Свет
Украина најави голема контраофанзива: „Готови сме, би можеле да почнеме уште утре“
Украина е подготвена да ја почне својата долгоочекувана контраофанзива, изјави за „Би-Би-Си“ еден од највисоките безбедносни функционери во земјата.
Олексеј Данилов не сакаше да даде точен датум, но рече дека нападот за враќање на териториите од, како што вели, окупаторските сили на претседателот Владимир Путин би можел да започне „утре, задутре или за една недела“. Тој предупреди дека украинската влада нема право да погреши во врска со одлуката бидејќи ова е историска можност што не можат да ја изгубат.
Како секретар на Советот за национална безбедност и одбрана на Украина, Данилов е во центарот на воениот кабинет на претседателот Володимир Зеленски. Неговото интервју за Би-Би-Си беше прекинато со телефонски повик од Зеленски, кој го покани на состанок за да разговараат за контраофанзивата.
За време на интервјуто, Данилов потврди дека некои од платеничките сили на Вагнер се повлекуваат од градот Бахмут, местото на најкрвавата битка во војната досега – но додаде дека тие се прегрупираат на три други локации.
Данилов, исто така, рече дека е „апсолутно смирен“ поради тоа што Русија почнала да распоредува нуклеарно оружје во Белорусија, велејќи: „Тоа не е новост за нас“, вели тој.
Украина со месеци планираше контраофанзива, но сакаше што е можно повеќе време да ги обучи војниците и да добие воена опрема од западните сојузници. Во меѓувреме, руските сили ја подготвуваа својата одбрана. Владата во Киев треба да му покаже на народот на Украина, но и на западните сојузници, дека може да ги пробие руските линии, да стави крај на воениот ќор-сокак и да преземе дел од нејзината територија.
Данилов за Би-Би-Си изјави дека вооружените сили ќе почнат напад кога командантите ќе пресметаат дека украинските сили можат да постигнат најдобар резултат. Запрашан дали украинските вооружени сили се подготвени за офанзива, тој одговори:
„Ние сме подготвени. Исто како што бевме подготвени да ја браниме нашата земја во секое време. И тоа не е прашање на време. Мораме да разбереме дека не можеме да ја изгубиме оваа историска можност што ни е дадена, за вистински да станеме независна, голема европска земја“.
„Тоа може да се случи утре, задутре или за една недела. Би било чудно да ги наведам датумите на почетокот на тој настан. Не можам да го сторам тоа… Имаме многу одговорна задача пред нашата земја.И разбираме дека немаме право на грешка“, додаде Данилов.
Тој ги отфрли тврдењата дека веќе започнала контраофанзива, велејќи дека „рушењето на руските контролни центри и руската воена опрема“ е задача на украинските вооружени сили од 24 февруари минатата година.
„Немаме слободни денови во оваа војна“, рече тој.
Тој зборуваше и за Бахмут и ја бранеше одлуката на украинската армија да не се повлекува од градот со месеци.
„Бахмут е наша земја, наша територија и мораме да ја браниме“, рече тој. „Ако почнеме да го напуштаме секое населено место, тоа може да не доведе до нашата западна граница, што е она што Путин го сака уште од првите денови на војната“, вели тој.
Кажа дека украинските сили контролираат само мал дел од градот и дека Киев го признава тоа. „Но, мора да запомните дека Бахмут одигра голема улога во оваа војна“, вели тој. На прашањето дали платениците на Вагнер го напуштаат градот, тој вели: „Да, тоа се случува. Но, тоа не значи дека ќе престанат да се борат со нас. Тие ќе се концентрираат повеќе на други фронтови… тие се прегрупираат на другите три локации“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
„Трамп е во право, зависноста од руската нафта директно ја поттикнува воената машина на Путин“, изјави Калас
Еден од највисоките функционери на ЕУ изјави дека Доналд Трамп „има право“ кога ги критикува европските земји кои продолжуваат да купуваат руска енергија, изразувајќи „големо жалење“ што ова сè уште се случува, објави Скај њуз.
