Свет
Украински командант: Русите се исцрпени, ќе ја искористиме оваа можност
Украина во четвртокот објави дека смета на „многу брзо искористување“ на рускиот замор во Бахмут, центарот на борбите на истокот на земјата, каде што руските сили, со помош на паравоената група „Вагнер“ на линијата на фронтот, претрпеа тешки загуби.
Агресорот сака „да го заземе Бахмут по секоја цена и покрај загубата на персонал и опрема“, рече командантот на украинските копнени сили, Олександр Сирски.
Руските трупи масовно мобилизирани во и околу Бахмут „губат значителна сила и се исцрпуваат“, додаде тој.
„Ќе ја искористиме оваа можност многу бргу, како што направивме во минатото во близина на Киев, Харков, Балаклија и Купјанск“, рече тој наведувајќи ги претходните победи на украинската војска.
Генералот Сирски уште еднаш ја пофали натчовечката храброст на украинската армија во лицето на руската инвазија.
Руската армија, со паравоената група „Вагнер“, сега го опкружува Бахмут од север, исток и од југ, што го отежнува снабдувањето на украинските војници. Но, тие даваат отпор по цена на големи загуби и на украинската страна.
Иако експертите ја оспоруваат стратешката важност на самиот град Бахмут, Москва би сакала да објави воена победа по неколку неуспеси минатото лето и есента, што предизвика рускиот претседател Владимир Путин да мобилизира неколку стотици илјади резервисти, односно цивили, а потоа да назначи нов командант задолжен за операции во Украина.
Бахмут, кој пред војната имал 70.000 жители, денес е целосно уништен град и речиси целосно напуштен од цивилното население, пренесе „Индекс.хр“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Привремениот либански премиер Микати: На Либан му треба итен прекин на огнот
Привремениот премиер на Либан, Наџиб Микати, денеска изјави дека на неговата земја и е потребен итен прекин на огнот меѓу Израел и милитантите на организацијата Хезболах и најави дека околу 1,2 милиони луѓе се раселени поради израелските напади.
„Запрете ги борбите. Не ни треба повеќе крв. Не ни треба повеќе уништување“, рече Микати на онлајн конференција организирана од Американската работна група за Либан, непрофитна организација со седиште во САД, пренесува Ројтерс.
Тој нагласи дека „итно е потребно прекин на огнот“.
Свет
Бајден: Не поддржувам напади врз иранските нуклеарни постројки како одговор на нападот
Американскиот претседател Џозеф Бајден изјави денеска дека не поддржува напади врз иранските нуклеарни постројки како одговор на ракетниот напад врз Израел.
„Ќе разговараме со Израелците за тоа што ќе направат, но сите седуммина (земјите од Г7) се согласуваме дека имаат право да одговорат, но тие треба да одговорат пропорционално“, им рече Бајден на новинарите, пренесе Ројтерс.
Бајден одговори дека ќе бидат воведени нови санкции кон Иран и додаде дека наскоро ќе разговара со израелскиот премиер Бенјамин Нетанјаху.
„Очигледно е дека Иран отстапи далеку од курсот“, нагласи тој.
Иран вчера лансираше повеќе од 180 балистички ракети кон Израел, потег што Бајден претходно го опиша како „неефикасен“.
Израелскиот премиер Бенјамин Нетанјаху вети дека Иран ќе плати за нападот.
Некои аналитичари наведуваат дека одговорот на Израел овој пат веројатно ќе биде поостар, што укажува на тоа дека Израел би можел да ги таргетира иранските нуклеарни или нафтени постројки, пренесува Танјуг.
Свет
Претставникот на Израел во ОН: Итно да се воведат санкции кон Иран поради неговиот ладнокрвен напад врз Израел
Претставникот на Израел во ОН Дени Данон побара денеска на итната седница на Советот за безбедност на Обединетите нации посветена на кризата на Блискиот Исток, веднаш да се воведат санкции кон Иран поради, како што наведе, ладнокрвнниот ракетен напад врз Израел.
„Ова е напад врз милиони израелски цивили. Тоа се жени и деца, муслимани, христијани, Евреи, луѓе од сите вери. Во овој невиден чин на агресија, Иран истрела речиси 200 балистички проектили“, рече Данон, ОН, соопшти Советот за безбедност.
Тој изјави дека милиони луѓе се во засолништа и посочи дека нападот на Иран е обид да се нападне срцето на израелското општество и дека на мета биле најсветите места – џамиите, црквите и синагогите.