Генералниот секретар на НАТО Марк Руте најави дека членките на алијансата ги зголемуваат инвестициите во одбраната и подготвуваат дополнителна финансиска помош за Украина. Неговите изјави уследија по телефонскиот разговор со американскиот претседател Доналд Трамп на 27 февруари.

„Одличен разговор со Доналд Трамп. САД и НАТО стануваат посилни. Сојузниците на НАТО забрзано ги зголемуваат инвестициите во одбраната. Најавени се големи зголемувања, а следуваат уште повеќе“, напиша Руте во објавата на социјалната мрежа Икс.

Great to talk with @realDonaldTrump
US & NATO are getting stronger. NATO Allies are moving quickly to invest more in defence. Big increases announced & others to follow.
On Ukraine, Allies are preparing billions more in aid + contributions to security guarantees. pic.twitter.com/d4zxbkGhsD

— Mark Rutte (@SecGenNATO) February 27, 2025

Тој исто така нагласи дека НАТО продолжува да дава поддршка за Украина, додавајќи дека „Сојузниците подготвуваат милијарди долари дополнителна помош и придонеси за безбедносните гаранции за Украина“.

Изјавите на Руте укажуваат на координирани напори на членките на НАТО за зајакнување на колективната одбрана и одржување на воената помош за Украина додека трае војната со Русија.

Руте претходно изјави дека Европа е подготвена да преземе водечка улога во обезбедувањето безбедносни гаранции за Украина. Неговата објава на социјалната мрежа Х на 17 февруари уследи по самитот во Париз, чиј домаќин беше францускиот претседател Емануел Макрон, каде што европските лидери се собраа пред претстојните американско-руски разговори за ставање крај на војната.

Ready and willing. That’s my take from today’s meeting in Paris. Europe is ready and willing to step up. To lead in providing security guarantees for Ukraine. Ready and willing to invest a lot more in our security. The details will need to be decided but the commitment is clear. pic.twitter.com/Y4ClrX94Qe

— Mark Rutte (@SecGenNATO) February 17, 2025

„Европа е подготвена и сака да ги засили напорите. Да води во обезбедувањето безбедносни гаранции за Украина. Подготвени сме да инвестираме многу повеќе во нашата безбедност. Деталите сè уште треба да се дефинираат, но посветеноста е јасна“, додаде Руте.

Американскиот претседател Доналд Трамп изјави дека има „голема почит“ за украинскиот претседател Володимир Зеленски пред нивниот состанок во Белата куќа. Неодамна го нарече „диктатор“.

На прашањето на Би-би-си дали ќе се извини што неодамна го нарече „диктатор“, Трамп одговори дека не се сеќава дека го рекол тоа. Тој, исто така, го нарече Зеленски „многу храбар“.

„Го реков тоа? Не ми се верува дека сум го рекол тоа“, одговори Трамп.

Reporter: Do you still think that President Zelensky is a dictator?

Trump: “Did I say that? I can't believe I said that"
(yes, he did, more than once) pic.twitter.com/QcnGOpOKJG

— Republicans against Trump (@RpsAgainstTrump) February 27, 2025

Трамп зборуваше по состанокот со британскиот премиер Кир Стармер за ставање крај на војната меѓу Украина и Русија. Тој предвиде „многу добар состанок“ со Зеленски денеска, истакнувајќи дека мировните напори „се движат доста брзо“.

Овие состаноци доаѓаат откако администрацијата на Трамп ги шокираше западните сојузници со одржувањето на првите разговори на високо ниво на САД со Москва откако Русија ја нападна Украина пред повеќе од три години. Американскиот претседател претходно го обвини Зеленски за војната и го прекори што не ги започнал мировните преговори порано.

„Таму сте три години“, рече тој минатиот вторник. „Требаше да заврши… Не требаше ни да започне. Можевте да постигнете договор“, им рече тој на Зеленски и Украина. Но, вчера, по средбата со Стармер, Трамп им рече на новинарите: „Мислам дека утре наутро ќе имаме многу добар состанок. Ќе се сложуваме многу добро“.

Истрага е во тек откако познатиот актер Џин Хекман и неговата сопруга Бетси Аракава, заедно со нивното куче, беа пронајдени мртви во нивниот дом во Ново Мексико.

Телата на 95-годишниот Хекман и 64-годишната Аракава беа пронајдени од екипажот на шерифот во четвртокот попладне во населбата Хајд Парк во Санта Фе, соопшти Одделот за шерифот во Санта Фе. Двојката со години живееше во таа област.

Шерифот Адан Мендоза во телефонско интервју изјави дека соработник на Хакман се јавил во средата попладне, откако ги открил телата на актерот и неговата сопруга.

Парот бил пронајден во различни соби, а до Аракава биле пронајдени апчиња, пренесува Њујорк Тајмс. Едно од нивните кучиња било мртво во кафезот, додека останатите преживеале. Мендоза рече дека нема очигледни знаци на повреда на телата и дека не е пронајдена белешка. „Во моментов немаме очигледни показатели“, рече шерифот. „Аутопсијата ќе ни каже повеќе“, рече тој додека истрагата продолжува.

Пред да влезат во домот, шерифот добил потврда од противпожарната и гасната компанија дека е безбедно да се влезе во имотот, а нема знаци на јаглерод моноксид. Мендоза нагласи дека не сакаат да шпекулираат дали се работи за несреќа или природни причини. „Ова не е типичен случај“, рече тој.

Компанијата за гас учествува во истрага за смртта, поради извештаите кои сугерираат дека парот починал од сомнително труење со јаглерод моноксид.

Портпаролот на Њу Мексико Гас, Тим Корте, потврди за Асошиетед прес дека компанијата соработува со канцеларијата на шерифот во истрагата.

По откривањето на телото, биле тестирани плинските инсталации во и околу куќата и не биле пронајдени никакви проблеми, но еден од детективите забележал дека луѓето изложени на истекување на гас можеби не мора да покажуваат јасни знаци на труење.

Двојката беше пронајдена во нивниот дом во изолирана населба високо над центарот на Санта Фе. Хекмен се преселил во Санта Фе во 1980-тите откако снимал неколку филмови во областа. Откако се повлече од Холивуд пред повеќе од две децении, тој напиша неколку историски авантуристички романи со својот пријател. Повремено беше виден во центарот на Санта Фе.

Еден од најпознатите холивудски актери, Хекмен беше номиниран за пет Оскари и освои два во текот на својата 40-годишна кариера.