Свет
Трамп рекламира американска библија, која се продава за 59,99 долари

Поранешниот американски претседател Доналд Трамп, републиканскиот кандидат на претстојните претседателски избори во ноември, рекламира верзија на т.н. американска библија, што близок кантри-пејач ја продава за 59,99 долари, пишува „Гардијан“.
Во објава на својата социјална мрежа „Вистина“, Трамп ги охрабрува своите поддржувачи да си набават примерок од библијата, која ја промовира во партнерство со добриот пријател Ли Гринвуд, кантри-пејач, чии песни се пуштаат на митинзите на Трамп.
Гринвуд ја продава својата верзија на копијата на светите списи преку godblesstheusabible.com, која содржи и фотографии од републиканскиот кандидат со книгите. Книгата е украсена со американското знаме и зборовите „Бог да ги благослови Соединетите Американски Држави“, а содржи и текстови, како што се американскиот Устав и Декларацијата за независност.
Гринвуд на страницата пишува дека тоа е единствената т.н. библија поддржана од Трамп, но исто така нагласува дека републиканецот не заработува од неа, ниту неговата кампања, туку дека го користи името на поранешниот претседател со платена лиценца.
Самиот Трамп во видеото рече дека „верата и христијанството се најголемите работи што недостигаат“ во САД и дека „навистина верува оти тие мора да се вратат, и тоа бргу“. „Мислам дека тоа е еден од најголемите проблеми што ги имаме. Затоа нашата земја е скршена. Ја изгубивме вербата во нашата земја. На сите Американци им треба библија во домот, а јас имам многу од нив“, рече тогаш тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Можеби децата ќе имаат две кукли наместо 30, a можеби и ќе бидат поскапи

Американскиот претседател Доналд Трамп вчера призна дека неговите царини може да доведат до повисоки цени и намалена достапност на некои производи во САД.
Американските деца можеби би можеле да имаат две кукли наместо 30, рече Трамп, инсистирајќи дека Кина ќе страда повеќе од САД поради трговската војна.
Американскиот претседател се обидува да ја увери јавноста дека неговите царини нема да предизвикаат рецесија, откако новиот владин извештај покажа дека американската економија се намалила во првите три месеци од оваа година.
Трамп веднаш го обвини неговиот претходник Џо Бајден, додавајќи и дека на САД всушност не им треба многу од она што се увезува од Кина.
„Знаете, некој рече: „Што ако полиците се празни. Можеби децата ќе имаат две кукли наместо 30. Можеби тие две кукли ќе чинат неколку долари повеќе од вообичаено“, рече Трамп.
Пред говорот на Трамп, Министерството за трговија објави дека американската економија се намалила со годишна стапка од 0,3 отсто во првиот квартал.
Во основата на падот е скокот на увозот бидејќи компаниите се обидуваат да набават стоки пред да стапат на сила големите царини. Дури и позитивните показатели за повисоки домашни трошоци укажуваа дека набавките се вршат однапред, пред царините да предизвикаат пораст на цените.
Свет
Директорoт од СЗО: Ги скршивме телата и умовите на децата во Газа, како доктор, бесен сум

Директорот на Програмата за итни случаи на Светската здравствена организација (СЗО) изјави дека умовите и телата на децата во Газа се скршени по двомесечните блокади на помошта и континуираните напади.
Израел го блокира влезот на храна, гориво и медицински материјали во Газа од 2 март.
„Ги скршивме телата и умовите на децата од Газа. Ги изгладнуваме децата од Газа. Ние сме соучесници“, изјави заменик-генералниот директор Мајкл Рајан за новинарите во седиштето на СЗО.
„Како доктор сум бесен. Страшно е“, рече тој.
Израел тврди дека блокадата за снабдување има за цел да го притисне Хамас да ги ослободи заложниците додека договорот за прекин на огнот е во застој.
„Сегашното ниво на неухранетост предизвикува имунолошки колапс“, рече Рајан, предупредувајќи дека случаите на пневмонија и менингитис кај жените и децата може да се зголемат.
Израел претходно негираше дека Газа се соочува со криза со глад. Не се знае кога и како ќе се обнови помошта.
Израелската војска го обвинува Хамас за пренасочување на помошта, што Хамас го негира.
Обединетите нации предупредија оваа недела дека акутната неухранетост меѓу децата во Газа се влошува.
Свет
Советникот на Трамп ја напушта функцијата

Советникот за национална безбедност на американскиот претседател Доналд Трамп, Мајк Волц и неговиот заменик Алекс Вонг ќе ги напуштат своите позиции, соопштија извори запознаени со ова прашање, во првата значајна промена во внатрешниот круг на Трамп по преземањето на функцијата во јануари.
Волц, 51-годишен поранешен републикански претставник од Флорида, беше цел на критики во Белата куќа откако беше фатен во мартовски скандал со групен разговор на апликацијата Сигнал меѓу врвни соработници за национална безбедност на Трамп.
Волц утрово се појави на американската телевизија во улога на советник за национална безбедност, зборувајќи за Украина и порача дека е време Русија да се доведе на преговарачка маса, пренесува Скај.
Иако Мајк Волц помина 102 дена на функцијата, некои функционери од претходните фази на администрацијата на Трамп не издржаа дури ни втората недела.
Ентони Скарамучи беше отпуштен по само 10 дена како директор за комуникации за време на првиот мандат на Доналд Трамп.
Трамп одлучи да го отпушти Скарамучи откако во интервју за магазинот „Њу Јоркер“ го опиша тогашниот шеф на кабинетот на Белата куќа Рајнс Прибус како „параноичен шизофреник“.