Свет
Турската полиција уапси 62 лица поради криптовалутите
Турската полиција уапси 62 лица во истрагата за снабдувачите на платформата за трговија со криптовалути, објави денеска државната новинска агенција Анадолија, откако илјадници Турци поднеле кривични пријави тврдејќи дека биле измамени.
Платформата за тргување со криптовалути „Тодек“, која тргува со криптовалути во вредност од стотици милиони долари секој ден, вчера на својата интернет-страница објави дека ќе биде затворена од четири до пет дена поради процесот на продажба, наведува „Ројтерс“.
Сепак, корисниците кои не можеа да подигнат пари или да пристапат до своите сметки изразија загриженост на „Твитер“ дека можеби биле измамени.
„Тодек“ тврди дека „негативните“ извештаи на медиумите за тоа се невистинити и дека банките и фондовите – кои подоцна ќе ги идентификуваат – сакале да инвестираат во компанијата и предложиле партнерство.
Минатата недела Турција забрани употреба на криптовалути за плаќања, поради што биткоинот падна за 14 проценти за време на викендот.
Турската централна банка како причини за забраната ги наведе „непоправливите“ штети и ризикот од трансакции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Секој осми млад Германец не слушнал за Холокаустот, анкетирани и млади лица во Европа и САД – податоците неочекувани
Еден од осум млади Германци никогаш не слушнале за Холокаустот, термин за систематско убивање Евреи за време на нацистичката ера, покажува истражувањето.
Во истражувањето, во кое беа опфатени млади луѓе на возраст меѓу 18 и 29 години, 12 отсто од испитаниците рекле дека никогаш не слушнале за терминот.
Тој удел е уште поголем во Австрија, 14 отсто, Романија 15 отсто и во Франција неверојатни 46 отсто, пренесува „ДПА“.
Истражувањето е нарачано од Конференцијата за еврејски барања за компензација, во време на подемот на екстремната десница во Европа.
Околу 1.000 млади луѓе беа анкетирани во Германија, Франција, Австрија, ОК, Полска, Унгарија, Романија и САД. Во сите овие земји, значителен дел од испитаниците не знаеле дека за време на нацистичката ера биле убиени околу шест милиони Евреи, а во Германија тоа било дури две петтини.
Во Германија два отсто од испитаниците се согласиле дека холокаустот воопшто не се случил.
Големо мнозинство во речиси сите земји испитани процениле дека нешто како Холокаустот може да се случи денес: 76 отсто во САД, 69 отсто во Британија, 63 отсто во Франција, 62 отсто во Германија и 61 отсто во Австрија.
Централниот совет на Евреите во Германија со тревога реагираше на резултатите од истражувањето.
„Загрижувачкиот пораст на антисемитското вербално и физичко насилство што го гледаме во Германија е главно вкоренет во дезинформации и недостаток на податоци за холокаустот“, рече претседателот на Советот Јозеф Шустер.
Регион
Лајчак: Го ценам конструктивниот дијалог за проширувањето на ЕУ што се води во Давос
Специјалниот претставник на ЕУ за дијалогот Белград-Приштина и други регионални прашања на Западен Балкан, Мирослав Лајчак, денеска изјави дека го цени конструктивниот дијалог за проширувањето на ЕУ со земјите од Западен Балкан што се одржува на Светскиот економски форум во Давос.
„Дискусија за ЕУ иднината на нашите соседи за која вреди да станеме рано. Ја ценам конструктивната дискусија за проширувањето на ЕУ на традиционалниот Светски економски форум во Давос“, објави Лајчак на мрежата „Икс“, зборувајќи за дипломатскиот дијалог за Западен Балкан.
Свет
Унгарија има план доколку гасоводот „Турски тек“ стане нефункционален
Унгарската влада има подготвено план за вонредни ситуации доколку гасоводот „Турски тек“ стане нефункционален, изјави шефот на кабинетот на унгарскиот премиер Гергели Гуљас.
Тој нагласи дека испораката на гас за Унгарија ќе биде обезбедена, но додаде дека најверојатно тоа ќе чини многу повеќе, пренесе „ТАСС“.
Гуљас потврди дека има акциски планови за кризни ситуации откако неодамна беше загрозен Турскиот тек.
Шефот на кабинетот на унгарскиот премиер Виктор Орбан не навлегува во детали за планот.