Свет
Турција продолжува да го условува приемот на Шведска и Финска во НАТО
Шведска и Финска постигнаа одреден напредок во исполнувањето на безбедносните барања на Анкара, но треба да преземат конкретни чекори за да добијат одобрение од Турција за нивниот пристап во НАТО, изјави во Букурешт турскиот министер за надворешни работи, Мевлут Чавушоглу.
На маргините на состанокот на НАТО, турскиот министер се сретна со своите шведски и фински колеги и рече дека двете земји „презедоа одредени чекори за исполнување на своите обврски“, но дека „се уште нема конкретен развој на некои прашања како што се екстрадицијата на осомничените побарани од Турција и замрзнувањето на имотот на терористите“.
„Ги потсетивме тие земји дека на крајот треба да го убедиме турскиот народ и турскиот парламент за Анкара да ги пушти во НАТО“, рече Чавушоглу.
Турција не го поддржа приемот на Шведска и Финска во НАТО, обвинувајќи ги дека ги игнорираат заканите од курдските ослободителни организации и другите организации кои Турција ги смета за терористи, и дека со децении им даваат засолниште на овие лица.
Шефот на шведската дипломатија Тобијас Билстром, сепак, по средбата со Чавушоглу рече дека „постигнат е напредок“ за членството во НАТО и дека тој наскоро ќе отпатува за Турција.
Финскиот министер за надворешни работи Пека Хависто по средбата со турскиот колега изјави дека разговарале „во конструктивен дух“ и дека „од Турција добил потврда дека Финска ги исполнила условите што се барале од неа“.
Американскиот државен секретар Антони Блинкен рече дека е уверен оти двете нордиски земји наскоро ќе се приклучат на алијансата и дека процесот се одвива со рекордна брзина.
Генералниот секретар на НАТО Јенс Столтенберг истакна дека време е да се поздрават тие земји како полноправни членки на Алијансата.
Откако Русија ја нападна Украина во февруари, Шведска и Финска, плашејќи се дека Русија може да ги нападне и нив, ја напуштија својата долгогодишна политика на воена неутралност и аплицираа за членство во Алијансата.
Парламентите на Турција и Унгарија допрва треба да ја ратификуваат својата поддршка, додека другите 28 земји од НАТО веќе го направија тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија ја нападна Украина со 68 дронови
Русија синоќа истрела 68 беспилотни летала и четири ракети врз Украина, соопшти украинската армија.
„Две балистички ракети Искандер-М ги погодија регионите на Полтава и Одеса, а две ракети Х-59 беа лансирани кон регионите Чернихив и Суми“, соопштија украинските воздухопловни сили на апликацијата за комуникација Телеграм.
Украинските сили за противвоздушна одбрана, наводно, уништиле 31 дрон.
Свет
Украинската армија цврсто ги држи позициите во регионот Курск, вели Зеленски
Претседателот на Украина, Володимир Зеленски синоќа изјави дека украинската армија цврсто ги држи позициите во регионот Курск, иако руската армија се обидува да ги врати назад.
– Во врска со операцијата Курск, Русија се обиде да ги потисне нашите позиции, но ние се држиме, изјави Зеленски во вечерното радио обраќање.
Руската армија на почетокот на неделата соопшти дека вратила две села во Курската област и најави дека ќе продолжи со акциите за истиснување на украинските сили од нејзината територија.
Зеленски призна дека украинскиот упад во регионот Курск во август беше осмислен за да се повлечат руските војници од позициите во источна Украина, каде што напредуваа изминатите месеци.
Руските војници сè уште напредуваат во источна Украина, особено кон Покровск, клучен логистички центар за украинските сили.
Регион
Во Македонија почувствуван земјотрес, епицентарот е во Врање
Земјотрес со јачина од 4 степени според Рихтеровата скала утрово ја погоди јужна Србија, а истиот е почувствуван и во Македонија и во Бугарија.
Епицентарот на земјотресот бил на 12 километри североисточно од Врање, а потресот бил на длабочина од 14 километри и се почувствувал во 4 часот и 48 минути по локално време.