Потпретседателката на Европската комисија, Каја Калас, зборувајќи во емисијата „The World with Yalda Hakim“, рече дека зависноста од руската нафта и гас директно ја поттикнува воената машина на Владимир Путин. „Го кажуваме ова веќе некое време, дека зависноста од руската нафта и гас всушност ја поттикнува и војната“, рече Калас, кој е и висок претставник на ЕУ за надворешни работи и безбедносна политика.
Европската комисија предложи постепено укинување на увозот на руска нафта и гас до 1 јануари 2028 година. Иако повеќето земји-членки престанаа да увезуваат руска сурова нафта во 2022 година, Унгарија и Словачка продолжија да купуваат.
Калас нагласи дека постојат алтернативи. „Соседите околу овие земји, исто така, предложија алтернативи, па можеме да го направиме тоа“, рече таа, додавајќи дека не верува оти Унгарија или Словачка треба да бидат санкционирани, туку напротив, охрабрени да ги прифатат понудените решенија.
Доналд Трамп изјави дека САД се подготвени да воведат енергетски санкции врз Русија, но под еден услов – сите членки на НАТО да им се приклучат.
„Подготвен сум да воведам големи санкции врз Русија кога сите земји-членки на НАТО ќе се согласат и ќе почнат да го прават истото, и кога сите земји-членки на НАТО ќе престанат да купуваат нафта од Русија“, објави тој на својата платформа Truth Social.
Приходите од енергија остануваат клучен извор на финансирање за воените напори на Кремљ, што го прави извозот на нафта и гас главна цел на западните санкции.
Сепак, аналитичарите предупредуваат дека агресивните ограничувања би можеле да доведат до пораст на глобалните цени на нафтата, оптоварувајќи ги западните економии и потенцијално намалувајќи ја јавната поддршка за санкциите. Во меѓувреме, според Центарот за истражување на енергијата и чистиот воздух, членката на НАТО, Турција, треба да стане трет најголем купувач на руска нафта до 2023 година, зад Кина и Индија.
фото: принтскрин
Европа
Украина: Соборивме моќен руски Су-34
Генералштабот на вооружените сили на Украина објави дека руски борбен авион Су-34 е соборен во близина на градот Запорожје околу 4 часот наутро. Според украинската војска, авионот учествувал во напади врз градот користејќи наведувани бомби.
„Непријателскиот Су-34 е соборен околу 4 часот наутро во правец на Запорожје, каде што извршувал терористички напади користејќи наведувани воздушни бомби. Заедно до победа!“, се вели во соопштението на украинскиот Генералштаб.
Су-34, според британскиот тинк-тенк Кралски институт за обединети служби, е еден од најсовремените борбени авиони на руската армија. Тоа е повеќенаменски суперсоничен ловец-бомбардер со два мотора.
Во оперативна употреба е од 2014 година, а Русија го користи за напад врз украински цели со крстосувачки ракети и наведувани бомби. Су-34 може да носи до осум тони различно оружје, вклучувајќи ракети воздух-воздух и воздух-земја, и има дострел од околу 4.000 километри.
Русија сè уште не ги коментираше тврдењата на украинската војска за загубата на Су-34.
фото: принтскрин
Свет
(Видео) Хутите испукаа два дрона кон Израел, едниот погоди хотел: има повредени
Беспилотно летало лансирано од јеменските Хути повреди 22 лица во јужниот израелски град Еилат, соопштија израелските служби за итна медицинска помош. Тоа беше редок пробив низ софистицираната воздушна одбрана на Израел, која во голема мера ги ограничува жртвите во ваквите напади, објави Асошиејтед Прес.
Во Појасот Газа, израелските сили убија најмалку 41 Палестинец, според локалните болници.
This is the moment a drone launched by Yemen’s Houthis exploded in the Israeli city of Eilat.
Footage shows it over the southern port city before bursting into flames in a residential neighbourhood, injuring at least 22 people, after Israeli military failed to intercept it. pic.twitter.com/IcA6CnzVX9
— Al Jazeera English (@AJEnglish) September 24, 2025
Јеменските Хути, сојузници на Иран, редовно испукуваат дронови и ракети кон Израел и напаѓаат меѓународен превоз, велејќи дека го прават тоа во поддршка на Палестинците. Огромното мнозинство од тие дронови и ракети се соборуваат или слетуваат во ненаселени области без да предизвикаат повредени.
