Свет
Трамп се врати на Твитер: Дали ви е подобро сега отколку кога бев претседател
Поранешниот американски претседател, кандидатот на републиканците на претстојните избори во САД во ноември, Доналд Трамп, денеска повторно твитна на платформата Х (Твитер), што е негов втор твит по долго отсуство од таа мрежа.
„Дали сега ви е подобро отколку кога бев претседател? Нашата економија е уништена. Нашите граници се избришани. Ние сме народ во пропаѓање. Да го направиме американскиот сон повторно достапен. Да ја направиме Америка повторно безбедна. Да ја направиме Америка повторно голема“, рече Трамп.
Are you better off now than you were when I was president?
Our economy is shattered. Our border has been erased. We’re a nation in decline.
Make the American Dream AFFORDABLE again. Make America SAFE again. Make America GREAT Again!
— Donald J. Trump (@realDonaldTrump) August 12, 2024
Во јануари 2021 година, по немирите на Капитол Хил во Вашингтон, Твитер профилот на Трамп беше блокиран.
Компанијата тогаш објави дека профилот на Трамп е трајно суспендиран поради заканата од дополнително насилство и во согласност со одлуките на другите платформи како Фејсбук.
Набргу откако Илон Маск го презеде Твитер кон крајот на 2022 година, профилот на Трамп беше реактивиран, но оттогаш Трамп почна да ја користи својата платформа „Трут соушл“. Тој има направено само една објава од реактивирањето на неговиот профил до денес.
Неговиот прв твит денеска беше предизборен клип.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Повеќе од 400 деца злоставувани во дом: уапсени верски учители и старатели во Малезија
Малезиската полиција спаси 402 деца и тинејџери осомничени дека биле физички и сексуално малтретирани во 20 домови за деца во таа земја.
Жртвите, на возраст меѓу една и 17 години, се вели дека биле изложени на различни форми на злоупотреба, а некои наводно биле принудувани да вршат сексуални дејствија врз други деца, изјави на прес-конференција главниот полициски инспектор Разарудин Хусаин.
Полицијата уапси 171 осомничен, меѓу кои и верски учители и старатели.
Детските домови, наводно, се поврзани со истакнат исламски конгломерат кој издаде соопштение во кое негира какви било злосторства врз деца, пренесуваат медиумите во светот.
На прес-конференција инспекторот рече дека дел од осомничените се на возраст од 17 до 64 години. Се сомневаат дека непримерно ги допирале децата тврдејќи дека тоа било дел од верска церемонија. Некои деца, исто така, наводно биле научени да вршат слични сексуални дејствија врз други деца во домот.
„Децата наводно биле казнети со загреани метални предмети, а на болните не им било дозволено да бараат лекарска помош додека нивната состојба не стане критична“, додаде тој.
Тој додаде дека децата привремено ќе бидат сместени во полицискиот центар во главниот град Куала Лумпур и ќе бидат подложени на медицински прегледи.
Првите истражувања покажаа дека многу деца во овие домови биле сместени од нивните родители за да можат да посетуваат веронаука.
Свет
Антонов: Америка го отвора патот за трета светска војна
Рускиот амбасадор во Вашингтон, Анатолиј Антонов изјави дека Америка го отвора патот за почеток на Третата светска војна. Разговорот за можноста Вашингтон да му дозволи на Киев да користи американски ракети за напад на руска територија, ја турка Украина да ги зголеми нападите врз цивилите, а Америка со вакви акции го отвора патот за почеток на третата светска војна.
„Американската администрација упорно ги игнорира интересите на Русија. Денес се повеќе се зборува за можноста за гранатирање на руска територија со оружје со долг дострел. Само неколку политичари ја спомнуваат можноста за трета светска војна, со што локалните власти го трасираат патот кон тоа“, се вели во пораката на Антонов од руската дипломатска мисија во Соединетите Американски Држави. Тој нагласи дека Америка сè повеќе учествува во конфликтот во Украина, „прогресивно влечејќи се подлабоко и подлабоко во мочуриштето“ на овие непријателства.
Антонов оцени дека САД изразуваат „подготвеност да ја жртвуваат благосостојбата на американските граѓани“ со пренесување во Киев количества оружје и муниција во вредност од неколку милијарди долари „Киев е фокусиран на интензивирање на нападите врз обичните Руси, на нашите градови и села, дека разузнавачките информации течеле и продолжуваат да течат како река од Соединетите Американски Држави до Киев“, рече дипломатот, пренесува „Известија“.
Дополнително, продолжи Антонов, едноставно се премолчуваат предупредувањата на бројни американски воени и политиколози дека е невозможно украинскиот претседател Володимир Зеленски да ги постигне своите цели со помош на балистички ракети ATACMS или друго оружје со долг дострел.
Свет
Зеленски: Руска ракета погоди брод што превезува жито во Црното Море
Руски проектил погодил цивилен брод кој превезувал жито од Украина, кој веќе ги напуштил украинските води во Црното Море, изјави денеска украинскиот претседател Володимир Зеленски.
Зеленски рече дека бродот бил на пат кон Египет, објави Ројтерс.
Украинскиот министер за надворешни работи Андриј Сибиха изјави дека рускиот напад на брод што превезувал жито во Црното Море е „безобразен напад“ врз слободата на пловидба и глобалната безбедност на храната.