Полскиот министер за надворешни работи Радослав Сикорски денес предупреди дека Европа мора да биде подготвена за руски напад длабоко на нејзина територија. Тој оцени дека е „неодговорно“ што не гради одбранбени системи како што е „ѕид од беспилотни летала“ на неговото источно крило.

Во Лондон, каде што го претстави иранскиот дрон „Шахед-136“ соборен во Украина, Сикорски ги повика европските земји да „останат доследни“ во својата поддршка за Украина, наведувајќи дека се надева дека американскиот претседател Доналд Трамп ќе ги стави на располагање ракетите Томахавк со долг дострел на таа земја, пренесува Ројтерс.

Тој процени дека снабдувањето на Украина со дополнителна муниција за противвоздушна одбрана, како и оружје со краток и среден дострел, е неопходно за да се помогне во заштитата на Европа, наведувајќи ги како примери упадите на руски беспилотни летала над Полска и борбените авиони над Естонија.

Тој рече дека сè уште не е познато дали беспилотните летала забележани над Копенхаген биле руски.

Запрашан за можноста за проширување на иницијативата „ѕид од беспилотни летала“ за да се спротивстави на идните упади, Сикорски за Ројтерс изјави дека руските напади „за жал би можеле да стигнат длабоко во Европа“.

„Треба да бидеме подготвени да се спротивставиме на тоа и затоа мислам дека би било неодговорно ако не изградиме капацитети против беспилотни летала денес“, рече Сикорски, пренесува Танјуг.

Фото: принтскрин

Земјотрес со јачина од 4,1 степени според Рихтеровата скала вечерва ја погоди западна Турција, објави Европско-медитеранскиот сеизмолошки центар (EMSC).

Во соопштението се наведува дека епицентарот на земјотресот бил на длабочина од девет километри.

Засега нема информации за евентуални повредени или штети.

Претседателот на САД, Доналд Трамп, гледа дека европските лидери му се целосно потчинети и се подготвени да реагираат на секој негов збор, изјави Олег Карпович, проректор на Дипломатската академија на Министерството за надворешни работи на Русија.

„Самитот во Шарм ел Шеик покажа дека Доналд Трамп е еден вид режисер на настаните – тој има свои омилени и непосакувани актери. Затоа повеќето европски лидери се обидуваат да го привлечат неговото внимание и наклонетост, но за некои тоа е веќе изгубена битка“, изјави Карпович за ТАСС.

„Постојат неколку европски политичари што му се допаѓаат на Трамп – тоа се премиерот на Унгарија и премиерот на Италија. Секако, и турскиот претседател ужива во негова наклонетост. Од друга страна, има лидери, како што се францускиот претседател, германскиот канцелар и британскиот премиер, кон кои Трамп е рамнодушен.“

Тој додаде дека Трамп многу добро знае дека ја има Европа „под палецот“.

„Затоа се однесува како мајстор на овој „куклен театар“ – може да го користи овој или оној политичар, бидејќи тие немаат друг избор освен да го слушаат“, рече Карпович.

„Ова е сегашниот модел на односи меѓу Соединетите Американски Држави и нивните европски сателити. Рамноправните односи, што поранешниот американски претседател, Џо Бајден, се обидуваше да ги негува, повеќе не постојат. Секој европски лидер добива онолку почит колку што американскиот претседател мисли дека заслужува.“

Според Карпович, современиот свет „стана лулашка што може да се преврти во секој момент“ поради политиките на одредени европски лидери.

„Неопходна е консолидација на напорите и усогласување на ставовите меѓу Русија и САД. Резервите на стабилност создадени за време на самитот во Анкориџ мора да се искористат и да доведат до одредени промени и резултати во украинската криза. Како бизнисмен, Трамп користи политички инструменти кои не се вообичаени во дипломатијата. Сите негови пристапи се земени предвид од страна на рускиот претседател и надворешнополитичкиот блок на Русија. Ова ќе ни овозможи да постигнеме напредок во решавањето на прашањата поврзани со украинската криза и да постигнеме долгорочен и целосен мир, пред сè со почитување на руските интереси“, заклучи Карпович.

Фото: принтскрин