Свет
Трамп не сака да се соочи со Камала Харис додека таа не стане официјален кандидат

Поранешниот американски претседател и републикански кандидат на претстојните ноемвриски избори, Доналд Трамп, не сака дебата со веројатната демократска кандидатка Камала Харис додека таа не стане официјална.
Трамп смета дека е несоодветно да се дебатира со Харис додека Демократската партија официјално не ја именува за свој кандидат за претседателските избори во САД во ноември, соопштија од републиканскиот предизборен тим.
„Би било несоодветно да се договара што било со Харис бидејќи демократите многу лесно би можеле да се предомислат“, се вели во соопштението на тимот на Доналд Трамп, откако Харис, силен фаворит да го замени Џо Бајден по повлекувањето од кампањата, рече дека е подготвена за дебата.
Поранешниот републикански претседател се договорил со Џо Бајден за две дебати пред претседателските избори во ноември, на 27 јуни и на 10 септември.
Но, катастрофалниот настап на претседателот во заминување за време на првиот телевизиски дуел го принуди Џо Бајден да се откаже од својата кандидатура за втор мандат во неделата по неколкунеделните повици да се откаже од трката поради загриженоста за неговото физичко и ментално здравје.
По тоа, неговата кандидатка Камала Харис го презеде кормилото и ја почна својата кампања, сега со широка поддршка меѓу демократите. Иако е голем фаворит, таа сѐ уште не е официјално именувана како кандидат на демократите за ноемвриските избори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Канадскиот премиер: Путин се плаши

Канадскиот премиер Марк Карни, на заедничка прес-конференција со германскиот канцелар Фридрих Мерц, рече дека Владимир Путин се плаши да се сретне со Володимир Зеленски за да разговара за условите за завршување на војната.
Карни истакнува дека Зеленски е подготвен за средба со Путин на која било неутрална територија. Тој, исто така, вели дека Зеленски не очекува Путин да дојде во Киев или дека самиот ќе патува во Москва за таква средба.
„Сепак, секоја неутрална локација би била прифатлива“, рече Карни.
Тој додаде дека е клучно сојузниците да продолжат да ѝ даваат поддршка на Украина додека не се одржи тој состанок.
Фото: ЕПА
Свет
Пукање во католичко училиште во САД: две деца убиени, напаѓачот се самоубил

Најмалку две лица се убиени, а 20 се повредени во пукање во католичкото училиште „Благовештение“ во Минеаполис, Минесота, САД, потврди полицијата.
Како што е потврдено, две деца, на возраст од 8 и 10 години, се убиени.
More than 20 people were injured and at least two were killed in a tragic shooting incident at Annunciation Catholic Church and its school, located in the southeast neighborhood of Minneapolis, Minnesota, USA, during a morning school Mass.
Among the injured, at least 14 people… pic.twitter.com/9f9WTH2Dof— khaled mahmoued (@khaledmahmoued1) August 27, 2025
Напаѓачот е исто така мртов. Полицијата верува дека напаѓачот, кој си го одзел животот на паркингот пред училиштето, дејствувал сам. Полицијата соопшти дека имал околу 20 години, но сè уште не е познато дали бил поранешен ученик во училиштето.
Вооружен со три оружја, вооружениот човек отворил оган низ прозорците кон децата и другите верници за време на мисата по повод првата недела од школувањето по празниците.
Гувернерот на Минесота, Тим Волц, потврди дека пукањето се случило во католичко училиште и го опиша инцидентот како „страшен чин на насилство“.
Претседателот на САД, Доналд Трамп, објави дека е целосно информиран за инцидентот и дека ФБИ брзо реагира и е на местото на настанот. „Молете се за сите погодени“, напиша Трамп на Truth Social.
Свет
Застрелан младоженец на пукање на свадба во Турција

Младоженец почина од повредите здобиени во пукотница на неговата свадба во северна Турција.
Додека младенците се враќале дома по церемонијата, младоженецот, 23-годишниот Али К., бил ранет од истрели наводно испукани од роднина, жена, на неговата сопруга, објави државната агенција Анадолу.
Жената е приведена, а во нејзината градина се пронајдени две нерегистрирани оружја, соопшти агенцијата.
Обвинителите отворија истрага за инцидентот, кој се случил во градот Шебинкарахисар во покраината Гиресун.
Пукањата на свадби се вообичаени во северна Турција. Минатата недела, еден маж беше убиен, а две лица беа повредени на свадба во североисточната покраина Трабзон.
Свадбата беше откажана, а две лица, меѓу кои и еден полицаец, беа приведени во врска со инцидентот, објавија локалните медиуми.