Свет
Трамп: На Украина ќе ѝ требаат „Патриот“ ракети за одбрана

Претседателот на САД, Доналд Трамп, изјави дека на Украина ќе ѝ требаат ракети „Патриот“ за својата одбрана, откако во петокот разговарал со украинскиот претседател Володимир Зеленски, и изрази разочараност поради одбивањето на рускиот претседател Владимир Путин да стави крај на борбите, пренессе „Ројтерс“.
Трамп им рече на новинарите дека имал добар телефонски разговор со Зеленски, но повтори дека бил многу незадоволен од повикот со Путин, нарекувајќи го рускиот лидер незаинтересиран за прекин на огнот.
На прашањето дали САД ќе се согласат да испорачаат дополнителни ракети „Патриот“ на Украина, како што побарал Зеленски, Трамп изјави: „Ќе им требаат за одбрана… Ќе им треба нешто, бидејќи се под жестоки удари.“
Тој ги пофали ракетите „Патриот“ како „навистина неверојатно оружје“.
На прашање за изгледите за прекин на огнот, Трамп изјави: „Тоа е многу тешка ситуација… Бев многу незадоволен од мојот повик со претседателот Путин. Тој сака да оди до крај, само да продолжи да убива луѓе – тоа не е добро.“
Зеленски, во порака на Телеграм, рече дека се согласиле да работат на зголемување на капацитетите на Украина за „одбрана на небото“, како одговор на засилените руски напади. Тој додаде дека разговарале и за заедничко производство, набавки и инвестиции со американската страна.
Украина подолго време бара од Вашингтон нови системи „Патриот“ што ги смета за клучни во одбраната на градовите од засилените воздушни напади од Русија. Одлуката на САД да прекинат со некои пратки на оружје веќе предизвика предупредувања од Киев дека тоа ја намалува нивната способност за одбрана.
Германија, пак, објави дека е во разговори за купување на ракети „Патриот“ за да го надополни вакуумот.
Извор информиран за повикот меѓу Трамп и Зеленски за Ројтерс изјавил дека по „многу добриот разговор“, постои оптимизам дека снабдувањето со ракети може да продолжи.
Трамп изјави дека разговарал и со германскиот канцелар Фридрих Мерц за украинското барање, но дека сè уште не е донесена одлука за испорака на напредните ракети.
Според американскиот медиум Axios, повикот траел околу 40 минути, а Трамп му рекол на Зеленски дека ќе провери каква е состојбата со американското оружје што требало да биде испратено во Украина.
Во своето вечерно видео-обраќање, Зеленски потврди дека тој и Трамп се согласиле да организираат средба меѓу нивните тимови за зајакнување на воздушната одбрана.
„Имавме многу детална дискусија за заедничко производство. Тоа ѝ е потребно на Украина, но и на Америка,“ рече Зеленски.
Во минатото, Украина доби системи „Патриот“ и муниција од САД како дел од помошта за време на мандатот на тогашниот претседател Џо Бајден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Унгарија го нападна Зеленски: „Го губи разумот“

Унгарскиот министер за надворешни работи, Петер Сијарто, во петокот изјави дека Володимир Зеленски „почнува да го губи разумот“ откако украинскиот претседател изјави дека извидувачките беспилотни летала што го нарушиле украинскиот воздушен простор веројатно ѝ припаѓаат на Унгарија.
„Претседателот Володимир Зеленски почнува да го губи разумот со своите антиунгарски чувства“, напиша Сијарто на Фејсбук. „Сега му се гледаат чудовишта“.
Зеленски во петокот изјави дека извидувачки беспилотни летала го нарушиле украинскиот воздушен простор, повикувајќи се на прелиминарен воен извештај дека леталото дошло од Унгарија за да го испита индустрискиот потенцијал на пограничните области.
Унгарија е членка на Европската Унија и НАТО, две организации што го поддржуваат Киев во неговата војна против Русија, но односите меѓу Киев и Будимпешта честопати биле напнати.
По руската инвазија на Украина во февруари 2022 година, голем број големи украински компании, особено оние на истокот и југот на земјата, се преселија во западна Украина и други побезбедни области.
Унгарскиот премиер Виктор Орбан е скептичен во врска со западната воена помош за Украина и, за разлика од другите членки на НАТО и Европската Унија, одржува блиски односи со рускиот претседател Владимир Путин.
фото: принтскрин
Европа
(Видео) Трагедија во Турција: туристка почина откако беше удрена од глисер додека пливаше покрај брегот на Кемер

