Свет
Турција преговара за отстранување на пречките за плаќање за руските производи

Турција со посредство на ОН преговара со САД и со Обединетото Кралство за отстранување на пречките за плаќање руските производи чиј извоз е планиран како дел од договорот за жито, тврди за „Спутник“ извор запознаен со разговорите.
Претходно овој месец, руското Министерство за надворешни работи соопшти дека договорот за жито е продолжен до 17 јули без никакви промени, но ако за два месеци не се решат сите проблематични прашања од иницијативата, тој ќе биде раскинат по 17 јули.
Од министерството посочија дека постојат пет системски задачи што треба да се решат во рамките на меморандумот Русија-ОН, вклучително и повторното поврзување на Руската земјоделска банка со системот SWIFT и одмрзнување на имотот на руските компании.
„Во моментов, заедно со ОН, преговараме со западните земји, главно со САД и Обединетото Кралство, за да се отстранат пречките во финансиските трансакции кога руските производи ќе добијат пристап до светските пазари. Процесот е тежок, но преговорите продолжуваат. Можам да кажам дека постои разбирање дека тоа е неопходно за непречено функционирање на механизмот“, вели изворот на „Спутник“.
Договорот за жито беше постигнат со посредство на ОН и Турција во јули 2022 година за да се олесни извозот на украинските земјоделски производи од пристаништата на Црното Море за време на непријателствата што започнаа во февруари истата година.
Пакет-договорот вклучува и меморандум за разбирање меѓу Русија и ОН за деблокирање на извозот на руско жито и вештачко ѓубриво преку Црното Море, што, според Москва, не е оспочитувано поради западните санкции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ѓуро Мацут предложен за мандатар на новата влада на Србија

Претседателот на Република Србија, Александар Вучиќ, соопшти дека за мандатар на новата влада е предложен проф. д-р Ѓуро Мацут.
Вучиќ рече дека новата влада ќе биде избрана до Велики петок и дека ѝ претстојат тешки задачи – дека земјата се спротивставува на сите притисоци во однос на регионалната политика, дека земјата го решава даночното прашање со САД, дека го забрзува европскиот пат, дека во исто време ги зачувува своите традиционални пријатели на истокот и го враќа нивото на инвестиции, и странски и домашни.
Да потсетиме, премиерот Милош Вучевиќ поднесе оставка од таа функција на крајот на јануари, бидејќи сметаше дека е објективно одговорен за нападот врз студентите во Нови Сад.
Српскиот парламент на 19 март ја констатираше оставката на Вучевиќ, со што беше урната актуелната влада на Србија.
Рокот за избор на нова влада е 18 април.
Свет
(Видео) Илјадници поддржувачи на Ле Пен се собраа на протест во Париз

Илјадници луѓе се собраа денеска во Париз во знак на поддршка на француската екстремно десничарска лидерка Марин Ле Пен, која најави дека мирно ќе се бори против петгодишната забрана да се кандидира за политички функции и ќе црпи инспирација од американскиот активист за граѓански права Мартин Лутер Кинг.
Поддржувачите на Марин Ле Пен вееја француски знамиња и извикуваа „ние ќе победиме“.
IT'S HAPPENING
Massive protest in France as huge crowd demonstrates against Marine Le Pen being banned from running for President in 2027.
Looks like the French people want democracy.pic.twitter.com/RTmhaXeLLy
— PeterSweden (@PeterSweden7) April 6, 2025
Судот во Париз ги осуди Ле Пен и дваесетина членови на партијата Национален собир за проневера на европски пари и изрече казна со која ќе ѝ забрани да се кандидира на претседателските избори во Франција во 2027 година, освен ако не успее да ја поништи пресудата во рок од 18 месеци.
„Нашата борба ќе биде мирна и демократска борба. Го земаме за пример (американски баптистички свештеник, политичар и активист) Мартин Лутер Кинг кој ги бранеше граѓанските права“ затоа што „денес станува збор за граѓанските права на Французите“, рече таа преку видео-конференција одржана со членовите на италијанската лега, антиимиграциската партија на Матео Салвини во Фиренца.
Регион
(Видео) Снежен бран во Црна Гора

Снег паѓа во повеќето градови на северот на Црна Гора, а температурите во некои општини се под нулата.
Како што е објавено на веб-страницата на Заводот за хидрометеорологија и сеизмологија, висината на снежната покривка во Жабљак е два сантиметри, а еден во Рожаје. Според Институтот, снег во моментов паѓа во Никшиќ, Колашин, Плевља и Беране.
Температурите значително паднаа, а најстудено беше во Жабљак, каде во 11 часот беа измерени минус 4,5 степени. Во Колашин температурата е половина степен под нулата.
Од Институтот најавија дека во текот на денот ќе биде умерено облачно со преоден дожд, а на север со лапавица и снег. Поради снегот кој паѓа во Црна Гора сообраќајот се одвива отежнато.
Она што најмногу изненадува е снегот што почна да паѓа над Будва во попладневните часови, во област каде што ретко паѓа дури и во најстудените зимски месеци.