Свет
ФБИ почна истрага против ФЕТО, можна е екстрадиција на Фетула Ѓулен
ФБИ почна истрага против терористичката организација ФЕТО, која стои зад неуспешниот пуч во 2016, изјави министерот за внатрешни работи на Турција.
Мевлут Чавушоглу говореше во парламентот, каде што посочи дека ФБИ, конечно, го гледа вистинкото лице на оваа терористичка група.
„ФБИ почна сериозна истрага против ФЕТО во 15 држави“, изјави Чавушоглу.
„Односно, уапсени се неколку осомничени лица во неколку држави, вклучувајќи ја Њу Џерси“.
Чавушоглу вели дека за време на скорешниот Г20-самит во Аргентина, претседателот Доналд Трамп се сретнал со претседателот Реџеп Таип Ердоган и посочил дека САД прават напори за екстрадиција на лидерот на ФЕТО, Фетула Ѓулен, во Турција, од неговото долгогодишно место на живеење, Пенсилванија.
Турција веќе долго време се жали на неактивноста на САД да го екстрадира Ѓулен.
Групата ФЕТО и нејзиниот лидер Фетула Ѓулен стојат зад неуспешниот пуч во Турција што се случи на 15 јули 2016. Во нападите загинаа 251 лице, а 2.200 беа повредени.
Анкара тврди дека ФЕТО исто така стои зад долгогодишната кампања со која групата сака да ја урниса државата преку инфилтрирање во институциите, особено војската, полицијата и судството на Турција.
ФЕТО е организација која е многу присутна надвор од границите на Турција и особено е позната по тоа што управува со приватни училишта преку кои се влеваат средства со кои се финансираат терористички активности.
Училиштата управувани од страна на ФЕТО се справуваа и со правни прашања поради финансиски проблеми, злоупотреба на јавни средства, како и злоупотреба на имиграцискиот процес.
Од 2017 година ФЕТО управуваше со 136 училишта во 28 држави, а искористи и над 2,1 милијарди долари од американски даноци, пренесува „Си-би-ес њуз“ од САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.