Свет
Тужби против Русија за одземање човечки органи без дозвола
Најмалку две тужби се поднесени во Европскиот суд за човекови права во Стразбур против Русија со тврдења дека таа земја одземала органи на неодамна починати луѓе без претходно барање дозвола од нивните најблиски, со што ја прекршила Европската конвенција за човекови права.
Во меморандумот упатен во јули до судот во Стразбур Русија навела дека е нехумано да се прашуваат членовите на семејството на починатото лице да се земат неговите органи бидејќи тоа би било истовремено со нивното известување за смртта на саканото лице, пренесува АП, повикувајќи се на документот во кој имала увид.
Како што пишува АП, во рамки на рускиот систем таканаречен – претпоставено прифаќање, лекарите рутински и легално ги вадат органите на луѓето кои починале, а претходно не бараат дозвола од истите луѓе додека биле живи, ниту дозвола од нивните најблиски.
Русија како правен аргумент наведува дека доколку лекарите бараат дозвола пред да ги извадат органите, луѓето би одбивале и системот на трансплатација би пропаднал.
Ожалостените семејства, кои многу подоцна дознале дека органите на нивниот починат член од семејството тајно му биле извадени, поднеле тужби во кои се оспорува рускиот закон и неговото толкување за кое се тврди дека ги крши човековите права загарантирани во Европа.
Многу држави имаат систем на претпоставено прифаќање, меѓу кои се Австралија, Шпанија и Шведска.
Доколку судот во Стразбур заклучи дека Русија ја прекршила Европската конвенција за човекови права, би можел да ѝ нареди на таа земја да го измени нејзиниот закон за донирање органи. Одлуките по двете тужби против Русија се очекуваат во наредните месеци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.