Свет
Украинска армија: Одбивме 10 руски напади на исток во последните 24 часа
Украинската војска објави нов дневен извештај за руската инвазија на Украина.
„Непријателот е главно фокусиран на прегрупирање и зајакнување на своите сили, продолжување на делумната блокада на Харков и артилериските напади врз тој град“, се вели во извештајот.
Украинците тврдат дека во последните 24 часа одбиле 10 руски напади во источните региони Доњецк и Луганск. Уништени се три тенкови, еден оклопен транспортер и три артилериски системи, велат Украинците, додавајќи дека заробиле и руски оклопен транспортер.
Украинската армија предупредува на зголемен ризик од ракетни напади од руски бродови во Црното Море врз одбранбената и логистичката инфраструктура на Украина.
„Во водите на Азовското Море, непријателската флота продолжува да го блокира пристаништето Мариупол и да обезбедува огнена поддршка во правец на брегот“, се вели во извештајот.
Според украинската армија, нема значителни промени во градот Северодонецк. Вчера шефот на регионалната воена управа на градот, Олександр Стрјук, објави дека Русите уништиле околу 70 отсто од градот со артилериски напади, оставајќи околу 20.000 жители, од 135.000 кои живееле во градот пред војната.
Русите се уште се обидуваат да воспостават целосна контрола над Мариупол, велат Украинците.
„Очекуваме непријателот да продолжи да се бори додека се обидува да стигне до административните граници на регионот Херсон и ќе се обиде да ја продолжи офанзивата“, се вели во извештајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Господине Трамп, најдете си живот – Бајден лут поради коментарите на експретседателот за ураганот на Флорида
Американскиот претседател, Џо Бајден, одржа брифинг за новинарите за ураганот Милтон.
Тој рече дека обновата на погодената област ќе чини неколку милијарди долари и ќе трае долго.
Американскиот претседател се осврна и на коментарите на експретседателот на САД, Доналд Трамп, кој рече дека погодените од ураганот ќе добијат само 750 долари помош, нарекувајќи ги „бизарни“.
Запрашан дали разговарал со Трамп, Бајден одговори: „Се шегуваш?“, а потоа му понуди совет на републиканскиот претседателски кандидат.
„Господине Трамп, најдете си живот за себе. Помогнете им на овие луѓе“, изјави Бајден од Вашингтон.
Свет
Расте бројот на мртви од ураганот на Флорида
Бројот на загинати во ураганот на Флорида, САД, се искачи на 11 лица, јавува „Ен-би-си њуз“.
Последната жртва е возач на автомобил врз којшто паднало дрво во округот Цитрус.
Претходно, два смртни случаи беа пријавени во округот Пинелас, три во округот Волузија и пет во округот Сент Луси, од кои четири беа предизвикани од торнада.
Регион
Вучиќ го пречека Ердоган на аеродромот: „Добредојдовте во Србија, драг пријателe“
Претседателот на Србија, Александар Вучиќ, вечерва на аеродромот Никола Тесла го пречека претседателот на Турција, Реџеп Таип Ердоган.
Според програмата на посетата, в петок во 11 часот ќе се одржи церемонија на пречек пред палатата „Србија“, по што ќе следи средба на двајцата претседатели, јавуваат српските медиуми.
Потоа ќе се одржи четвртата седница на Високиот совет за соработка меѓу Република Србија и Република Турција, предводена од двајцата претседатели.
„Добредојдевте во Србија драг пријателe. Вашата возвратна посета е уште една можност за дополнително зајакнување на нашите пријателски односи и соработка. Верувам дека за време на вашиот престој во Белград ќе работиме заедно на подобрување на економските, културните и политичките врски меѓу нашите земји“, му порача претседателот Вучиќ на турскиот колега по пристигнувањето во Белград.
View this post on Instagram
Вучиќ и Ердоган ќе присуствуваат и на бизнис форум.