Свет
Уапсена жена осомничена дека испратила рицин во Белата куќа

Жена осомничена дека на американскиот претседател Доналд Трамп му испратила пакет во кој имало рицин е уапсена од федералните власти во неделата, пренесува „Њујорк пост“.
Рицинот е високотоксично соединение извлечено од рицинусовото зрно и често оружје во терористичките заговори.
Осомничената била уапсена од агентите на американската Агенција за царина и гранична заштита на границата меѓу Њујорк и Канада и се очекува да се соочи со федерални обвиненија. Други детали за осомничената не беа веднаш достапни.
Во саботата беше објавено дека федералните власти минатата недела пресретнале плик упатен до Белата куќа во кој се наоѓала отровната материја. Пакетот, кој се чини дека бил испратен од Канада, беше откриен во владиниот објект што ја проверува поштата упатена до Белата куќа и до претседателот Доналд Трамп.
Весникот „Монтреал“ објави дека писмото поминало низ објект за сортирање во Монтреал.
„Направени се два теста за да се потврди присуството на рицин во пакетот“, изјавија извори од полицијата за Си-ен-ен.
Во 2018 година поранешен морнар беше уапсен во Јута за наводно испраќање коверти во кои имало необработен извор на рицин – семе од растението рицинус – до Трамп во Белата куќа и во Пентагон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.