медиумите.
Критичарите го опишуваат како неодговорна и опасна фигура, додека западните дипломати веруваат дека неговите изјави сè повеќе ги одразуваат ставовите на врвните функционери на Кремљ.
Фото: ЕПА
Почувствуван земјотрес во Македонија
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Мицкоски со остра осуда за скандирањата на ксенофобични пораки и национализам на натпреварот Македонија-Романија во Куманово
Премиерот, Христијан Мицкоски денес одговарајќи на новинарско прашање остро го осуди скандирањето на натпреварот Македонија-Романија во Куманово од страна на...
Објавен огласот за финансиска поддршка за сметките за струја за ранливи потрошувачи
Министерството за енергетика, рударство и минерални суровини го објави јавниот оглас за финансиска поддршка за потрошена електрична енергија за ранливи...
Обид за убиство во Струга – со нож го избол во стомакот, рацете и во вратот
Основното јавно обвинителство Струга отвори истрага против две лица, од кои едното е осомничено за обид за убиство и насилство,...
Силен скок на цената на нафтата на светските пазари
По две недели пад, цените на нафтата нагло пораснаа на светските пазари, за повеќе од шест проценти, поддржани од постигнувањето...
Активни четири пожари во Македонија
До 07:00 часот утрово регистрирани се 23 пожари во Македонија, од кои четири се активни, два се под контрола, а...
Трамп се закани: Путин има рок до петок
Американскиот претседател Доналд Трамп изјави дека неговиот специјален претставник Стив Виткоф би можел да отпатува во Русија, можеби в среда...
Русија и Кина одржуваат воени вежби во морето крај Јапонија
Русија и морнариците на Кина одржуваат заеднички артилериски и противподморнички вежби во Јапонското Море како дел од планираните воени маневри,...
Доаѓа невреме – силен ветер, пороен дожд и град ќе ја погодат Македонија
Управата за хидрометеоролошки работи информира дека под влијание на влажна и нестабилна воздушна маса, во понеделник и вторник на повеќе...
(Видео) Петрушевски: Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски кого го спасија и држат на функција
Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски, кого го спасија и...
(Видео) Илиевски: Има ли „Алказар Енерџи“одобрение за градба или не, каков е бизнис интересот на Божиновска и Мицкоски?
Владата на ВМРO-ДПМНЕ прави класична распродажба на националните ресурси од македонската енергетика, кажа денеска на прес-конференција, Методија Илиевски, потпретседател на...
„Среќни се ако јадат сув леб“ – трогателно сведоштво за брат и сестра во Газа кои гладуваат со недели
Мохамед Алмадун, од хуманитарна организација во Газа, рече дека во оваа палестинска енклава лекувал две малолетни деца – брат и...
Техеран се соочува со историска водна криза: „нултиот ден“ сè поблиску
Иранскиот главен град Техеран најверојатно е само на неколку недели од таканаречениот „нулти ден“, предупредуваат експертите – денот кога чешмите...
(Видео) МААЕ: Експлозии и чад во близина на нуклеарната централа Запорожје
Меѓународната агенција за атомска енергија (МААЕ) денес објави дека нејзиниот тим во нуклеарната централа Запорожје во Украина слушнал експлозии и...
(Фото) Сиљановска-Давкова: Мора да го искорениме плевелот на корупцијата и криминалот, време е за нова пролет на нашата македонска република
Претседателката Гордана Сиљановска-Давкова, денеска се обрати на чествувањето на 2 Август – Илинден, Денот на Републиката на Мечкин Камен во...
(Видео) Мицкоски: Илинден е симбол на жртвата која генерации пред нас ја дале за слободна Македонија
Премиерот на Македонија, Христијан Мицкоски, денеска од Скопје го честиташе големиот празник 2 Август – Ден на Републиката, Илинден. „Овој...
(Видео) Филипче од Крушево: Илинден е нашиот темел – заедно да ја продолжиме борбата за Македонија
Претседателот на СДСМ, Венко Филипче денеска од Крушево го честита 2 Август, Денот на Републиката – Илинден. „Го честитам празникот...
Kостадиновски: Нашето современо илинденско наследство е вистинската посветеност на владеењето на правото и правната држава
Претседателот на Уставниот суд, Дарко Костадиновски, упати честитка по повод Денот на Републиката, 2 август – Илинден. „Денес, 122 години...
ВМРО-ДПМНЕ: Илинден е ден на обединување, ден кога сите треба да се поклониме пред минатото и да се заветиме за иднината
ВМРО-ДПМНЕ упати честитка по повод Илинден. „Илинден е симбол на нашата непокорност, заветот на Крушево и борбата на партизаните за...
Гаши: Овој ден е симбол на историската борба за слободно, еднакво и демократско општество
Претседателот на Собранието, Африм Гаши, упати честитка по повод 2 Август – Денот на Републиката. „Во име на пратениците и...
