Свет
Фон дер Лајен рече дека загинале околу 100.000 украински војници, изјавата потоа беше повлечена
Претседателката на Европската комисија, Урсула фон дер Лајен, во денешниот говор рече дека се проценува дека загинале околу 100.000 припадници на украинската армија и 20.000 цивили. Украинците досега избегнуваа да дадат прецизни информации за сопствените загуби, тврдејќи дека тие бројки ќе ѝ дадат предност на Русија.
Комисијата подоцна се извини, додавајќи дека изнесените податоци се неточни бидејќи проценката ги вклучува и повредените и загинатите. Реченицата беше отстранета од транскриптот на веб-страницата и од снимката на нејзиниот говор. Портпаролот на украинскиот Генералштаб одби да ги коментира објавените бројки, но повтори дека Русија ќе се соочи со казна за нејзините акции во Украина.
Фон дер Лајен рече и дека Европската Унија ќе формира специјален суд кој ќе го суди „злосторството против Украина“, односно за тоа што руската армија ја преминала украинската граница и ја започнала инвазијата.
Во последниве месеци Киев активно води кампања за формирање специјален суд за судење на Русија за инвазијата.
Тој суд треба да овозможи кривични судски процеси против највисоките руски функционери, вклучувајќи ги Владимир Путин и министерот за надворешни работи Сергеј Лавров. Судот не треба да спроведе опсежна истрага имајќи предвид дека огромното мнозинство претставници во Генералното собрание на ОН се согласија дека Русија извршила кривично дело агресија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија ја нападна Украина со 68 дронови
Русија синоќа истрела 68 беспилотни летала и четири ракети врз Украина, соопшти украинската армија.
„Две балистички ракети Искандер-М ги погодија регионите на Полтава и Одеса, а две ракети Х-59 беа лансирани кон регионите Чернихив и Суми“, соопштија украинските воздухопловни сили на апликацијата за комуникација Телеграм.
Украинските сили за противвоздушна одбрана, наводно, уништиле 31 дрон.
Свет
Украинската армија цврсто ги држи позициите во регионот Курск, вели Зеленски
Претседателот на Украина, Володимир Зеленски синоќа изјави дека украинската армија цврсто ги држи позициите во регионот Курск, иако руската армија се обидува да ги врати назад.
– Во врска со операцијата Курск, Русија се обиде да ги потисне нашите позиции, но ние се држиме, изјави Зеленски во вечерното радио обраќање.
Руската армија на почетокот на неделата соопшти дека вратила две села во Курската област и најави дека ќе продолжи со акциите за истиснување на украинските сили од нејзината територија.
Зеленски призна дека украинскиот упад во регионот Курск во август беше осмислен за да се повлечат руските војници од позициите во источна Украина, каде што напредуваа изминатите месеци.
Руските војници сè уште напредуваат во источна Украина, особено кон Покровск, клучен логистички центар за украинските сили.
Регион
Во Македонија почувствуван земјотрес, епицентарот е во Врање
Земјотрес со јачина од 4 степени според Рихтеровата скала утрово ја погоди јужна Србија, а истиот е почувствуван и во Македонија и во Бугарија.
Епицентарот на земјотресот бил на 12 километри североисточно од Врање, а потресот бил на длабочина од 14 километри и се почувствувал во 4 часот и 48 минути по локално време.