Свет
Хаити погоден од силен земјотрес со јачина од 7,2 степени

Земјотрес со јачина од 7,2 степени го погоди регионот на Хаити во 14:30 часот. Првично беше објавено дека магнитудата е 7,6, што потоа беше исправено.
ЕМСЦ наведува дека епицентарот бил на длабочина од 10 километри и 49 километри југозападно од градот Тигвава, кој има околу 117.000 жители, односно 17 километри северно од градот Аквина со 5.200 жители.
Според првичните извештаи на медиумите, земјотресот предизвикал штета и урнал повеќе згради.
РТ пренесува дека потресот бил посилен од катастрофалниот земјотрес што го погоди островот во 2010 година, во кој загинаа повеќе од 100.000 луѓе.
Felt #earthquake (#séisme #TremblementDeTerre) M7.2 strikes 119 km W of #Port-au-Prince (#Haiti) 32 min ago. Please report to: https://t.co/oyDwhqBA6O pic.twitter.com/b5AZbvbHvX
— EMSC (@LastQuake) August 14, 2021
Земјотресот го почувствувале и оние кои се одалечени повеќе од 300 километри од епицентарот. Очевидви изјавиле дека почувствувале силно тресење, а некои напишале дека се треселе дури и креветите.
Жител на град оддалечен 100 километри од епицентарот на страницата на ЕМСЦ напишал дека земјотресот траел долго и дека силно се почувствувал.
Tranbleman jeremie pic.twitter.com/Ak22I9RZOe
— JCOM Haïti (@JCOMHaiti) August 14, 2021
Малку порано денеска пристигна информација и за силен потрес во Алјаска со јачина од 7 степени, на 171 километар оддалеченост од градот Сенд Поинт.
Според службите, во Алјаска нема опасност од појава на цунами.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин разговараше со Трамп: „Нема да се откажам од своите цели во Украина“

Претседателот на САД, Доналд Трамп, и рускиот претседател, Владимир Путин, разговараа по телефон речиси еден час за војната во Украина, при што двајцата изразија подготвеност да бараат решение преку преговори, објави советникот на Кремљ, Јуриј Ушаков.
За време на разговорот, Трамп повторно го отворил прашањето за брзо завршување на војната во Украина, но Путин јасно ставил до знаење дека Русија нема да отстапи од своите цели, вклучително и, како што рекол, отстранување на причините што довеле до конфликтот.
„Нашиот претседател нагласи дека Русија ќе ги постигне целите што си ги поставила, а тоа е да ги елиминира познатите причини што доведоа до сегашната конфронтација“, рече Ушаков.
Путин му ги презентирал на Трамп и деталите за неодамнешниот договор со Украина за размена на затвореници и загинати војници и ја изразил подготвеноста на Москва да продолжи со преговорите со Киев.
Ушаков нагласи дека рускиот став е дека мировните преговори за Украина мора да се водат исклучиво меѓу Москва и Киев, без трети страни.
Свет
Данската премиерка: Русија нема да застане кај Украина

Украина се бори за цела Европа, додека Русија не покажува знаци дека сака мир и дека ќе застане кај Украина, изјави денес данската премиерка, Мете Фредриксен во Архус.
„Мора да ја зајакнеме нашата поддршка за Украина бидејќи таа се бори за сите нас“, рече Фредриксен на заедничката прес-конференција со претседателката на Европската комисија, Урсула фон дер Лајен.
По повод преземањето на ротирачкото претседателство, данската влада го прими Колеџот на комесари на Европската комисија во Архус, вториот по големина град во Данска.
„Ни секунда не верувам дека Путин сака мир и има намера да застане кај Украина, затоа мора да ја ставиме Украина во најсилната можна позиција“, рече Фредриксен, додавајќи дека е потребно да се продолжи со работата за слабеење на руската економија, зајакнување на санкциите и запирање на увозот на руски гас.
Претседателката на Комисијата, фон дер Лајен, изјави дека одлуката на САД делумно да ја суспендира воената помош за Украина покажува дека ЕУ мора да ја засили својата поддршка за нападнатата земја.
Фон дер Лајен ги повика земјите-членки да ја користат кредитната програма SAFE, вредна 150 милијарди евра, за воена помош за Украина, преку купување воена опрема за Украина или инвестирање во украинската одбранбена индустрија.
Данската премиерка додаде дека нејзината земја почнала да инвестира во производство на оружје и друга воена опрема на украинска територија уште порано.
„Функционира многу добро, бидејќи тие произведуваат побрзо, подобро и поевтино од сите нас“, рече Фредриксен, додавајќи дека Украинците сè уште имаат 40 проценти неискористен капацитет за производство на оружје и опрема.
Таа, исто така, оцени дека запирањето на американската помош за Киев би значело „сериозен удар за Украина, Европа и НАТО“.
(Фото: ЕПА)
Свет
Путин вели дека денес ќе разговара со Трамп

Рускиот претседател, Владимир Путин, денес изјави дека подоцна во текот на денот ќе разговара со својот американски колега Доналд Трамп.
Ова ќе биде шестиот јавно познат разговор меѓу двајцата лидери откако Трамп се врати во Белата куќа во јануари, а ќе се одржи во услови на досега неуспешни напори на Соединетите Американски Држави да преговараат за прекин на огнот во Украина.
Двајцата претседатели последен пат разговараа на 14 јуни, а главната тема на нивниот разговор беше Иран.