Свет
(Видео) ФСБ уапси украински платени убијци и бугарски шверцер на Крим

Руската Федерална служба за безбедност (ФСБ) осуетила заговор на украинското воено разузнавање за атентат на највисоките руски функционери на Крим, пренесува РТ.
Во акцијата бил разбиен терористички круг, кој наводно стои и зад саботажата на руската железница во февруари.
Според соопштението на ФСБ објавено денеска, лидер на групата бил Роман Машовец, офицер на украинската агенција за воено разузнавање (ГУР и заменик-шеф на кабинетот на украинскиот претседател Володимир Зеленски).
Машовец е близок соработник на началникот на ГУР, Кирил Буданов, кој за операцијата на Крим регрутирал шест руски и украински државјани. Групата имала задача да подготви атентати врз високи функционери, вклучително и претседателот на Република Крим, претседавачот со парламентот на регионот и на градоначалникот на Јалта.
Тимот наводно планирал и диверзантски операции на транспортната инфраструктура.
Украинските агенти имале воспоставен канал за шверцување, кој им овозможил да дојдат до потребната нелегална опрема, вклучувајќи експлозиви, детонатори, уреди за следење и друга опрема, велат од ФСБ.
Руската агенција при рацијата наводно запленила пет импровизирани експлозивни направи, 6 кг пластичен експлозив од британско производство и други инкриминирачки материјали. Снимката од рацијата исто така прикажува неколку рачни гранати откриени на локацијата.
Запленетиот експлозив бил идентичен со оној употребен во саботажата на една железничка пруга на Крим на 23 февруари. Според извештаите од тоа време, инцидентот се случил во областа Бакчисарај и го нарушил сообраќајот на полуостровот.
Рутата за шверцување водела од Бугарија преку Турција и Грузија и вклучувала тројца украински државјани и еден Бугарин, што ФСБ го идентификувала како Д. Петранов.
Петранов бил уапсен на Крим заедно со припадниците на украинскиот круг. Шверцуваната опрема била скриена во електрични шпорети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Во живо) Последниот брод сè уште плови кон Газа, Израел објави забрана за влез

Последниот брод во меѓународната флотила за помош за Газа го продолжи своето патување рано утрово, според организаторите, откако околу 40 бродови беа пресретнати од Израел, кој се подготвува да ги протера пропалестинските активисти на пат.
„Маринет сè уште плови“, објави организацијата на социјалните мрежи доцна во четвртокот, додавајќи дека очекува наскоро пресретнување. „Тие се свесни што ги чека“, соопшти организацијата.
Бродот бил на околу 120 километри од брегот на Газа во 6 часот наутро, според геолокацијата споделена на веб-страницата на флотилата.
„Доколку се приближи, неговиот обид да влезе во активната борбена зона и да се обиде да ја пробие блокадата ќе биде спречен“, соопшти израелското Министерство за надворешни работи во четвртокот.
Повеќе од 400 активисти на 41 брод од флотилата беа уапсени за време на операцијата што траеше околу 12 часа, изјави израелски функционер во четврток вечерта.
„Тие се безбедно префрлени во пристаништето Ашдод за обработка од страна на израелската полиција“, додаде тој под услов да остане анонимен.
Флотилата „Глобал Сумуд“, во која се вклучени политичари и активисти како што е Грета Тунберг од Шведска, тргна од Шпанија во септември со цел да ја пробие израелската блокада на Појасот Газа.
Флотилата се претставува како „мирна и ненасилна хуманитарна мисија“.
фото: принтскрин
Регион
(Видео) Србија под снег: делови од земјата затрупани, патиштата блокирани

Почетокот на октомври донесе вистински зимски услови во делови од Србија. На Копаоник паѓа снег од синоќа, а и други делови од земјата побелеа, вклучувајќи ги Ивањица и Голија, што предизвика први проблеми во сообраќајот, објавува Нова.рс. Денес ќе биде постудено од вчера, со повеќе дожд и снег.
Паднати дрвја и блокади на патиштата
На социјалните мрежи се појавија видеа кои сведочат за последиците од првиот снег во сезоната. Во близина на Ивањица, дрвја паднаа на патиштата под тежината на снегот, блокирајќи го сообраќајот. Видео објавено на Инстаграм ги прикажува граѓаните како сами отстрануваат паднато дрво за да го расчистат патот.
Поради зимските услови на патот, на возачите им се препорачува да бидат исклучително внимателни и да ги одложат непотребните патувања.
фото: принтскрин
Свет
Трамп: Ако продолжи блокадата на владата, ќе има отпуштања

Американскиот претседател Доналд Трамп вчера изјави дека федералните работници би можеле да бидат отпуштени, а проектите би можеле да бидат намалени ако продолжи блокадата на владата, а исто така објави дека почнуваат да пристигнуваат приходи од царини, од кои Американците би можеле да добијат поврат на средства.
„Може да има отпуштања, а тоа е нивна вина“, рече Трамп, осврнувајќи се на демократите во Конгресот, коментирајќи го неодамнешниот допис од Уредот за управување и буџет, за телевизиската мрежа OAN, во кој се споменува можноста за отпуштања. „Можеби ќе ги скратиме проектите што тие ги сакаа, нивните омилени проекти, кои би биле трајно намалени“, рече тој, додавајќи дека му е „дозволено да скрати работи што никогаш не требало да бидат одобрени, и веројатно ќе го направам тоа“.
Федералната влада делумно се затвори завчера откако Конгресот не успеа да постигне договор за финансирање, а само на основните услуги им беше дозволено да продолжат. Трамп рече дека приходите од новите царини штотуку почнуваат да пристигнуваат, но на крајот би можеле да достигнат билион долари годишно. Тој вели дека дел од средствата ќе помогнат во отплатата на националниот долг, за кој рече дека би можел да достигне 38 билиони долари.
фото: принтскрин