Свет
Трамп: На некој начин извршен е државен удар против Бајден
![](https://makfax.com.mk/wp-content/uploads/2024/06/TRAMP-epa-3.jpg)
Извршен е државен удар против американскиот претседател Џо Бајден, изјави американскиот претседателски кандидат Доналд Трамп во интервју за „Фокс њуз“.
„На некој начин да“, одговори Трамп на новинарското прашање дали верува дека во ситуацијата со Бајден може да се зборува за државен удар.
Републиканскиот претседателски кандидат беше интервјуиран заедно со сенаторот Џ. Д. Венс, кого го номинира за потпретседател. Венс на ова прашање одговори потврдно.
„Ако Бајден не може да се кандидира за претседател, не може да служи како претседател и сакаат да го отстранат затоа што не е способен за работа – видете го 25-тиот амандман (на Уставот на САД)“, рече тој.
Според 25-тиот амандман, потпретседателот и администрацијата имаат моќ да го прогласат претседателот за неспособен за функцијата и да го принудат да поднесе оставка. Венс истакна дека ако тоа е вистинскиот проблем, мора да се реши соодветно.
Претседателските избори во САД ќе се одржат на 5 ноември. Демократската партија требаше да ја претставува актуелниот шеф на државата, Џо Бајден, но по неговиот катастрофален настап на јунската дебата со поранешниот претседател Доналд Трамп, почнаа да се слушаат сѐ погласни повици Бајден да се откаже од борбата. На 21 јули тој одлучи да се повлече од трката и да ја поддржи кандидатурата на потпретседателката Камала Харис за највисоката позиција во американската држава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.