Свет
Турција со критики за Франција поради учебник по историја со пропаганда за ПКК

Турција во неделата жестоко ја критикуваше Франција поради учебникот што треба да се користи во француските средни училишта кој вклучува пропаганда од Курдската работничка партија ( ЈПГ / ПКК) , пренесува „Анадолија“.
„Учебникот од кој ќе се учи во средните училишта во Франција вклучува информации во врска со Курдите во согласност со сепаратистичката идеологија на терористичката организација ЈПГ / ПКК. Ставовите и предупредувањата во претходните изјави на Турција – во врска со поддршката на Франција за терористичката организациј, која ја загрозува националната безбедност на Турција, и инсистирањето дека се греши при изедначување на сириските Курди со ПКК / ЈПГ – сè уште важат“, рече портпаролот на турското Министерството за надворешни работи, Хами Аксој.
Аксој вели дека обидите на Франција да ги изгради своите надворешнополитички преференции на речиси сите прашања засновани на нејзината антитурска реторика додека се обидува да ги искриви историските вистини и законот се загрижувачки.
„Очигледно е дека оваа терористичка пропаганда, која е резултат на официјалната политика на Франција, бил иницирана со храброст земена од оние што се домаќини на т.н. претставници на терористичката организација во Претседателската палата“, подвлече тој.
Основната причина за овие неосновани обвинувања е длабокото разочарување што произлегува од ударот што Турција им го зададе со операцијата „Мировна пролет“ на плановите на Франција за формирање терористичка држава.
„Француските власти ги опишаа антитерористичките операции на Турција – извршени за да се обезбеди безбедност и стабилност во регионот со почитување на територијалниот интегритет на Сирија – како обид за инвазија“, рече тој.
Искривеното претставување на идеолошките догми и политичките интереси во учебниците претставува сериозна опасност за идните генерации и Турција ќе продолжи одблиску да го следи ова прашање сè додека Франција не ја поправи својата грешка во својот сектор за образование“, додаде тој.
Во Франција во помошен учебник подготвен за часовите по историја за наставата во последната година од средното училиште е вклучен дел за ЈПГ/ПКК. Едукативниот материјал, кој не се наоѓа во наставната програма на француското Министерство за образование, е подготвен како помошна книга за учебната 2020-2021 година. Книгата вклучува две страници во кои се опишува терористичката организација ЈПГ/ПКК.
Според информациите на „Анадолија“, помошниот учебник е објавен од издавачката куќа „Белин“. Учебникот нема да се користи во сите училишта во земјата, но наставниците што предаваат историја имаат можност да ја користат книгата по своја иницијатива.
Во книгата, во делот со наслов „Нација без држава: Курди“, стои изразот „Курдите се најголемата нација во светот без држава“. Книгата содржи хронолошки информации за историјата на Курдската работничка партија (ПКК), а содржи информации и за Пешмергите.
Во книгата, исто така, има обејежја што ја симболизираат ЈПГ и фотографии од униформирани терористи со оружје. Покрај тоа, во книгата се користи и статија на „Ле монд“ под наслов „Сирија, крајот на Курдистан“, напишана на 21 октомври 2019 година.
Во текстот се тврди дека операцијата „Извор на мирот“, што ја почна претседателот Реџеп Таип Ердоган за да ја гарантира безбедноста на границите на Турција и за спречување на создавањето терористички коридор, е против Курдите.
Поддршката за ЈПГ/ПКК во Сирија од страна на Франција, САД и неколку други западни земји стана еден од камењата на сопнување во билатералните врски меѓу Турција и нејзините двајца сојузници во НАТО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Фото) Двегодишно девојче прогласено за „жива божица“ во Непал

Двегодишно девојче е избрано за нова „жива божица“ во Непал, носена од нејзиното семејство од нејзиниот дом до храмовата палата во вторник за време на најважниот хиндуистички фестивал во земјата. Арјатара Шакја, стара 2 години и 8 месеци, е новата Кумари, или „девица божица“, која ја наследува својата претходничка, која традиционално се смета за обичен смртник по достигнувањето пубертет, објавува Си-ен-ен.
Кој може да биде Кумари?
Кумарите се избираат од кланот Шакја, кој припаѓа на заедницата Невар, домородна во долината Катманду. Тие се обожавани и од Хиндусите и од Будистите во претежно хиндуистичката нација. Девојчињата се избираат на возраст помеѓу две и четири години и мора да исполнуваат строги критериуми – мора да имаат беспрекорна кожа, коса, очи и заби и не смеат да се плашат од темнината.
За време на фестивалот Индра Џатра претходно овој месец, поранешната Кумари се возеше во кочија влечена од верници. Кумари секогаш носи црвена облека, косата ѝ е врзана во пунџа, а на челото има насликано „трето око“.
Вторникот го одбележа осмиот ден од Дашаин, 15-дневна прослава на победата на доброто над злото, а канцелариите и училиштата беа затворени за луѓето да можат да слават со своите семејства. Семејството, пријателите и верниците ја придружуваа новата Кумари низ улиците на Катманду пред да влезе во храмовата палата, која ќе биде нејзин дом во следните неколку години.
Верниците се редеа за да ги допрат нозете на девојчето со челата, највисок знак на почит меѓу Хиндусите во хималајската нација, и ѝ нудеа цвеќе и пари.
Новата Кумари утре ќе ги благослови верниците, вклучувајќи го и претседателот. „Вчера таа беше само моја ќерка, но денес е божица“, рече нејзиниот татко, Ананта Шакја.
Тој додаде дека има знаци дека таа ќе стане божица уште пред да се роди. „Мојата сопруга сонуваше за време на бременоста дека е божица и знаевме дека ќе биде некој многу посебен“, рече тој.
фото: принтскрин
Регион
Генерален штрајк во Грција по најавата за работа од 13 часа на ден