Два дрона испукани кон Израел
Хутите во соопштението изјавија дека испукале два дрона кон Израел. По претходните напади, Израел изврши воздушни напади врз Јемен, а израелскиот министер за одбрана Израел Кац ги предупреди Хутиите на социјалната мрежа Икс дека „на секој што ќе му наштети на Израел ќе му биде возвратено седум пати посилно“.
🎥RAW FOOTAGE: A UAV launched by the Houthi terror regime hits a hotel in Eilat.
As families welcomed the Jewish new year, the Houthis targeted Israeli civilians.
This is what terror looks like. pic.twitter.com/j1cHA4Gh64— Israel Defense Forces (@IDF) September 24, 2025
Израелската војска соопшти дека се обидела да го пресретне дронот. Службата за итни случаи „Маген Давид Адом“ објави дека повредените се однесени во болница, а двајца се здобиле со „тешки повреди од шрапнели на екстремитетите“.
Напад врз шатори во Газа
Во Газа, најмалку 22 лица беа убиени кога израелски напад погоди шатори со раселени лица во Газа, изјави д-р Фадел Наим, директор на болницата „Ал-Ахли“. Меѓу загинатите има три деца и девет жени, изјави тој за „Асошиејтед прес“.
Израелската војска соопшти дека целта на нападот биле двајца членови на Хамас користејќи прецизно оружје и преземајќи мерки за да се избегнат цивилни жртви. Израел го обвинува Хамас за цивилните жртви, тврдејќи дека милитантите се стационирани во густо населени области.
⚡️🚨 BREAKING: Yemeni drone hits the Israeli "Klab Hotel", one of the most luxurious hotels in the Middle East, in Eilat, a few minutes ago pic.twitter.com/Xq6lSLHJnp
— Middle East Observer (@ME_Observer_) September 24, 2025
„Тие беа убиени додека се обидуваа да добијат помош“
Втор израелски напад погоди група Палестинци во бегалскиот камп Нусејрат во централна Газа, при што загинаа најмалку 12 лица, а ранети се 18, според болницата Ал-Авда. Уште четири лица – две деца и нивните родители – беа убиени во напад врз нивниот дом во Нусејрат, според болницата Ал-Акса во блискиот Деир ал-Балах.
Болницата Насер во јужна Газа соопшти дека ги примила телата на три лица убиени од огнено оружје додека се обидувале да добијат помош. Здравствените власти во Газа и канцеларијата на ОН за човекови права велат дека стотици се убиени од израелски оган додека се обидувале да добијат хуманитарна помош во последните месеци.
Војската соопшти дека пука предупредувачки истрели само кога луѓето се приближуваат до нејзините сили на начин што го смета за заканувачки.
фото: принтскрин
Кај 11 лица од Трубарево утврдени иритации на грлото при скринингот
Кај 11 лица од Трубарево се утврдени иритации и надразнување на грлото при првиот ден од скринингот што го спроведува...
Украина: Соборивме моќен руски Су-34
Генералштабот на вооружените сили на Украина објави дека руски борбен авион Су-34 е соборен во близина на градот Запорожје околу...
(Видео) Хутите испукаа два дрона кон Израел, едниот погоди хотел: има повредени
Беспилотно летало лансирано од јеменските Хути повреди 22 лица во јужниот израелски град Еилат, соопштија израелските служби за итна медицинска...
Трамп е убеден во „тројна саботажа“ во Обединетите нации
Американскиот претседател Доналд Трамп побара од Обединетите нации веднаш да започнат истрага за „тројната саботажа“ во која тој бил во...
(Видео) Хонг Конг се опоравува од супертајфунот Рагаса, повеќе од 100 повредени
Хонг Конг денес ги обнови летовите од својот меѓународен аеродром, додека густо населениот град се опоравува од супертајфунот Рагаса што...
