Свет
Украинците напредуваат, но бавно, вели првиот човек на НАТО

Генералниот секретар на НАТО Јенс Столтенберг рече дека Украинците напредуваат побавно во нивната контраофанзива против руските сили отколку што се надеваше Алијансата, но дека сè уште добиваат околу 100 метри на ден, а британскиот премиер Риши Сунак исто така го пофали напредокот на украинскиот сили, пренесува ДПА.
„Украинците постепено напредуваат и тоа ја докажува важноста на нашата поддршка и дека можеме и сме подготвени да продолжиме да помагаме“, рече тој на состанокот на комисијата на Европскиот парламент во Брисел.
„Ова се големи битки, тешки битки, но тие успеаја да ја пробијат одбранбената линија на руските сили. Руската армија беше втора најсилна во светот, а сега е втора најсилна во Украина. Тоа е доста импресивно“, изјави шефот на НАТО.
Тој потврди и дека романските власти го информирале НАТО за остатоците од евентуалниот дрон, кои биле пронајдени во близина на границата со Украина. Тој рече дека НАТО нема информации дека се работи за намерен руски напад.
Во одбрана на украинската контраофанзива денеска застана и британската влада. Украинскиот претседател Володимир Зеленски го информираше британскиот премиер Риши Сунак за напредокот на телефонскиот разговор. Сунак ги пофали украинските вооружени сили за нивниот континуиран напредок на линијата на фронтот, соопшти неговиот кабинет.
На прашањето од новинарите дали Сунак го дели мислењето на некои официјални лица дека украинската контраофанзива напредува побавно отколку што се очекуваше, портпаролот на премиерот рече: „Не. Не е мое да навлегувам во оперативниот напредок на украинските вооружени сили , но мислам дека е јасно дека украинската војска прави неверојатна работа против многу поголеми армии и треба да се пофали за нивните напори“.
„Тоа е доказ за храброста на украинските вооружени сили и помошта што ја добија од целиот свет, вклучувајќи го и британскиот народ“, изјави портпаролот на британскиот премиер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Забраната од Орбан не ја спречи Парадата на гордоста во Будимпешта, огромен број луѓе се собраа во главниот град на Унгарија

И покрај забраната на Владата на Виктор Орбан, огромен број луѓе денес почнаа да се собираат во главниот град на Унгарија, Будимпешта, на Парадата на гордоста.
Странските медиуми пренесуваат дека организаторите очекуваат рекордна посетеност за 30. издание на Парадата на гордоста во Будимпешта, и покрај полициската забрана која ја наметна националистичката Влада на премиерот Виктор Орбан.
Thousands of people are marching for pride in Budapest. A 200 pp @Amnesty delegation is here from around Europe. Against repression we stand and rise. We resist. This is trans-national civil disobedience. #BudapestPride pic.twitter.com/8qSYr1K0rC
— Agnes Callamard (@AgnesCallamard) June 28, 2025
Владината коалиција на Орбан годинава ги смени законите и уставот за да забрани годишно прославување, оправдувајќи го долготрајното потиснување на ЛГБТ-правата со повикување на “заштита на децата”. Орбан вчера изјави дека полицијата нема да ја разбие поворката, но дека оние кои учествуваат треба да бидат свесни за “правните последици“.
Организаторите на поворката ризикуваат да добијат до една година затвор, а учесниците можат да бидат казнети со парична казна до 500 евра. Со последните законски измени, на власта и е дозволено да користи и технологија за препознавање лица.
Регион
„Од 15 до 9 до 15 до 10 очекувајте почеток на насилство“, рече српскиот претседател Вучиќ во пресрет на протестот на студентите

Претседателот на Србија Александар Вучиќ очекува насилство на вечерашниот протест на студентите во Белград, објавуваат српските медиуми. По свеченоста на која доделуваше ордени за Видовден, претседателот Вучиќ кажа дека граѓаните не треба да се грижат за она што ќе се случува вечерва.
„Денес е убав ден, денес е голем ден, денес е празник, денес е Видовден. Ќе видите, ведро е, што е тоа мал број на луѓе на литературното попладне, или вечер, весели луѓе кои го слават празникот, кои го слават Видовден, весели луѓе бидејќи знаат дека Србија победила. А вечер ќе видите бесни луѓе, некои кои на крајот ќе завршат во насилство затоа што не си оставиле друг избор“, рече Вучиќ и додаде: “Немам страв за конечниот исход, Јас уште еднаш ја користам оваа прилика, ги молам како татко да не го прават тоа. Секогаш е подобро да се повлечете во некој момент отколку да направите некаква лудост поради која ќе се каете цел живот. Но, тука завршувам. Немам баш никаков страв за тоа каков е конечниот исход. Само сакам да ја сочувам целата ситуација, пред се младите луѓе и овие постари“, рече претсетдателот Вучиќ.
Зборувајќи за најавениот протест на студентите кажа и точно кога очекува да почне насилството.
„Од 15 до 9 до 15 до 10 очекувајте почеток на насилство“, рече претседателот Вучиќ.
Почетокот на протестот на студентите во Белград е најавен за вечерва во 18 часот. Ќе трае три часа, а студентите се оградија од сите настани што ќе се случуваат по 21 часот.
Свет
Голем видовденски протест вечерва во Белград, студентите се огласија за ненадлежни за она што ќе се случува по 21 часот

Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18 часот и ќе трае три часа, а најголема енигма е што ќе се случува потоа, бидејќи студентите порачаа дека не се надлежни за ништо по 21 часот, објави Нова.рс.
Студентите пред неколку дена објавија дека ако Владата не ги исполни нивните два барања, најавена е и граѓанска непослушност.
Првото барање е распуштање на Народното собрание, со цел да се распишат предвремени парламентарни избори до 21 часот денес, а второто барање е Владата да апелира до Министерството за внатрешни работи до 21:00 часот на 28 јуни, во согласност со член 18 од Законот за јавни собири, кој се однесува на чл. 8 од истиот Закон, да се прекине наводно пријавениот собир во Пионирскиот парк и плоштадот Никола Пашиќ.