Свет
Трамп ѝ дава на Европа контрола врз три клучни бази на НАТО
Доналд Трамп им ја предаде контролата врз три клучни командни центри на НАТО на европските нации во историско реконструкција во рамките на алијансата, објави „Телеграф“.
Велика Британија ја презема Атлантската команда во Норфолк, Вирџинија, Италија доби одговорност за јужното крило во базата во Неапол, а Германија и Полска ќе ја надгледуваат наизменично Командата на здружените сили во Брунсум, Холандија. Со овој потег, европските команданти за прв пат ќе ги водат трите команди на здружените сили на НАТО на оперативно ниво.
Извори од НАТО инсистираат дека потегот е за преземање поголема одговорност од страна на европските нации за одбраната на континентот, а не повлекување на Трамп од алијансата.
Претставник на НАТО ги потврди промените во изјава за „Телеграф“. „Сојузниците се согласија за нова распределба на одговорностите за позициите на високи офицери во командната структура на НАТО. На тој начин европските сојузници, вклучувајќи ги и најновите членки, ќе имаат позначајна улога во военото раководство на Алијансата“, рече тој.
Европските сојузници на НАТО историски се потпирале на Соединетите Американски Држави за планирање, команда и контрола. Врховниот командант на сојузничките сили за Европа (SACEUR) е секогаш американски офицер, кој е исто така задолжен за американските сили во Европа.
Реконструкцијата доаѓа во време кога американскиот претседател се закани дека ќе ја намали улогата на САД во алијансата и размислува за повлекување на трупите од Европа за да се фокусира на други закани како што е Кина. Неговите ставови покренаа прашања за тоа дали американските сили би им дошле на помош на европските сојузници во случај на руски напад.
Заканата на Трамп да го преземе Гренланд, арктички остров кој ѝ припаѓа на членката на НАТО, Данска, речиси ја турна алијансата во најдлабоката криза во историјата. Како одговор на тоа, европските влади ги засилија напорите за зголемување на трошоците за одбрана за да и докажат на Белата куќа дека континентот може да се потпре на сопствените сили за одбрана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Грција, Франција и Германија испраќаат воени сили на Кипар
Грција, Франција и Германија испраќаат воена помош на Кипар по нападот со ирански дронови врз британската воздухопловна база РАФ Акротири на островот.
Франција најави испраќање фрегата и копнени системи за противдронска и противракетна одбрана. Германија потврди дека ќе испрати воен брод, додека Грција веќе распореди четири борбени авиони Ф-16, а две нејзини фрегати се на пат кон островот. Потезите се дел од активирањето на заедничката одбранбена доктрина меѓу Атина и Никозија.
Кипарските власти соопштија дека опремата треба да пристигне во најкраток можен рок. Според владата во Никозија, дроновите биле лансирани од територија на Либан, а зад нападот веројатно стојат милитанти на Хезболах.
Британскиот премиер Кир Стармер изјави дека САД нема да ги користат британските воени бази на Кипар за операции поврзани со Иран.
Фото: Depositphotos
Свет
(Видео) Во Иран масовен погреб, Рубио тврди дека САД не би гаѓале намерно училиште
Американскиот државен секретар, Марко Рубио, изјави дека американските сили не би гаѓале намерно училиште, откако иранските државни медиуми објавија дека повеќе од 160 лица загинале во напад врз основно училиште за девојчиња во градот Минаб, на југот на Иран.
Според иранските наводи, нападот се случил во саботата и претставува најсмртоносен инцидент од почетокот на војната меѓу САД, Израел и Иран.
„Јасно е дека САД не би гаѓале намерно училиште. Нашите цели се проектили, нивното производство и лансирање, како и дронови за еднократни напади“, изјави Рубио, додавајќи дека САД немаат интерес ниту мотив да напаѓаат цивилна инфраструктура.
На прашање како би реагирал доколку се потврдат иранските тврдења, Рубио рече дека тоа би било многу трагично, но дека нема детали за настанот.
Заменик-генералната секретарка на ОН за мир, Розмари ДиКарло, изјави дека е запознаена со извештаите од Иран и дека американските власти ги проверуваат наводите. Израелскиот амбасадор при ОН, Дени Данон, рече дека видел различни извештаи, вклучително и такви според кои училиштето можеби било гаѓано од Корпусот на исламската револуционерна гарда.
Во меѓувереме, Иран одржа масовен погреб за 165 ученички и членови на персоналот убиени во саботата во она што Техеран го нарекува американско-израелски напад врз женско училиште во јужниот град Минаб.
Iran: Aerial visuals show the emotional funeral procession in Minab for schoolgirls and teachers killed in a recent strike. pic.twitter.com/TZxpqN5KLv
— TIMES NOW (@TimesNow) March 3, 2026
Иранската државна телевизија денес прикажа снимки од илјадници луѓе собрани на јавен плоштад во Минаб. Мажите го мавтаа знамето на Исламската Република, главно стоејќи одвоено од жените. Толпата скандираше „Смрт за Америка“, „Смрт за Израел“ и „Без предавање“.
Фото: ЕПА
Свет
(Видео) Иран со дрон погоди пристаниште во Оман
Во Оман, во ирански напад со дрон е погоден резервоар за гориво во пристаништето Дукам, објави државната новинска агенција на таа земја.
„Штетата е ставена под контрола и нема човечки жртви“, се наведува, повикувајќи се на неименуван безбедносен извор.
Истото пристаниште било цел на напад и за време на викендот, кога според извештаите бил повреден еден работник. Објавена е и снимка од ударот.
Moment Iranian drone strike hit the Port of Salalah in Oman. pic.twitter.com/OGQs7CYqr3
— Clash Report (@clashreport) March 3, 2026
Во соседен Катар вчера беше запрено производството на течен природен гас по ирански напади врз дел од постројките, додека Саудиска Арабија ја суспендирала работата во својата најголема домашна рафинерија.
Оман со години е клучен посредник во разговорите меѓу САД и Иран, а последниот круг преговори бил одржан минатиот месец токму таму.

