Свет
Уапсен сопственик на болница во Бангладеш поради издавање лажни тестови за коронавирус

Сопственик на приватна болница во Бангладеш е уапсен поради вмешаност во фалсификување на резултатите од илјадници тестови на Ковид-19 спроведени во неговата здравствена установа во Дака, објави полицијата.
Полицискиот полковник Ешик Билах изјави дека припадниците на Специјалната полициска единица (РАБ) го уапсиле Мохамед Шадед, директор на болницата „Регент“, сместена во југозападниот дел на земјата во граничната област со Индија.
Шадед е уапсен кога се обидел да замине во Индија преку слабо контролираната граница. Тој бил во бегство со денови по затворањето на неговата болница.
Деветмина вработени во болницата биле уапсени порано како дел од истрагата во која се откриени фалсификувани резултати од најмалку шест илјади тестови на коронавирус.
Властите ја повлекле дозволата на болницата да спроведува тестови откако се открило дека некои од спроведените тестови покажале лажно-позитивни или лажно-негативни резултати од тестот.
Исто така е откриено дека на пациентите им се наплаќал паричен надоместок со што се кршел договорот со властите за бесплатно лекување на пациентите со коронавирус.
Уапсена е и лекарка во јавна болница под обвинение за вмешаност во издавање лажни резултати од тестот за коронавирус во приватна клиника.
Досега во Бангладеш се регистрирани повеќе од 190.000 случаи на инфекција со коронавирус, а откако е направена првата дијагностика на 8 март, починале 2.424 лица.
Оваа јужноазиска земја се најде под жестоки критики откако се покажа дека голем број на патници кои патувале од Бангладеш за Италија по тестирањето биле позитивни, и покрај носењето сертификати дека се негативни за коронавирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Германија и Белгија против запленувањето на средствата на руската централна банка во ЕУ

Германија и Белгија не се заинтересирани за идејата за запленување на средствата на руската централна банка кои моментално се замрзнати во рамките на Европската Унија.
Канцеларот Фридрих Мерц и белгискиот премиер Барт де Вевер се согласија по ова прашање за време на состанокот во Берлин.
„Од правна гледна точка, не е толку едноставно“, рече Де Вевер.
Мерц, исто така, предупреди на негативното влијание врз пазарите на капитал. Може да се случи тогаш и другите земји да ги повлечат своите државни средства.
Според Европската комисија, околу 210 милијарди евра средства на руската централна банка се замрзнати во ЕУ поради инвазијата на Украина.
Приходите од камата сега се користат за финансирање на оружје и муниција за Украина.
Сепак, предлозите за директно користење на парите преку налози за експропријација се контроверзни.
Де Вевер се залага за одржување на сегашниот пристап, кој користи само камата на замрзнатите средства на централната банка.
„Тоа е како гуската што ги снесува златните јајца“, објасни тој. „Треба да ја задржиме оваа гуска.“
Само кога ќе се договори мировен договор меѓу Русија и Украина „гуската може да се стави на маса“, заклучи белгискиот премиер.
фото: принтскрин
Свет
(Видео) Боинг со 250 патници принудно слета во Русија, имаше дефект на моторот

Авион на „Ер Чајна“ што леташе од лондонски Хитроу до Пекинг утрово изврши непланирано слетување во Русија по дефект на моторот. Авионот превезуваше повеќе од 250 патници и членови на екипажот, објави „Индипендент“.
🇬🇧🇨🇳🇷🇺 A Boeing airplane flying the London — Beijing route made an emergency landing in Nizhnevartovsk.
“The Air China flight from Beijing to London decided to land at a reserve airfield in Russia due to a malfunction of one of the engines” — Rosaviatsia, Russians aviation… pic.twitter.com/xjBc6a2llT
— Lord Bebo (@MyLordBebo) August 26, 2025
Боингот 777, кој полета од Лондон синоќа во 22:43 часот, беше принуден да слета на аеродромот Нижневартовск во регионот Ханти-Мансијск во Русија. Според „ФлајтАвер“, авионот слета околу 8:17 часот по локално време, околу пет и пол часа по почетокот на своето патување.
Руската агенција за цивилно воздухопловство, Росавијација, го потврди инцидентот. „За време на летот од Лондон до Пекинг, екипажот на авионот „Боинг 777-300“ на „Ер Чајна“ одлучи да слета на алтернативен аеродром во Русија“, се вели во соопштението. „Ројтерс“ објави дека прелиминарната причина е дефект на моторот.
Passengers on the London–Beijing flight that made an emergency landing in Nizhnevartovsk (Russia) have been sitting on the plane for more than three hours.
The Air China Boeing 777-39L(ER) landed in the Russian city after one of its engines failed. According to the outlet Baza,… pic.twitter.com/MM4aT4hCNX
— Russian Market (@runews) August 26, 2025
Агенцијата додаде дека „Ер Чајна“ ќе испрати резервен авион во Нижневартовск за да можат патниците да го продолжат своето патување до Пекинг подоцна во текот на денот. Летот CA856 помеѓу Обединетото Кралство и кинескиот главен град обично трае повеќе од девет часа.
Британското Министерство за надворешни работи моментално советува да не се патува во Русија поради ризиците поврзани со нејзината инвазија на Украина. Сè уште не е познато колку британски државјани биле на летот.
фото: принтскрин
Европа
(Фото) Украински дрон се урна во Естонија

Украински борбен дрон се урна во Естонија, соопштија властите денес, во инцидент за кој се верува дека се случил во недела наутро.
„Тоа беше украински дрон кој нападна руски цели. Нема докази дека станува збор за руски дрон“, изјави Марго Палосон, раководител на естонската Служба за внатрешна безбедност, за естонското радио ЕРР. Според извештаите, ова е прв ваков инцидент во Естонија.
A Ukrainian military drone veered off course and crashed in Estonia. Authorities say they have no claims against Ukraine.
Wreckage and a blast crater were found in Tartu County. According to officials, the drone was likely Ukrainian.
Margot Pallonen, head of the Internal… pic.twitter.com/YHvhI0bw3a
— NEXTA (@nexta_tv) August 26, 2025
Украина нападна руски терминал за нафта и гас во балтичкото пристаниште Уст-Луга, во близина на естонската граница, во саботата навечер. Во понеделник, земјоделец во округот Тарту во Естонија пронашол остатоци од борбен дрон на својата нива, рече Палосон. Исто така, бил видлив кратер од експлозија.
Не е јасно дали дронот дошол од латвискиот или рускиот воздушен простор. Употребата на дронови во војување може да претставува закана за соседните земји.
Во последните месеци, руски дронови влегоа во воздушниот простор на Полска, Литванија и Латвија преку Белорусија, руски сојузник. Слични инциденти се пријавени во Романија и Молдавија.
фото: принтскрин