Животот во Грција денес ќе застане поради генерален штрајк против плановите на конзервативната влада за воведување можност за 13-часовен работен ден. Транспортот во Атина, возовите и фериботите ќе бидат во прекин, а ќе учествуваат и наставници, болнички работници и државни службеници.
Протести се најавени околу пладне низ целата земја против реформата што ја заговара конзервативната влада на Киријакос Мицотакис.
Главниот синдикат на приватниот сектор GSEE, кој го предводи штрајкот заедно со синдикатот на јавниот сектор ADEDY, објави дека реформата „го загрозува здравјето и безбедноста на работниците и ја уништува рамнотежата помеѓу работата и приватниот живот“.
Прокомунистичкиот синдикат ПАМЕ ја обвини владата дека се обидува да воведе „модерно ропство“ за работниците и да ги принуди да трпат „нехумано работно време и мизерни плати“.
Синдикатот, исто така, го отфрли она што го нарече „сурова дерегулација“ што брзо напредува во Грција од должничката криза во 2009 година.
Најавениот закон би овозможил работа од 13 часа на ден за истиот работодавач во вонредни околности и со дополнителни прекувремени часови.
Во земја каде што економијата се опорави од должничката криза, но сè уште е кревка, оваа можност веќе постои, но само ако работникот има два или повеќе работодавачи.
Мицотакис, кој е на власт од 2019 година, истакна дека многу млади луѓе во моментов работат две работни места и сакаат да работат повеќе за да заработат повеќе.
Министерката за труд, Ники Керамеус, нагласи дека мерката е „исклучителна“ и нема да стане вообичаена. „Тоа е одредба што важи до 37 дена во годината, само со согласност на работниците и со зголемување на платите од 40 проценти“, изјави таа за Мега ТВ оваа недела.
И покрај намалувањето на невработеноста и континуираниот раст на БДП, кој според Европската комисија минатата година изнесувал 2,3 проценти, ниските плати остануваат главен извор на загриженост и еден од главните проблеми за Грците, заедно со високите трошоци за живот.
Минималната плата, иако е зголемена, е 880 евра месечно.
Според Евростат, Грците работат просечно 39,8 часа неделно, во споредба со просекот на Европската Унија од 35,8 часа.
Во туристичкиот сектор, во текот на шпицот на сезоната, келнерите и готвачите работат долги часови, понекогаш без слободен ден во неделата. Законскиот работен ден во Грција трае осум часа со можност за платена прекувремена работа.
Грција веќе ја воведе опцијата за шестдневна работна недела, особено во време на голема побарувачка во одредени сектори како што е туризмот.
Свет
(Видео) Бродовите што пловат за Газа се оддалечени 200 километри од брегот: „Вечерва влегуваме во зона со висок ризик“

Глобалната флотила „Сумуд“, која плови за да ја пробие израелската блокада на Газа, денес објави дека нејзините бродови сега се наоѓаат само на 120 наутички милји (222 километри) од опколената енклава и вечерва ќе влезат во зона со висок ризик.
Организаторите издадоа критично предупредување, повикувајќи на меѓународно внимание.
Тие нагласија дека работниците и активистите ширум светот подготвуваат масовни мобилизации во знак на солидарност и побараа безбеден премин за флотилата.
Флотилата, која носи хуманитарна помош и меѓународни активисти, е дел од напорите за прекин на долгогодишната израелска блокада, која значително ги влоши условите за живот во Газа.
Вчера, израелскиот официјален радиодифузер КАН објави дека флотата влегла во зоната на пресретнување на Израел, а морнарицата се подготвува да ги заплени бродовите.
Израелските власти планираат да ги префрлат активистите од флотата на голем воен брод и да ги одвлечат бродовите до пристаништето Ашдод, со можност некои да потонат, објави КАН. Израел ја исклучи можноста флотилата да стигне до Газа, во согласност со политичките директиви.
Флотилата, натоварена претежно со хуманитарна помош и медицински материјали, исплови пред неколку дена во обид да ја пробие израелската блокада.
Ова е прв пат по години десетици бродови да пловат заедно кон Газа, дом на околу 2,4 милиони Палестинци и под израелска блокада околу 18 години.
фото: принтскрин