Свет
Француски разузнавач: Никој не можеше да направи совршена процена на ситуацијата во Иран

Состојбата на иранската програма по израелските и американските напади во јуни беше предмет на бројни прашања, а шефот на француската служба за надворешно разузнавање (DGSE), Николас Лернер, веруваше дека „програмата претрпе сериозна штета“.
На прашањето од телевизискиот канал LCI за влијанието на овие напади врз нуклеарните постројки на Иран, генералниот директор на Главниот директорат за надворешна безбедност одговори дека програмата е несомнено одложена, секако за неколку месеци, бидејќи е индустриски дизајнирана.
„Без разлика дали станува збор за капацитетот за збогатување на ураниум, дизајнот на нуклеарната боева глава или нејзината интеграција во ракетата, нашата проценка денес е дека секоја од овие фази е многу сериозно погодена, многу сериозно оштетена и дека иранската нуклеарна програма каква што ја знаевме е одложена“, додаде Николас Лернер.
Шефот на Службата рече дека цврсто верува оти ниедна разузнавачка служба во светот денес не е способна, или не била способна во часовите по овие напади, да направи совршена, сеопфатна проценка на она што можеби се случило.
Портпаролот на Пентагон рече дека нуклеарната програма е одложена „за најмалку една до две години“, што е спротивно на доверливиот прелиминарен извештај на американските разузнавачки агенции, претходно објавен во американскиот печат, во кој се открива дека бомбардирањето на Иран ја одложило неговата нуклеарна програма само за неколку месеци.
„Два елементи бараат претпазливост“, нагласи шефот на француската служба за надворешно разузнавање, судбината на дел од залихите на високо збогатен ураниум и ризикот Техеран тајно да ја продолжи својата нуклеарна програма. „Постои консензус дека материјалот, 450 кг збогатен ураниум, можеби е уништен, но тој материјал останува во рацете на режимот“, објасни тој.
„Не можеме да следиме со сигурност, особено додека МААЕ не ја продолжи својата работа, и затоа ова беше толку важно“, додаде тој. На почетокот на јули, Иран официјално ја прекина соработката со Меѓународната агенција за атомска енергија (МААЕ), која е одговорна за нуклеарната безбедност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Брановите удрија во брегот – први снимки од цунами по разорниот земјотрес во Русија

Првиот бран на цунами ја погоди крајбрежната зона на Северно-курилскиот регион, откако Камчатка беше погодена од разорен земјотрес со магнитуда од 8,8 степени според Рихтеровата скала во текот на ноќта.
„Првиот бран на цунами ја погоди крајбрежната зона на Севернокурилскиот регион. Жителите на населбата се на безбедно високо место и ќе останат таму сè додека заканата од повторени бранови целосно не се отстрани“, се вели во соопштението на гувернерот на Сахалинскиот регион Валериј Лимаренко.
NOW – Tsunami waves hit Russian coast along Severo-Kurilsk. pic.twitter.com/1cxuFHohVL
— Disclose.tv (@disclosetv) July 30, 2025
Според податоците на Министерството за вонредни ситуации на Русија, самиот град и компанијата за преработка на риба „Алаид“ беа потопени како резултат на катастрофата.
Видео што кружи на социјалните мрежи покажува како морето „се втурнува“ во длабочините на копното со брзина на молња, додека големи бранови се развиваат на отвореното море.
Издадено е предупредување за цунами за западниот брег на САД, Јапонија.
Ова е најсилниот земјотрес регистриран во последните 14 години, поточно од катастрофалниот земјотрес во Јапонија во 2011 година, со јачина од 9,1 степени според Рихтеровата скала, кој однесе повеќе од 19.000 животи.
Свет
Сирените се огласија на Хаваите по предупредувањето за цунми, луѓето со автомобили бегаат на безбедно

Новинарот Џон Летман кој живее на Кауаи, најстариот хавајски остров, објави дека сирените за предупредување за цунами се огласиле втор пат во 16:10 часот по локално време и можеле да се слушнат на повеќе острови, вклучувајќи ги Оаху и Кауаи.
Кајл Каџихиро, доцент на Универзитетот Хаваи-Маноа, бил на кампусот кога го добил предупредувањето за цунами на својот мобилен телефон. Каџихиро рече дека кампусот се затвора и сообраќајот на автопатите во Хонолулу е значително густ.
На Кауаи, кратко откако беше издадено предупредувањето за цунами, персоналот во Националната тропска ботаничка градина ги прекина турите на нејзиниот јужен брег и ги премести сите посетители и персонал од зоната на поплавување на повисоки места.
Денешниот силен земјотрес се рангира меѓу десетте најсилни во историјата, потврди во интервју за Би-Би-Си доцентката Хелен Јанишевски од Одделот за геофизика и тектоника на Универзитетот на Хаваи. Според Геолошкиот завод на САД (USGS), земјотресот со магнитуда од 8,8 степени го дели шестото место на листата на најсилни земјотреси некогаш регистрирани, изедначувајќи се со земјотресот во Биоби во Чиле во 2010 година и оној во Есмералдас, Еквадор во 1906 година.
Силниот земјотрес го погоди полуостровот Камчатка на далечниот исток на Русија, предизвикувајќи цунами високо до четири метри, оштетувајќи згради и активирајќи тревоги и евакуации низ Тихиот Океан.
Неколку лица се повредени во тој оддалечен руски регион, а на населението на поголемиот дел од источниот брег на Јапонија, кое силно страдаше во катастрофалниот земјотрес и цунамито од 2011 година, му беше наредено да се евакуира.
„Денешниот земјотрес беше сериозен и најсилен во последните десет години“, објави гувернерот на Камчатка на Телеграм.
Свет
Tрамп ги предупреди Американците за цунами по земјотресот од 8,8 степени во Русија

Во текот на изминатите неколку часа, повеќе земји, вклучувајќи ги САД и Јапонија, беа издадени предупредувања за цунами и наредби за евакуација откако земјотрес со јачина од 8,8 степени го погоди брегот на Русија.
Тоа е еден од најсилните земјотреси некогаш регистрирани.
Претседателот на САД, Доналд Трамп, објави на социјалните мрежи: Поради разорниот земјотрес што го погоди Тихиот Океан, на сила е предупредување за цунами за сите жители на Хаваи.
Издадена е тревога за цунами за Алјаска и тихоокеанскиот брег на Соединетите Американски Држави, а бранови го погодија и јапонскиот брег.