Свет
Училиштето во Тексас, каде што се случи масакр, ќе биде срушено
Основното училиште во Тексас, каде што вооружен напаѓач уби 19 ученици и две учителки, ќе биде урнато, изјави градоначалникот, а пренесе Би-би-си. Дон Меклафлин го соопшти ова во вторникот на напната и емотивна седница на Градскиот совет со жителите што бараа одговори за пукањето.
Тој не кажа кога ќе се урне училиштето. Јавниот гнев се зголеми по нападот во мај, а вината ѝ беше префрлена на полицијата, која чекала повеќе од еден час за да се соочи со напаѓачот. Меклафлин рече дека училиштето ќе биде разрушено бидејќи не може да се бара од ниту едно дете или наставник некогаш да се врати во тоа училиште.
Основното училиште Роб има речиси 600 ученици во второ, трето и во четврто одделение. Нападот на 18-годишникот, идентификуван како Салвадор Рамос, доведе до обновена дебата за законите за оружје на национално ниво.
Американските сенатори во вторникот извршија притисок за нов закон, кој се однесува на масовните пукања, како што се вели, во најзначајната нова контрола на оружје во генерацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.