Макрон: Цивилите и заложниците во Газа не смеат да бидат оставени во рацете на Нетанјаху
Францускиот претседател Емануел Макрон остро ја критикуваше владата на израелскиот премиер Бенјамин Нетанјаху за нејзиниот став во врска со војната...
(Видео) Неидентификувани дронови над четири аеродроми во Данска: oва е втор пат оваа недела
Неидентификувани дронови се забележани над четири аеродроми во Данска, поради што еден од нив е затворен неколку часа, соопшти данската...
Филипче: Поради пропаднатата коалиција со Арсовска и политичкиот инает, Скопје остана без клучни одлуки
Претседателот на Социјалдемократскиот сојуз на Македонија, Венко Филипче, денеска од Аеродром изјави дека премиерот Мицкоски и ВМРО-ДПМНЕ го доведоа Скопје...
Сиљановска-Давкова: Нашите соседи наместо да не поддржат користат вето, крајно време е да се направат промени во ЕУ за начинот на одлучување
Претседателката Гордана Сиљановска-Давкова се обрати на годинашниот самит „Конкордија“, којшто секоја година се одржува паралелно со Генералното собрание на ОН....
Локалната власт е одговорна за одржување на депонијата во Струга, порача Министерството за животна средина
Министерството за животна средина и просторно планирање потсетува дека управувањето со комуналниот отпад е законска обврска на општините. Од таму...
Спирометрија, ЕКГ и други испитувања денес и утре ќе им се прават на жителите на Трубарево: многумина одбија да се евакуираат за време на пожарот, вели министерот Алиу
Денес и утре, во периодот од 10 до 16 часот, две екипи од Клиниката за пулмологија со амбулантни возила ќе...
Арсовска до Мицкоски: Им се извинувам на граѓаните што сум мислела дека си чесен, професор и интелектуалец не знаејќи каков навистина си
Градоначалничката на Скопје, Данела Арсовска, со реакција по изјавата на премиерот Христијан Мицкоски дека чуствува одговорност што ја поддржал Арсовска...
За несобраното ѓубре во Скопје ќе има одговорност и ќе има име и презиме, работиме внимателно и не правиме естрада, вели Мицкоски
Премиерот Христијан Мицкоски, денес, уште еднаш им се извини на скопјани за тоа што пред четири години ја поддржал Данела Арсовска...
ВМРО-ДПМНЕ: Судството во служба на Заев и Филипче, пресудата за докторката од Онкологија е срамна
ВМРО-ДПМНЕ реагира на одлуката на судот да изрече условна казна од две години за докторка од Клиниката за онкологија и...
(Видео) Огромна дупка се отвори на пат во Бангкок
Дел од патот се урна утрово пред болницата Ваџира во главниот град на Тајланд, Бангкок. Дупката беше долга 30 метри,...
(Фото) Супертајфунот го погоди Хонг Конг; 14 мртви, повеќе од 100 исчезнати на Тајван
Супертајфунот Рагаса, најсилниот тропски циклон во светот оваа година, го погоди денеска Хонг Конг, со ветрови со сила на ураган...
Трамп: Украина може да врати сè што изгуби, можеби и повеќе! Путин е во голема неволја
Американскиот претседател Доналд Трамп објави порака на својата социјална мрежа во која тврди дека Украина, со поддршка на Европа и...
(Фото) Украинците уништија еден од најмоќните руски системи
Руски извори објавија снимки што индиректно го потврдуваат успехот на неодамнешниот украински напад, на кои се прикажани уништени и тешко...
Ердоган: Израел ги користи нападите на Хамас за да изврши геноцид во Газа
Турскиот претседател Реџеп Таип Ердоган изјави дека израелската влада го користи терористичкиот напад на палестинската исламистичка група Хамас како изговор...
(Видео) Трамп: Зеленски е голем човек, НАТО треба да соборува руски авиони што го нарушуваат воздушниот простор
Американскиот претседател Доналд Трамп се сретна со украинскиот претседател Володимир Зеленски во Њујорк по неговиот говор пред Генералното собрание на...
