Свет
Украина: Наскоро ќе влеземе на Крим
Украина изгледа подготвена да почне воена операција за деокупација на Крим, сугерираат коментарите на висок функционер на украинската одбрана.
На новинарско прашање за можното влегување на украинските сили на Крим, шефот на Главната разузнавачка управа на украинското Министерство за одбрана рече дека тоа ќе се случи – наскоро.
Кирило Буданов, кој разговараше за ТСН, не прецизираше датум, но рече дека тоа ќе се случи во блиска иднина.
Крим е под руска окупација од 2014 година и е клучна цел на украинската контраофанзива.
Последниве недели беа забележани повторени напади на полуостровот – вклучително и експлозија што го оштети мостот Керч што го поврзува Крим со Русија.
Украинската контраофанзива беше започната на почетокот на јуни, но досега беше релативно бавна – иако се чини дека украинското напредување се зголеми во последните денови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателски избори на Исланд, тесна трка меѓу три жени
Исланд денеска го избираасвојот седми претседател, а се очекува тесна трка меѓу три жени, пишува германската агенција ДПА.
Исклучително популарниот претседател Гудни Јоханесон повторно не се кандидираше. Тој ја извршуваше таа функција од 2016 година, а беше реизбран во 2020 година кога освои 92 отсто од гласовите.
Поранешната премиерка Катрин Јакобсдотир е една од фаворитите. Таа поднесе оставка во април за да се кандидира за претседателската функција.
Голема поддршка имаат и Хала Томасдотир, претприемачка кој исто така се кандидираше во 2016 година и Хала Хрунд Логадотир, експерт за заштита на животната средина и професор од Универзитетот Харвард.
Неодамнешната анкета објавена од дневниот весник Моргунбладид покажа дека Јакобсдотир води со 26 отсто поддршка од гласачите, следена од Томасдотир со 24 отсто, а 19 отсто велат дека ја поддржуваат Логадотир.
На претседателските избори има вкупно 12 кандидати. Претседателот има претежно церемонијална улога, но може да стави вето на законите и да распишува референдуми. Изборните резултати се очекуваат утре рано наутро.
Свет
Силен земјотрес го погоди Чиле
Земјотрес со јачина од 5,5 степени според Рихтер го погоди денеска регионот Антофагаста во Чиле, соопшти Европскиот медитерански сеизмолошки институт (EMSC).
Земјотресот се случил на длабочина од 118 километри, додава EMSC.
Епицентарот на земјотресот бил на 190 километри од градот Икике, кој има 227.000 жители.
Свет
Нетанјаху: Нема да има траен прекин на огнот во Газа додека Хамас не биде уништен
Израелскиот премиер Бенјамин Нетанјаху денеска изјави дека нема да има траен прекин на огнот во Газа додека не се уништат воените и управувачките способности на Хамас.
Неговите коментари во соопштението објавено на интернет дојдоа откако американскиот претседател Џо Бајден рече дека Израел предложил трифазен договор за прекин на огнот во Газа во замена за ослободување на заложниците од Хамас.
„Условите на Израел за завршување на војната не се променети: уништување на воените и управувачките способности на Хамас, ослободување на сите заложници и обезбедување Газа повеќе да не претставува закана за Израел“, рече Нетанјаху.
„Израел ќе продолжи да инсистира овие услови да се исполнат пред да се воспостави траен прекин на огнот. Идејата дека Израел ќе се согласи на траен прекин на огнот пред да се исполнат овие услови не доаѓа предвид“, додаде тој.