Свет
Финската влада првпат предложи целосен карантин во неколку градови
Владата на Финска денес предложи затворање на пет градa, вклучувајќи го и главниот град Хелсинки, за да се спречи зголемувањето на бројот на заболени оd коронавирус.
Првото затворање на Финците во нивните домови е предмет на гласање во парламентот и процена на комисијата за уставно право.
Владата ги затвори рестораните и средните училишта во целата земја на почетокот на овој месец.
Нордиската нација со 5,5 милиони жители забележа вкупно 73.516 заболени и 811 смртни случаи. Таа е една од најмалку погодените земји во Европа.
„Ова се градовите со најтешка епидемиолошка состојба, но списокот може да се ажурира доколку се промени ситуацијата“, изјави Паиви Антикоски, шеф за комуникации во кабинетот на премиерот, за „Ројтерс“.
Жителите на овие градови ќе може да ги напуштат своите домови само поради итни причини, како што се набавка на храна или патување во друг дом. Непочитувањето на мерките ќе се казни со парична казна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Тринаесетгодишно девојче паднало од шести кат од зграда во Мостар
Тринаесетгодишно девојче е во тешка состојба откако паднало од балкон на станбена зграда во Мостар.
Таа е хоспитализирана во Универзитетската клиничка болница Мостар, пренесува Klix.ba потврда од оваа здравствена установа.
Според првичните информации како што пишува медиумот тоа се наоѓа на Одделот за анестезија, реанимација и интензивно лекување.
Според неофицијални информации, девојката паднала од шести кат.
Засега не се познати околностите за нејзиниот пад, според написите.
Свет
Најстариот човек на светот почина на 112 години
Џон Алфред Тинсвуд, најстариот човек на светот, почина на 112-годишна возраст во Велика Британија, потврди неговото семејство.
Во моментот на неговата смрт, во понеделникот во домот за стари лица во Саутпорт, недалеку од Ливерпул, тој бил опкружен со музика и љубов, додале тие.
Роден е на 26 август 1912 година – годината кога потона Титаник – и стана најстариот човек на светот во април 2024 година, кога Хуан Висенте Перез Мора почина на 114-годишна возраст.
Потоа и официјално влезе во Гинисовата книга на рекорди.
Зад себе ги остави ќерката Сузан, внуците Анучка, Мариса, Тоби и Руперт и правнуците Табита, Калум и Нива.
„Беше интелигентен, решителен, храбар, смирен во секоја криза, талентиран за математика и одличен соговорник“, велат од неговото семејство.
Сето тоа го искористил за време на Втората светска војна, кога работел во британската армија за да најде изгубени војници и да организира резерви на храна.
Ја запознал сопругата Блодвен на танц и се венчале во 1942 година.
Тие беа заедно 44 години, таа починала во 1986 година.
Неговото семејство вели дека тој бил „активен пензионер“ и волонтирал во црквата.
За себе во интервју за Би-Би-Си изјави дека бил „прилично активен како млад“ и дека „шетал многу“, но дека не знае зошто живеел толку долго.
Тој инсистираше на тоа дека не се разликува од другите.
„Или живеете долго или живеете кратко – нема многу што можете да направите за тоа“.
Според неговите зборови, тој не држел никаква диета, освен што секој петок јадел риба и чипс.
Откако наполни еден век, секоја година добиваше роденденска честитка од кралицата Елизабета, а подоцна и нејзиниот син, кралот Чарлс.
„Би сакале да им се заблагодариме на сите во Обединетото Кралство и ширум светот кои испратија честитки и пораки со поддршка на Џон за неговите родендени, тој навистина ги ценеше.
Џон отсекогаш сакаше да се заблагодари, па затоа во негово име би сакале да им се заблагодариме на сите што се грижеа за него низ годините – негувателите во домот, неговите лекари, медицинските сестри и другиот персонал на NHS“, велат од семејството.
Тие побара сите донации во спомен на Џон да бидат испратени до „Ејџ УК“, организација која се занимава со правата на старите лица, или во добротворна организација по сопствен избор.
Најстариот човек во историјата бил Џиромон Кимура од Јапонија, кој во моментот на смртта во 2013 година имал 116 години и 54 дена.
Најстариот човек на светот моментално е Јапонецот Томико Итока, кој има 116 години.
Свет
Тешка сообраќајка меѓу два училишни автобуси: повредени деца во француски регион
Осум тинејџери се хоспитализирани откако два училишни автобуси се судрија во Лузарш во регионот Вал д’Оаз.
До судирот дошло околу 17:00 часот кога две возила превезувале вкупно 32 основци и средношколци, јавува весникот Паризјен.
Според првите информации, возачот на автобусот закочил или забавил, што го изненадило возачот кој го следел и потоа удрил во задниот дел на првиот автобус.
Вкупно 20 ученици се полесно повредени.
Осуммина биле итно пренесени во болница, особено жалејќи се на болки во вратот.
Полицијата отвори истрага за инцидентот, пренесуваат медиумите во регионот.