Русинка загина на првиот ден од нејзиниот одмор од соништата во Турција, откако беше удрена од глисер.
Линарија Музипова, 42, пливала покрај брегот на одморалиштето Кемер во Анталија кога глисерот се забил во неа.
🔴A #Russian tourist was fatally struck by a speedboat in Antalya, Turkey.
The tragedy occurred at the #Kemer resort: 42-year-old Linaria Muzipova swam beyond the buoys while swimming. At the time, a parasailing boat offering parachute rides was moving through the water. The… pic.twitter.com/c4V0AcbCVK
— News.Az (@news_az) September 26, 2025
Мајката на едно дете, опишана како „посветена сметководителка“, отпатувала сама до популарното одморалиште – но нејзиниот сончев одмор завршил со ужас во рок од неколку часа од нејзиното пристигнување.
Болничарите се упатиле кон местото на настанот, но не можеле да ја спасат. Таа била прогласена за мртва на плажата.
Рускиот медиум SHOT објави: „Сведоците веднаш повикале спасувачи и брза помош, но лекарите не можеле да ја спасат и ја прогласиле за мртва на местото на настанот.“
Две лица се приведени додека полицијата го истражува шокантниот инцидент.
Локалните медиуми објавија дека Линарија можеби залутала надвор од безбедносните бови кога била удрена од чамецот.
По несреќата, турските власти презедоа мерки за привремена забрана на сообраќајот на бродови во областа додека истражителите не утврдат што точно се случило.
фото: принтскрин
Свет
(Видео) „Ова е Америка на Трамп“: Агентите на Службата за имиграција уапсија барател на азил, ја фрлија мајката на подот пред децата

Видео кое стана вирално на социјалните мрежи покажува како агент на американската Служба за имиграција и царина (ICE) насилно се справува со Моника Морета-Галарза, еквадорска барателка на азил, соборувајќи ја на подот во имиграцискиот суд во Њујорк.
Инцидентот се случил откако агентите го привеле нејзиниот сопруг пред нејзината ќерка.
This is Donald Trump's America
September 25, 2025.pic.twitter.com/epjZlmJhso
— Don Winslow (@donwinslow) September 26, 2025
Одделот за внатрешна безбедност (DHS) соопшти дека агентот е суспендиранод должност во исчекување на истрагата.
Снимките од местото на настанот покажуваат неколку маскирани агенти како го одделуваат сопругот на Морета-Галарза од неговото семејство и го водат надвор од зградата. Додека таа низ солзи моли еден од агентите, маж во сина карирана кошула и капа, тој извика „адиос“ и ѝ рече да си оди. Кога му се приближи, тој нагло ја зграпчи, ја фрли пред група фотографи кон ѕидот, а потоа ја собори на подот.
I’m Till Eckert, a ProPublica reporter. For the past 2 weeks, I’ve been going to the same NY immigration courthouse.
Nearly every time, I see ICE agents arresting immigrants. Today, a woman was slammed to the ground after begging officials not to take her husband away.
Thread👇 pic.twitter.com/elTzcoskS9
— ProPublica (@propublica) September 26, 2025
Откако стана, агентот ја турна кон обезбедувањето, кое ја испрати надвор од зградата. Таа беше хоспитализирана поради повредите, но подоцна беше пуштена.
„Нè тепаа во Еквадор. Не мислев дека ќе дојдам во Соединетите Држави и ќе го доживеам истото“, изјави Морета-Галарза за новинарите откако беше пуштена од болница.
Новинарот на ProPublica, Тил Екерт, кој беше на местото на настанот, потврди дека семејството побарало азил во Соединетите Држави, што е правен процес. Инцидентот се случил на адресата Федерал Плаза 26, која покрај имиграциски суд служи како и привремен центар за притвор за мигранти. Таму минатата недела беа уапсени повеќе од 70 демонстранти.