Свет
Украинскиот шеф на дипломатијата откри три чекори за враќање на Крим

Министерот за надворешни работи на Украина, Дмитриј Кулеба, ја објасни стратегијата во три чекори на украинските власти за враќање на Крим.
Кулеба вели дека на оваа тема разговарал со претставникот на претседателот во Република Крим, Антон Кореневич, и дека со него развива стратегија, концепт и визија за окупираниот Крим.
„Првата задача е да го задржиме окупораниот Крим на стратешкиот дневен ред, за ова прашање да не се заборави. Второ е да обезбедиме ефикансост на санкциите против Крим. Трето е да утврдиме кои дополнителни меѓународни институции можеме да ги привлечеме за да извршиме притисок врз Русија“, прецизира тој.
Кулеба напомена дека потојат уште неколку задачи, од кои стратешка е како Крим да биде вратен во составот на Украина.
„Апсолутно сум уверен дека тоа ќе се случи. Тоа не е дипломатска фантазија туку сосем прагматична пресметка“, рече Кулеба и додаде дека тим од украинското Министерство за надворешни работи и други институции во земјата работат на тој план.
Крим влезе во составот на Русија во март 2014 година со референдумот одржан по државниот преврат во Киев. За обединување со Русија гласаа 96,77 отсто од гласачите на Република Крим и 95,6 отсто од жителите на Севастопол.
Украина и натаму го смета Крим за своја привремено окупирана територија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Забележана рекордна молња, во должина од Париз до Венеција

Светската метеоролошка организација (WMO) денес објави дека регистрирала рекордно долг удар на молња од 829 километри во САД. Молња удрила на 22 октомври 2017 година за време на грмотевици, пишува Франс Прес.
„Се протегала од Источен Тексас до Канзас Сити, покривајќи растојание еднакво на она помеѓу Париз и Венеција“, соопшти организацијата.
Комитет составен од единаесет научници од САД, Бразил, Германија, Шпанија, Израел и Непал го потврди тој рекорд.
Претходно беше задржан од удар на гром долг 768 километри од април 2020 година, исто така во САД, помеѓу Мисисипи и Тексас.
Блесокот на гром што се гледа денес „не беше откриен за време на првичната анализа на бурата во 2017 година, туку беше откриен за време на повторената проценка“, велат метеоролозите.
Свет
(Видео) Борбен авион се урна во Калифорнија, пилотот успешно се катапултираше

Американски борбен авион „Ф-35“ се урна во близина на поморската воздухопловна станица Лемур во централна Калифорнија, објави денес американската морнарица.
„Пилотот успешно се катапултираше и е безбеден“, се вели во соопштението на морнарицата во Лемур.
A US Navy F-35 fighter jet crashed in central California near Naval Air Station Lemoore on Wednesday, CNN reported, citing a Navy press statement. This marks the second F-35 crash this year. A US Air Force F-35A crashed during a training mission in Alaska earlier in January. pic.twitter.com/zxG0n8phuS
— Global Times (@globaltimesnews) July 31, 2025
Деталите за несреќата не се објавени. Причината за несреќата е под истрага, се вели во соопштението.
Американската компанија Локид Мартин, која ги произведува борбените авиони Ф-35, како одговор на барањето на Ројтерс за коментар, изјави дека е запознаена со инцидентот со Ф-35 во поморската воздухопловна станица Лемур.
Свет
Во Иран беа измерени 51 степен

Tемпературите во југозападниот ирански град Омидие се искачија на 51 степен, додека земјата доживува сериозна криза со водата, објави државната телевизија.
Во другите градови низ земјата, максималните температури, исто така, надминаа 45 степени. Повикувајќи се на предупредување од метеоролошката служба, телевизијата објави дека во делови од Иран се очекуваат песочни бури и лош квалитет на воздухот во наредните денови.
Топлиот бран ја влошува кризата со водата во земјата, а климатските експерти велат дека 80 проценти од резервоарите се речиси празни. Властите во голем број градови наредија присилно исклучување на снабдувањето со вода. Во главниот град Техеран, чешмите останаа суви со часови во последните денови.
Богатата со нафта покраина Хузестан, еден од најжешките населени региони на Земјата, се соочува со сè поголеми прекини на електричната енергија и недостиг на вода, што им го отежнува животот на жителите, особено кога клима уредите откажуваат. Во соседните земји Пакистан и Ирак, температурите повремено се искачуваат над 50 степени.
Во Иран, една од најсушните земји на Земјата, количината на врнежи значително се намали во последните години. Климатските истражувачи забележаа зголемување на екстремните временски настани како што се суши и ненадејни поплави. Експертите велат дека климатските промени ја погодуваат земјата побрзо и посилно од многу други региони во светот.