Свет
Франција пред рекорден број барања за азил, три четвртини од азилантите најверојатно ќе останат

Околу три четвртини од барателите на азил во Франција се соочуваат со мали шанси за депортација во период кога земјата се соочува со рекорден број случаи на азил годинава. Франција се соочува со околу 130 000 случаи на азил во 2018 година, покажуваат новите податоци, што е рекорден број барања, пренесува „Фигаро“.
Во неодамнешните извештаи од францускиот Сенат се тврди дека повеќето баратели на азил, речиси 75 отсто, не се соочуваат со депортација и речиси сигурно ќе останат во земјата. Новите извештаи претставуваат огромен предизвик за новиот министер за внатрешни работи, Кристоф Кастане, кој беше назначен претходно оваа недела по оставката на Жерар Коломб.
Голем број илегални имигранти што доаѓаат во Франција ги користеле француските прекуокеански територии, како Француска Гвајана во Јужна Америка и Мајоте во Индискиот Океан, како влезни точки за барање азил.
Според претходниот министер за внатрешни работи, островскиот архипелаг Мајоте бил изземен од првичните правила за државјанство на Франција со цел да помогне да се спречи протокот на мигранти.
Трошоците на барателите на азил на товар на францускиот даночен обврзник исто така се мрачна тема и, без да бидат објавени последните конкретни бројки од владата. Во 2013 година ревизорите проценија дека трошоците за 66000 бањара за азил се во опсегот од една милијарда евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Не сум сигурен дека ќе влезам во рајот, но на многумина им го разубавив животот

Американскиот претседател Доналд Трамп изјави дека не е сигурен дека ќе може да влезе во рајот, но додаде дека на многумина им го направил животот подобар.
Изјавата ја даде во претседателскиот авион Air Force One. За време на летот, еден од новинарите што го придружуваа 79-годишниот претседател го праша за неговите претходни коментари кои ги дал во контекст на преговорите за мировниот договор во војната меѓу Русија и Украина.
Трамп уште во август, во емисијата „Fox and Friends“, изјави: „Ако можам да спасам 7.000 луѓе неделно, мислам дека тоа е прилично добро – сакам да се обидам да влезам во рајот, ако е можно. Слушам дека не ми оди добро. Навистина сум на дното на листата. Но ако успеам да влезам во рајот, ова ќе биде една од причините“
На прашањето дали неговите шанси се подобриле по договорот меѓу Израел и Хамас, Трамп сега одговори: „Малку се шегувам. Мислам дека ништо нема да ме одведе во рајот. Можеби не сум предодреден за тоа. Можеби сум во рајот токму сега, додека летаме со Air Force One,“ рече Трамп.
Тој повторно ја обвини администрацијата на Џо Бајден за неспособност и додаде дека војната во Украина никогаш немаше да се случи доколку изборите во 2020 година не биле наместени.
Свет
Египетскиот претседател до Израелците: Претворете го овој историски момент во нов почеток

Египетскиот претседател Абдел Фатах ал-Сиси ги повика Израелците моментот на потпишување на мировниот договор за Газа да го претворат во нов почеток за поправеден и помирен живот во регионот.
„Погледнете кон подобра иднина за нашите деца,“ рече Сиси по потпишувањето на договорот во Шарм ел-Шеик.
На самитот присуствуваа Доналд Трамп и бројни меѓународни претставници. Обраќајќи му се на Трамп, Сиси додаде: „Господине претседателе, нека војната во Газа биде последната војна на Блискиот Исток.“
Свет
(Видео) Снимката кога Хамас ги разделува и киднапира го обиколи светот – сега повторно се заедно

Авинатан Ор (32) беше киднапиран заедно со својата девојка Ноа Аргамани на музичкиот фестивал кога Хамас го нападна Израел. Ноа беше спасена во израелска воена операција во јуни 2024 година. Во март оваа година, семејството на Авинатан добило знак дека тој сè уште е жив.
Денес, Авинатан Ор е ослободен и конечно се врати кај своето семејство во воената база Реим, на југот на Израел. Израелската војска објави трогателни снимки од неговата средба со родителите, Јарон и Дица.
„Толку многу се надевав дека ќе добијам прилика да ви кажам дека ве сакам и да ве видам уште еднаш во овој живот,“ рекол Ор по ослободувањето.
Former hostage Noa Argamani reunited with her boyfriend, Avinatan Or, after his release from Gaza.
The couple were kidnapped from the Nova Festival on Oct 7th 2023.
She was freed in a rescue operation in 2024.
Avinatan was released today after 2 years in captivity. pic.twitter.com/uWQM7dS5y3
— Oli London (@OliLondonTV) October 13, 2025
Видеото што го објави израелската војска го прикажува емотивниот момент кога Ор ја прегрнува својата девојка, Ноа Аргамани.
Двајцата беа киднапирани на музичкиот фестивал „Нова“ за време на нападите на Хамас на 7 октомври 2023 година. Снимката од киднапирањето, на која се гледа како Ноа ја одвезуваат на мотор, додека Авинатан го присилуваат да оди со рацете на грб, го обиколи целиот свет.
Ноа Аргамани беше спасена во јуни 2024 година, а на почетокот на овој месец се присети на последниот момент со својот партнер.
„Авинатан ми недостига сè повеќе со секој ден,“ изјави тогаш. „Се држам до надежта, секој ден, дека оваа ноќна мора наскоро ќе заврши и дека конечно ќе го живееме животот за кој сонувавме.“