Свет
Третиот најсилен ветер во историјата на мерењето е забележан на Тајван

Циклон од четврта категорија произведе еден од најсилните налети на ветрови што некогаш биле забележани насекаде во светот. Тајфунот Коину донесе удари на ветер до 95,2 m/s или 342,7 km/h кога пред два дена го премина тајванскиот остров Ланју. Централната метеоролошка управа потврди за „Гардијан“ дека тоа е најсилниот налет на ветер забележан на Тајван од основањето на организацијата во 1986 година.
Налетот на ветрот го уништи анемометарот на островот, соопшти Централната метеоролошка управа. Напливот на бура се чини дека е трет најсилен досега на глобално ниво. Во 1996 година островот Бароу во Западна Австралија забележа удар на ветер од 408 км/ч, што го собори рекордот поставен во 1934 година кога во Њу Хемпшир во САД беше забележан ветер од 372 км/ч.
Коину, што на јапонски значи кученце, стигна до полуостровот Хенгчун на крајниот југ на Тајван како тајфун од четврта категорија. Официјални лица од пожарникарите известија дека 190 луѓе се повредени, главно во градовите на западниот брег, вклучувајќи ги Таичунг, Таинан и Каосиунг.
Оперативниот центар за итни случаи „Чијаи“ соопшти дека меѓу повредените има луѓе што возеле скутери, кои паднале за време на налетот на силен ветер или биле погодени од гранки што паѓале. Повеќе од 62.000 дома и деловни објекти останаа без струја до четврток напладне.
Пријавени се бранови до седум метри, а видеоснимките на интернет покажуваат значителна штета на домовите и излозите по должината на крајбрежните области. Невремето ги принуди властите да ги затворат училиштата и канцелариите во поголемиот дел од Тајван, иако главниот град Тајпеј работи нормално. Фериботите и домашните летови се запрени или откажани.
Коину е вториот тајфун што пристигна на копно на Тајван оваа година, откако Хаикуи го погоди островот во септември, предизвикувајќи лизгање на земјиштето, масовна евакуација и десетици повредени. Ниту еден тајфун не го погодил директно Тајван во последните четири години, и покрај неговата локација во зона на активна тропска бура.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Забраната од Орбан не ја спречи Парадата на гордоста во Будимпешта, огромен број луѓе се собраа во главниот град на Унгарија

И покрај забраната на Владата на Виктор Орбан, огромен број луѓе денес почнаа да се собираат во главниот град на Унгарија, Будимпешта, на Парадата на гордоста.
Странските медиуми пренесуваат дека организаторите очекуваат рекордна посетеност за 30. издание на Парадата на гордоста во Будимпешта, и покрај полициската забрана која ја наметна националистичката Влада на премиерот Виктор Орбан.
Thousands of people are marching for pride in Budapest. A 200 pp @Amnesty delegation is here from around Europe. Against repression we stand and rise. We resist. This is trans-national civil disobedience. #BudapestPride pic.twitter.com/8qSYr1K0rC
— Agnes Callamard (@AgnesCallamard) June 28, 2025
Владината коалиција на Орбан годинава ги смени законите и уставот за да забрани годишно прославување, оправдувајќи го долготрајното потиснување на ЛГБТ-правата со повикување на “заштита на децата”. Орбан вчера изјави дека полицијата нема да ја разбие поворката, но дека оние кои учествуваат треба да бидат свесни за “правните последици“.
Организаторите на поворката ризикуваат да добијат до една година затвор, а учесниците можат да бидат казнети со парична казна до 500 евра. Со последните законски измени, на власта и е дозволено да користи и технологија за препознавање лица.
Регион
„Од 15 до 9 до 15 до 10 очекувајте почеток на насилство“, рече српскиот претседател Вучиќ во пресрет на протестот на студентите

Претседателот на Србија Александар Вучиќ очекува насилство на вечерашниот протест на студентите во Белград, објавуваат српските медиуми. По свеченоста на која доделуваше ордени за Видовден, претседателот Вучиќ кажа дека граѓаните не треба да се грижат за она што ќе се случува вечерва.
„Денес е убав ден, денес е голем ден, денес е празник, денес е Видовден. Ќе видите, ведро е, што е тоа мал број на луѓе на литературното попладне, или вечер, весели луѓе кои го слават празникот, кои го слават Видовден, весели луѓе бидејќи знаат дека Србија победила. А вечер ќе видите бесни луѓе, некои кои на крајот ќе завршат во насилство затоа што не си оставиле друг избор“, рече Вучиќ и додаде: “Немам страв за конечниот исход, Јас уште еднаш ја користам оваа прилика, ги молам како татко да не го прават тоа. Секогаш е подобро да се повлечете во некој момент отколку да направите некаква лудост поради која ќе се каете цел живот. Но, тука завршувам. Немам баш никаков страв за тоа каков е конечниот исход. Само сакам да ја сочувам целата ситуација, пред се младите луѓе и овие постари“, рече претсетдателот Вучиќ.
Зборувајќи за најавениот протест на студентите кажа и точно кога очекува да почне насилството.
„Од 15 до 9 до 15 до 10 очекувајте почеток на насилство“, рече претседателот Вучиќ.
Почетокот на протестот на студентите во Белград е најавен за вечерва во 18 часот. Ќе трае три часа, а студентите се оградија од сите настани што ќе се случуваат по 21 часот.
Свет
Голем видовденски протест вечерва во Белград, студентите се огласија за ненадлежни за она што ќе се случува по 21 часот

Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18 часот и ќе трае три часа, а најголема енигма е што ќе се случува потоа, бидејќи студентите порачаа дека не се надлежни за ништо по 21 часот, објави Нова.рс.
Студентите пред неколку дена објавија дека ако Владата не ги исполни нивните два барања, најавена е и граѓанска непослушност.
Првото барање е распуштање на Народното собрание, со цел да се распишат предвремени парламентарни избори до 21 часот денес, а второто барање е Владата да апелира до Министерството за внатрешни работи до 21:00 часот на 28 јуни, во согласност со член 18 од Законот за јавни собири, кој се однесува на чл. 8 од истиот Закон, да се прекине наводно пријавениот собир во Пионирскиот парк и плоштадот Никола Пашиќ.