Свет
Украина: Убивме 20.300 руски војници, соборивме 165 авиони, потонавме 8 бродови

Украина објави дека од почетокот на инвазијата биле убиени 20.300 руски војници, а 2.002 руски оклопни возила биле уништени. Уништени се 146 руски хеликоптери и 773 тенкови, тврди Украина.
Минатиот месец Русија тврдеше дека 1.351 руски војник загинале во Украина, додека НАТО на 24 март процени дека биле убиени до 15.000 руски војници.
Тие исто така велат дека уништиле 165 руски авиони, 148 дронови, 8 бродови и 66 противвоздушни системи.
Information on Russian invasion
Losses of the Russian armed forces in Ukraine, April 17 pic.twitter.com/fJsr11Dj2T
— MFA of Ukraine ?? (@MFA_Ukraine) April 17, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Макрон: Трамп се согласи дека Украина мора да биде вклучена во разговорите за територијата

Американскиот претседател Доналд Трамп изјави дека Украина мора да биде вклучена во разговорите за територијата како дел од секој договор за прекин на огнот со Русија, изјави францускиот претседател Емануел Макрон.
Тврдењето на Макрон е прв показател за исходот од разговорите меѓу Трамп, европските лидери и украинскиот претседател Володимир Зеленски, со цел обликување на состанокот на Трамп со рускиот претседател Владимир Путин во Алјаска во петок.
Инсистирањето на Трамп за вклучување на Украина, доколку се потврди, би можело да значи одредено олеснување за Украина и нејзините сојузници, кои стравуваа дека Трамп и Путин би можеле да постигнат договор што би им наштетил на европските и украинските безбедносни интереси и би ја поделил украинската територија.
Трамп и Путин ќе се сретнат в петок во Алјаска за да разговараат за тоа како да се стави крај на три и полгодишниот конфликт, најлошиот во Европа од Втората светска војна.
Европа
Шефот на НАТО: Топката сега е во дворот на Путин

Генералниот секретар на НАТО, Марк Руте, изјави дека „топката сега е во дворот на Путин“ по учеството во видеоповик со американскиот претседател Доналд Трамп, украинскиот претседател Володимир Зеленски и европските лидери.
Great call with @POTUS, @ZelenskyyUA & European leaders ahead of President Trump’s meeting with Putin in Alaska. We are united in pushing to end to this terrible war against 🇺🇦 & achieve just and lasting peace. Appreciate @realDonaldTrump leadership & close coordination with…
— Mark Rutte (@SecGenNATO) August 13, 2025
„Ние сме обединети во нашите напори да ја завршиме оваа ужасна војна против Украина и да постигнеме праведен и траен мир“, објави Руте на социјалните мрежи.
„Го ценам лидерството на Трамп и тесната координација со сојузниците. Топката сега е во дворот на Путин“, додаде тој, осврнувајќи се на претстојната средба меѓу Трамп и Путин во Алјаска.
Европа
Европските лидери ги пофалија разговорите со Трамп пред средбата со Путин

Европските лидери ги поздравија разговорите со американскиот претседател Доналд Трамп пред неговиот самит со рускиот претседател Владимир Путин, велејќи дека во голема мера ги делат целите на состанокот во петок – кој започнува со постигнување прекин на огнот во Украина.
Германскиот канцелар Фридрих Мерц и францускиот претседател Емануел Макрон пренесоа заеднички европски став дека одлуките за Украина не можат да се донесат без Украина, нагласувајќи дека таа мора да биде вклучена во секоја конечна одлука. Тие, исто така, ја поддржаа идејата за можен иден трилатерален самит со Трамп и Путин.
Мерц рече дека има „надеж дека нешто се движи“ и изрази растечки оптимизам за можен мировен договор.
Украинскиот претседател Володимир Зеленски ги повика партнерите да го зголемат притисокот врз Русија, велејќи дека Путин „блефира“ кога тврди дека санкциите не влијаат на руската економија.
Лидерите на ЕУ и НАТО го поддржаа заедничкиот пристап, велејќи дека „топката сега е во дворот на Путин“ и дека Украина излегува посилна од овие консултации со САД.
Претседателката на Европската комисија, Урсула фон дер Лајен, исто така, реагираше оптимистички, опишувајќи ги разговорите како „многу добри“.
„Денес, Европа, САД и НАТО ја зајакнаа заедничката платформа за Украина. Ќе останеме во тесна координација. Никој не сака мир повеќе од нас – праведен и траен мир“, рече фон дер Лајен.