Свет
Убиен осомничен терорист во северен Киргистан

Вооружен маж осомничен за тероризам е убиен од полицијата и безбедносните сили во северната провинција Чуи во Киргистан, соопшти киргистанското Министерство за внатрешни работи, пренесува РФЕРЛ.
Според соопштението, мажот, чиј идентитет не е соопштен, бил убиен за време на операција спроведена од специјалните единици на киргистанските Министерство за внатрешни работи и Државниот комитет за национална безбедност (УКМК) во селото Дмитриевка лоцирано во областа Исик-Ата, во близина на киргисанско-казахстанската граница.
„Осомничениот активно се спротивстави на приведувањето и беше ликвидиран од службениците на специјалните единици на Министерството за внатрешни работи и Државниот комитет за национална безбедност“, се вели во соопштението, без да се наведат повеќе детали за тоа што се случило.
Секретарот на Киргистанскиот совет за безбедност, Марат Иманкулов, изјави дека ситуацијата во селото е стабилна по инцидентот, без да даде повеќе детали за операцијата.
Киргистанското Министерство за здравство соопшти дека за време на специјалната операција биле ранети двајца полицајци, од кои едниот е хоспитализиран со прострелна рана во карлицата.
Службеници на киргистанските МВР и УКМК во моментот го истражуваат инцидентот.
Духовната управа на муслиманите во Киргистан соопшти дека специјалната операција била изведена во близина на зградата на локалното исламско училиште за девојки и канцелариите на селската управа додавајќи дека сите ученици се безбедни.
Специјалните операции на киргистанските безбедносни сили против наводните терористи се многу ретки во оваа централноазиска земја.
Во последните години стотици киргистански граѓани им се приклучиле на терористичката Исламска држава и други екстремистички организации во Сирија и Ирак.
Поттикнати од извештаите дека киргистанските граѓани им се придружуваат на терористичките групи на Блискиот Исток, киргистанските пратеници во 2016 година одобрија закон со кој им се дозволува на властите да им го одземат државјанството на осудените за тероризам.
Киргистан е претежно муслиманска населена земја со 7 милиони жители.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Вознемирувачко фото+видео) Пукање среде ден во Лавов, убиен Андриј Парубиј, херојот на Евромајдан

Поранешениот претседател на Врховната рада и една од клучните фигури на револуцијата на Евромајдан, Андриј Парубиј беше убиен со огнено оружје во својот роден град Лавов.
Националната полиција соопшти дека пукотници одекнале околу пладне во јужниот дел на градот, во округот Франкивски. Жртвата починала на лице место, и покрај брзата реакција на службите за итна помош.
Првите информации беа потврдени од пратеничката Ирина Херашченко, која за „Киев Индепендент“ изјави дека убиениот политичар е токму Парубиј.
Неколку часа подоцна, украинскиот претседател Володимир Зеленски соопшти:
„Министерот за внатрешни работи и главниот државен обвинител ме информираа за првите околности на страшното убиство. Убиен е Андриј Парубиј. Изразувам длабоко сочувство до неговото семејство и најблиските“.
Зеленски додаде дека сите потребни ресурси се вклучени во истрагата и во потрагата по сторителот. Засега, властите не соопштуваат детали за можни осомничени или за мотивот на злосторството.
Парубиј важеше за еден од симболите на отпорот и демократските промени во Украина, особено по неговата улога во протестите на Евромајдан и неговото политичко лидерство во најкритичните години на државата.
Случајот предизвика силни реакции низ цела Украина, со бројни пораки на осуда и повици за брзо расветлување на убиството.
Регион
Српската туристка која исчезна додека пливала кај Солун е пронајдена мртва

Жена (76) од Србија, која се водеше како исчезната од синоќа во близина на Солун, е пронајдена мртва утрово кратко по 8 часот, во морскиот регион, јавува „Прототема“, пренесува „Танјуг“.
Грчката крајбрежна стража вчеравечер ја започна потрага по исчезната пливачка во близина на градот Агиа Триада, во близина на Солун.
Порталот „Прототема“ објавија дека жената отишла на пливање со двајца пријатели, а крајбрежната стража била известена за нејзиното исчезнување околу 21:30 часот по локално време.
Во спасувачката операција учествувале два брода на крајбрежната стража, брод во близина и рибарски чамец. На барање на крајбрежната стража беше мобилизиран и грчки спасувачки тим, кој пристигнал за да помогне, заедно со екипаж од четири члена волонтери и спасувачкиот брод „Один“.
Спасувачките екипи продолжуваат со пребарување на околуниот дел од морскиот брег и отвореното море во надеж дека ќе ја најдат исчезнатата туристка жива и здрава.
Свет
Турција целосно ја прекинува трговијата со Израел по геноцидот во Газа

Министерот за надворешни работи на Турција, Хакан Фидан, денеска објави дека неговата земја целосно ги прекинува сите трговски односи со Израел и го затвора својот воздушен простор за израелските авиони, како одговор на настаните во Појасот Газа.
„Целосно ја прекинавме трговијата со Израел. Ги затворивме нашите пристаништа за израелските бродови. Не им дозволуваме на турските бродови да пловат кон израелски пристаништа. Турција не им дозволува на контејнерските бродови што пренесуваат оружје и муниција за Израел да пловат кон нашите пристаништа, ниту пак дозволуваме авиони да летаат во нашиот воздушен простор“, изјави Фидан на парламентарна седница во Анкара.
Според турскиот министер, мерките се дел од сеопфатен пакет дипломатски, правни и економски постапки воведени поради конфликтот во Газа. Турција постојано ја означува војната како „геноцид“.
Според податоците од палестинското Министерство за здравство, повеќе од 62.000 Палестинци загинале во конфликтот, а Турција претходно најави ограничување на трговијата со Израел, која не се одвивала од мај 2024 година. Во 2023 година, трговијата меѓу двете земји изнесувала седум милијарди долари, според Турскиот институт за статистика.
Анкара истакнува дека со овие мерки испраќа силна порака и се придржува до меѓународното право, додека целата ситуација се смета за најостра дипломатска постапка против Израел од страна на која било друга земја досега.