Свет
Три члена од екипаж на американски воен брод извршиле самоубиство
Американската морнарица во текот на вчерашниот ден за Си-ен-ен потврди дека тројца морнари кои вршеле должности на носачот на авиони „Х. В. Буш“ извршиле самоубиства во одделни инциденти минатата недела, додавајќи дека за овие случаи е почната истрага.
Винсент Форлин, специјалист за авијациско оружје, бил пронајден мртов на 14 септември надвор од подрачјето на воената база, а утврдено било дека станува збор за самоубиство, изјави вчера Џенифер Крег, портпаролка на морнаричкото воено воздухопловство.
Главниот нуклеарен техничар Џејмс Шелтон и офицерот за воздухопловство Итан Стујарт се застрелале во базата на 19 септември во одделни инциденти.
Засега, морнарицата смета дека смртните случаи не се поврзани, бидејќи споменатите техничари и офицери работеле во различни оддели на истиот брод.
Бројот на потврдени и можни самоубиства во американската морнарица го достигна својот 10-годишен максимум во 2018 година. Таа година самоубиства извршиле 66 активни вработени во морнарицата и 57 маринци. За уште 18 припадници на резервните сили на поморскиот корпус потврдени се или се водат истраги поради сомнежи за самоубиства.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Тик ток“ укинува стотици работни места, ја користи вештачката интелигенција
Социјалната мрежа „Тик ток“ соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.
Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави South China Morning Post.
Вработените, од кои повеќето биле ангажирани во операции за модерирање, биле известени за отпуштањата преку електронска пошта.
Свет
Иран ја поништи смртната казна на активистката за работнички права, Мохамади
Врховниот суд на Иран ја укина смртната казна на активистката за работнички права Шарифе Мохамади.
Нејзиниот адвокат вели дека казната на Мохамади ќе биде преиспитана во ново судење. Мохамади беше приведена во декември минатата година и оттогаш беше сместена во повеќе затвори. Револуционерниот суд во јули ја осуди Мохамади на смрт за вооружен отпор против Исламската Република.
Мохамади беше активна во одбрана на работничките права во иранската провинција Гилан.
Регион
Пронајдено телото на уште една жртва од поплавите во БиХ, операцијата за извлекување е во тек
Уште една жртва од минатонеделните катастрофални поплави е пронајдена во областа Коњиќ, така што бројот на загинати само во Херцеговско-неретванскиот кантон се искачи на 21. Операцијата за спасување е во тек.
Покрај 21 загинат во оваа област, тројца загинаа во Фојница, така што во БИХ досега се евидентирани вкупно 24 жртви од поплавите, пренесува Н1.
Откако ќе заврши извлекувањето на телото, ќе следи идентификација, изјави за Н1 градоначалникот на Коњиќ, Осман Ќатиќ.
Се трага по телата на уште три исчезнати лица во Јабланица, а по едно во Коњиќ.