Свет
Украина: Користењето западно оружје за напад на Русија значително ќе ја ослабне Москва
![](https://makfax.com.mk/wp-content/uploads/2023/05/ukraina.jpg)
Началникот на ГШ на украинскиот претседател Володимир Зеленски денеска изјави дека употребата на западно оружје за напади во Русија е клучна одлука што ќе влијае на руската авијација и нејзината способност да дејствува во пограничните области.
По притисокот од Украина и некои од нејзините европски сојузници, Соединетите Американски Држави минатата недела се согласија да ја променат својата политика и да му дозволат на Киев да користи западно оружје за да напаѓа цели на руска територија како дел од својата одбрана од руската инвазија.
Киев рече дека одлуката ќе помогне да се одбијат руските напади и подобро да се одбрани територијата во североисточната Харковска област.
„Дозволата за употреба на западно оружје на територијата на Руската Федерација е клучна одлука. Тоа ќе влијае на водењето на војната, планирањето на контраофанзивни дејствија и ќе ја ослабне способноста на Русите да ги користи своите сили на граничните области“, порача Андриј Јермак на комуникациската платформа „Телеграм“.
„Одлуката ќе помогне и во одбраната од руски воздушни напади“, додаде Јермак.
Украина често го гаѓа окупираниот полуостров Крим, кој беше анектиран од Русија во 2014 година, со западно оружје.
Сепак, со помалку човечка сила и оружје од Москва, Киев побара од Вашингтон дозвола да нападне цели на руска територија со оружје произведено од САД, додека Русија отвори ново бојно поле во североисточниот регион Харков.
Харков, вториот по големина град во земјата со околу 1,3 милиони жители, е оддалечен само 30 километри од границата со Русија. Официјални лица на американската администрација тврдат дека последната одлука е специјално наменета за борбите во регионот Харков. Тие велат дека одлуката и дозволува на Украина да користи американско оружје против руските сили кои „ја напаѓаат или подготвуваат да ја нападнат“ преку границата.
Украина, исто така, се обидува да развие сопствено оружје, фокусирајќи се на беспилотни летала, за да гаѓа цели во Русија. Некои украински беспилотни летала нападнаа руски нафтени постројки и воени цели стотици километри оддалечени од границата. Еден од најдалекусежните обиди беше напад на радарска станица во градот Орск, на 1.800 километри од границата со Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Евакуиран дел од најголемиот аеродром во Европа: полицијата и кучиња трагачи на местото на настанот
![](https://makfax.com.mk/wp-content/uploads/2019/08/Hitrou.jpg)
Вториот терминал на аеродромот Хитроу во Лондон е евакуиран поради сомнителен пакет, јавуваат медиумите.
Police dogs are here 🙃 pic.twitter.com/4ZgrkGzPpR
— Abinaya Nathan (@abiknathan) July 5, 2024
Фотографиите кои кружат на социјалните мрежи покажуваат како патници излегуваат од аеродромот додека неколку полициски комбиња се приближуваат до терминалот.
Furious holidaymakers face chaos at Heathrow Airport as emergency services evacuate terminal – leaving England fans heading to Euros stranded https://t.co/hKA04me9gJ pic.twitter.com/u3SK2c9Ggs
— Daily Mail Online (@MailOnline) July 5, 2024
Дел од аеродромот го пребаруваат кучиња трагачи.
Свет
Би-Би-Си: Се очекува Сунак формално да ја поднесе својата оставка до кралот Чарлс во наредните часови
![](https://makfax.com.mk/wp-content/uploads/2022/07/83e3e5bf-ebe2-44c1-a8f9-1312e4f8661e.jpg)
Се очекува британскиот премиер Риши Сунак, чија конзервативна партија по 14 години власт на вчерашните избори претрпе пораз од лабуристите, во наредните часови формално да му ја поднесе оставката на кралот Чарлс, јавува Би-Би-Си.
Сунак се враќа во Лондон, каде наскоро ќе се сретне со кралот Чарлс, откако успеа да го задржи своето парламентарно место во Јоркшир.
По оставката на Сунак, се очекува кралот Чарлс официјално да побара од лидерот на лабуристите Кир Стармер да формира влада.
Свет
Евакуирани хотели во мексиканскиот град Тулум поради очекуваниот удар на ураганот
![](https://makfax.com.mk/wp-content/uploads/2024/07/dfd.jpg)
Властите ги повикаа туристите во мексиканското одморалиште Тулум да ги напуштат плажите и да бараат засолниште, а хотелите беа евакуирани поради очекуваното влијание на ураганот Берил, кој погоди неколку острови во Сент Винсент и Гренадини, како и Барбадос и Јамајка во претходните денови.
Мексиканскиот претседател Андрес Мануел Лопез Обрадор рече во изјавата дека Берил може директно да го погоди Тулум, кој има најмалку 50.000 жители и приближно исто толку туристи.
„Се препорачува луѓето да стигнат до повисоки места, засолништа… Не двоумете се, материјалните добра може да се заменат“, предупредил Обрадор, а пренесува АП.