Свет
(Фото) Расте бројот на жртвите во терористичкиот напад во Германија: пет мртви, 205 повредени

Бројот на загинатите во нападот на божиќниот саем во германскиот град Магдебург се искачи на пет, а 41 лице е тешко повредено, објави весникот „Билд“, повикувајќи се на полицијата.
Според информациите на германскиот весник , вкупно 205 лица се повредени, 86 лица со тешки повреди се згрижени во болниците, додека 78 лица се полесно повредени во нападот.
Напаѓачот од Магдебург на германските власти не им бил познат како исламист
Мажот, чие име се уште не е објавено, кој синоќа удри во толпа луѓе на божиќниот базар во германскиот град Магдебург, по професија е лекар кој на социјалните мрежи се залагал за борба против исламизмот и кој, според првичните информации, се верува дека дејствувал сам.
Според моментално достапните информации, напаѓачот е 50-годишен специјалист по психијатрија и психотерапија, по потекло од Саудиска Арабија, пишува германски „Билд“.
🇩🇪⚠️ Auto rast in Weihnachtsmarkt !
Das Bild soll laut unbestätigten Berichten einen der Täter zeigen – angeblich ein Syrer.
Bisher wohl 11 Tote und noch mehr Verletzte
🙈🙈🙈🙈🙈 pic.twitter.com/1oAiGBQY5b
— Seuchenfreund (@DR8516826984211) December 20, 2024
Локалните медиуми нагласуваат дека се уште не е познат мотивот на напаѓачот и дека тој на германските власти не им бил познат како исламист.
Саудијците ги предупредија Германците
Неименуван саудиски извор за Ројтерс изјавил дека Саудиска Арабија ги предупредила германските власти за можниот напаѓач, кој според изворот објавил екстремистички ставови на мрежата Х. Истиот извор го идентификуваше осомничениот како Талеб Абдул Џавад.
Германски „Шпигел“ го идентификуваше Талеб А., за кого вели дека е симпатизер на екстремно десничарската германска партија Алтернатива за Германија. Весникот не го наведува изворот на оваа информација.
Тој дошол во Германија во 2006 година и оттогаш живеел во Бернбург, на околу 50 километри јужно од Магдебург.
Осомничениот, кој има дозвола за постојан престој, добил статус на бегалец во Германија во 2016 година, наведувајќи го стравот за неговата безбедност поради неговите атеистички ставови и критиките на исламот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Фото) „Ова не е Октоберфест“ – Германски политичар критикуван од тоа што направи на погребот на папата

Откако објави селфи на социјалните мрежи на кое се гледа како се смее пред погребот на папата Франциск во Ватикан, баварскиот премиер Маркус Зодер се соочи со критики.
„Тукушто слетав во Рим: сега сме во конвој со германскиот претседател Франк-Валтер Штајнмаер на пат кон Ватикан за погребот на папата Франциск“, објави Маркус Зодер на „X“ заедно со фотографија на која се смее.
Ова предизвика бројни реакции и критики.
„Несоодветно е да се прават селфиња на погреб. Ова не е Октоберфест. Треба да бидеме среќни што Зедер нема ќебап во рака“, напиша германската политичарка Мари-Агнес Штрак-Цимерман (ФДП).
Gerade in Rom gelandet: Nun geht es im Konvoi mit Bundespräsident Frank-Walter Steinmeier in den Vatikan zu den Trauerfeierlichkeiten für den verstorbenen Papst #Franziskus. pic.twitter.com/FgbiwUVSNW
— Markus Söder (@Markus_Soeder) April 26, 2025
Фотографијата на Зодер беше критикувана и од многу корисници на социјалните мрежи.
Покрај тоа, Зодер објави серија фотографии пред и по погребот на папата, што доведе до тоа многумина да го обвинат дека се однесува како да дошол на забава, а не на погреб.
View this post on Instagram
„Многу трогателни моменти во Рим непосредно пред почетокот на погребот. Папата Франциск многу ќе ни недостига. Трогателно е да се види колку луѓе се собираат тука на плоштадот ‘Свети Петар’ во Ватикан и низ целиот свет пред телевизорите за да му оддадат последна почит“, напиша тој во еден од своите објави денес.
Свет
Каде е Кралот Чарлс? Отсуството од погребот на папата Франциск ја откри вековната тајна на британската круна

Додека државни лидери, кралски височества и високи црковни великодостојници денеска му оддаваа последна почит на папата Франциск во Ватикан, отсуството на британскиот крал Чарлс привлече особено внимание и отвори бројни прашања: зошто монархот не присуствуваше на церемонијата?
Иако кралот Чарлс важи за еден од највлијателните светски лидери, неговото отсуство не е случајно – тоа е диктирано од вековна традиција и строги црковни протоколи што датираат уште од времето на кралот Хенри VIII. Како врховен поглавар на Англиканската црква, британскиот монарх не може да учествува на настани организирани од Римокатоличката црква во својство на крал.
Историските корени на овој став водат до 1534 година, кога кралот Хенри VIII ја основа Англиканската црква поради одбивањето на папата Климент VII да му дозволи развод. Оттогаш, секој британски владетел го носи статусот Врховен гувернер на Англиканската црква, а надбискупот на Кентербери е нејзин главен духовен водач.
Иако кралот Чарлс во минатото лично се сретнал со папата Франциск, неговото отсуство од денешната церемонија е во согласност со долгорочната политика на британската круна. Истата практика ја следеше и кралицата Елизабета II, која никогаш не присуствуваше на погреб на папа.
Во 2005 година, за време на погребот на папата Јован Павле II, тогашниот принц Чарлс присуствуваше како личен претставник на кралицата, непосредно пред сопствената венчавка со Камила. Овојпат, пак, кралското семејство одлучи да го почитува традиционалниот протокол, па на церемонијата во Ватикан присуствуваше принцот Вилијам.
Вреди да се напомене дека кралот Чарлс беше последниот светски лидер кој се сретна со папата Франциск, само две недели пред неговата смрт, за време на државната посета на Италија. Со својата одлука да не присуствува, кралот уште еднаш ја истакна автономијата на Англиканската црква и важноста на почитувањето на историските традиции.
Свет
Убиени 10 лица, половина од нив деца во израелскиот напад на Газа

Најмалку 10 лица, меѓу кои три жени и пет деца, загинаа утрово во израелски воздушен напад врз трикатна зграда во западниот дел на градот Газа. Болницата Шифа, која ги прими телата, потврди дека половина од жртвите се деца.
Израелската армија соопшти дека целта на нападот било скривалиште на милитанти на Хамас, но бројот на цивилни жртви предизвика нов бран загриженост за состојбата на теренот.
Во меѓувреме, Хамас информираше дека испратил делегација во Каиро во обид да се обнови прекин на огнот, откако примирјето беше нарушено минатиот месец поради нов бран на израелско бомбардирање.
Од Израел пак, најавија дека воените операции ќе продолжат сè додека не бидат ослободени сите заложници и додека Хамас не биде целосно уништен или разоружан.