Свет
(Фото и Видео) Застрашувачки видео снимки од рушењето на надвозникот во Италија

Италијанската полиција на социјалната мрежа „Твитер“ објави видео на кое се гледа моментот на рушењето на надвозник во близина на Џенова.
#14agosto il video del crollo di #PonteMorandi a #Genova Polcevera Morandi@VAIstradeanas @DPCgov @emergenzavvf @Viminale @ComunediGenova @StradeAnas pic.twitter.com/9viaWCfAcu
— Polizia di Stato (@poliziadistato) August 14, 2018
Бројот на загинати лица во несреќата досега се зголеми на 35 лица, а според италијанските власти тој и натаму би можел да се зголемува. Меѓу загинатите има и едно дете.
Si capisce meglio la portata con questo video #pontemorandi #genova #video #crollo pic.twitter.com/c4XFXm4HuC
— Farmacia Serra (@farmaciaserrage) August 14, 2018
Хрватските медиуми пишуваат и за сведоштвото на еден возач на авотбус, кој како што вели за медиумите за влакно ја избегнал несреќата.
„Јас возев автобус за Хрватска и го преминав надвозникот само половина час пред да се распадна. Се шокирав кога чув дека надвозникот се срушил“, раскажува возачот за хрватските медиуми.
Возачот, Рудолф Полунич, за тамошните медиуми посочил дека морал да застане да одмори и во последен момент одлучил да одмори по Џеноваа. Тој во својата изјава наведува „ако застанав и се одморив претходно, најверојатно ќе бев во колоната која во тој момент се најде на надвозникот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Токио објави видео од вештачка интелигенција од ерупцијата на вулканот Фуџи за да ги подготви жителите

Вулканот Фуџи не еруптирал од 1707 година. Сепак, за да го одбележат Денот на подготвеност за вулкански катастрофи, властите во Токио објавија вештачки генерирани видеа кои симулираат потенцијална вулканска ерупција.
Видеата, објавени оваа недела, имаат за цел да ги подготват 37-те милиони жители на поширокото метрополитенско подрачје на Токио за потенцијална катастрофа.
Видео од Владата на Токио предупредува дека ерупцијата може да се случи „во секое време, без предупредување“. Видеото покажува вулканска пепел како го обвива центарот на Токио, на околу 100 километри оддалеченост, за неколку часа, парализирајќи го сообраќајот, прекинувајќи го снабдувањето со храна и електрична енергија и предизвикувајќи долгорочни респираторни проблеми.
Видеото завршува со пораката: „Мора да се вооружиме со факти и да се подготвиме за катастрофа во нашиот секојдневен живот“. Еден кадар ја прикажува оставата на семејството полна со конзервирана храна и комплети за прва помош.
Токиските власти соопштија дека во моментов нема знаци за ерупција на вулканот Фуџи. „Симулацијата е дизајнирана да ги опреми жителите со точно знаење и мерки за подготвеност што можат да ги преземат во случај на вонредна состојба“, се вели во соопштението.
Но, видеата предизвикаа вознемиреност и конфузија кај некои жители. „Дали навистина има знаци на ерупција? Зошто сега слушаме работи како „може да падне 10 сантиметри пепел“, дури и во Токио? Се прашувам зошто ова се случува одеднаш“, рече Шиничиро Карија, 57-годишен вработен во болница.
Европа
Кремљ: Тешко е да се замисли дека нашите дронови летаат над Германија

Според „Њујорк тајмс“, беспилотни летала што им припаѓаат на Русија или на нејзините посредници летале над рутите што транспортираат американски воени резерви во Германија.
Повикувајќи се на американски и западни претставници, весникот наведува дека Москва собира разузнавачки информации што би можеле да се искористат за „интензивирање на саботажната кампања на Кремљ“ и „помош на неговите сили во Украина“. Американските и германските претставници „разговараат за руските саботажни напори“, се додава во статијата.
Запрашан за извештајот, портпаролот на Кремљ, Дмитриј Песков, рече дека Москва немала време детално да го проучи. „Но, тешко е да се замисли“, рече тој.
„Затоа што тогаш Германците би го виделе јасно и тешко дека би молчеле. Значи, се разбира, сето ова повеќе личи на уште една измислица на весникот“.
Европа
(Видео) Се урна Ф-16 во Полска, пилотот загина

Полски воен авион Ф-16 се урна за време на проба за аеромитинг во Радом, централна Полска, при што загина пилотот, соопшти војската.
A Polish F-16 Tiger Demo jet crashed while rehearsing for the Radom Air Show 2025, which is set to take place on August 30 and 31 in Poland.
The pilot didn't manage to eject and died as a result of the crash. pic.twitter.com/zJ5Ao3TRpv
— TabZ (@TabZLIVE) August 28, 2025
„Пилот на полската армија загина во падот на авионот Ф-16 – офицер кој секогаш ѝ служел на својата земја со посветеност и голема храброст. Оддавам почит во негово сеќавање“, напиша министерот за одбрана Владислав Косињак-Камиш на X откако пристигна на местото на несреќата.
We are deeply saddened to hear the news that Major Maciej “SLAB” Krakowian, pilot of the Polish F-16 Tiger Demo Team, lost his life this afternoon during a rehearsal for the Radom Airshow. Our thoughts are with his family, friends and colleagues. pic.twitter.com/4iVUF0oYpm
— RAF Cosford Air Show (@cosfordairshow) August 28, 2025
Високата команда на вооружените сили соопшти дека авионот бил од 31-та тактичка воздухопловна база кај Познањ и дека нема повредени цивили. „Спасувачките операции веднаш беа започнати на местото на настанот“, се вели во соопштението.
Снимките објавени од полските медиуми го покажуваат Ф-16 како изведува ротирачко движење пред да се сруши и да се запали додека се лизга по земјата.
Локалните медиуми јавуваат дека авионот се урнал на пистата околу 19:30 часот, дека пистата е оштетена и дека аеромитингот во Радом е откажан.
фото: принтскрин