Свет
Украина: Фативме човек кој им помогна на Русите да бомбардираат пицерија
Украинската контраразузнавачка служба (ССУ) објави дека уапсила маж осомничен дека им помагал на руските сили да извршат ракетен напад, во кој загинаа десет цивили во пицерија во градот Краматорск.
Од ССУ наведуваат дека уапсениот живеел во околината.
„Според првите резултати од истрагата, непријателскиот агент е жител на Краматорск, вработен во локалната компанија за транспорт на гас“, се вели во соопштението на веб-страницата на украинската контраразузнавачка служба.
Човекот, објави ССУ, снимал згради и автомобили во близина на пицеријата и ја испратил снимката до руското воено разузнавање, се вели во соопштението за печатот.
Васил Маљук, директор на ССУ, рече: „Овој агент на Руската Федерација, дефинитивно, ќе одговара пред украинскиот суд. Неговото апсење е сигнал за сите други предавници што работат за непријателот. Запомнете – казната е неизбежна“.
Во нападот загинаа 10 цивили, од кои три тинејџерки. Повредени се 61 лице.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Украина го зголемува производството на дронови и се што е потребно на бојното поле
Украинскиот претседател Володимир Зеленски денеска изјави дека Украина го зголемува производството на беспилотни летала, оружје, муниција, опрема, машини за деминирање и се што е потребно на фронтот.
„Украина го зголемува производството на беспилотни летала, одредени видови оружје, муниција, опрема, машини за деминирање и многу други основни предмети – се што е потребно на првите линии за да се спасат животите на нашиот народ со моќта на технологијата“, напиша Зеленски на каналот на Телеграм пренесува Ukrinform.
Според него, оваа војна покажува дека технологијата на бојното поле е ефикасна одбрана од агресија во современиот свет.
Регион
Трагедија во Грција: британски нуркач се удави додека истражуваше познат потонат брод
Британски турист трагично загина нуркајќи во близина на познат грчки потонат брод, пишува „Сан“.
33-годишниот маж се удавил додека нуркал кај потонатиот брод Епаноми во Солун поради „немирно море“, јавуваат локалните медиуми.
Нуркачот влегол во неволја во неделата попладне, поради лошото време.
Официјален претставник на крајбрежната стража изјавил дека кога пливал, времето се променило и почнало да врне.
– Веднаш се испратени чамец за спасување и брза помош, но додека пристигнале тој бил извлечен од водата без свест, вели службеникот.
Тој изјавил дека од водата го извлекол храбар пливач.
Службеникот додаде дека Капетанијата на пристаништето Миханион ја истражува несреќата и дека ќе биде извршена обдукција.
Трагедијата го зголеми бројот на загинати туристи во Грција на девет од почетокот на јуни, откако минатиот петок во Спецес беше откриено телото на британскиот морнар.
Свет
Европската комисија ја предупреди Мета дека нејзиниот бизнис модел го прекршува Законот за дигитални пазари
Европската комисија (ЕК) ја предупреди Мета, сопственик на платформите Фејсбук и Инстаграм, дека нејзиниот деловен модел „плати или согласи“ го прекршува Законот за европски дигитални пазари (ДМА).
Корисниците на компанијата Мета во моментов можат да плаќаат за услугата на дигиталните платформи без следење активности и реклами или да ја користат услугата бесплатно под услов да се согласат компаниите да ги користат нивните податоци за рекламирање, но ЕК смета дека овој модел не е во во согласност со закон.
Компанијата Мета „не им дозволува на корисниците да изберат услуга која користи помалку од нивните лични податоци и е еквивалентна на услуга базирана на платени реклами“, велат Европската комисија.