Свет
(Видео) Хамас објави снимка од тројца израелски заложници, кои молат да бидат ослободени

Вооружено крило на Хамас објави едноминутно видео на својот канал на Телеграм на кое се гледаат тројца постари израелски заложници како молат за нивно ослободување.
Мажот, кој се претставил како 79-годишниот Хајем Бери, седел меѓу двајца други заложници на слична возраст и зборувал пред камерата. Тој рече дека е задржан со други постари заложници со хронични болести и дека сите живеат во многу тешки услови.
Hamas released a propaganda video showing 3 of the Israeli hostages — they have been groomed with Muslim-style beards for the video and appear slender.
One of the men has been recognized as Chaim Perry, who is 80 years old. Chaim is a peace activist who used to volunteer driving… pic.twitter.com/LzBEMBDOKv
— Marina Medvin 🇺🇸 (@MarinaMedvin) December 18, 2023
Еден од мажите беше идентификуван како Хаим Пери, 80-годишен. Хаим е мировен активист кој волонтерски ги возел Палестинците од Газа во израелските болници.
„Ние сме генерацијата што ги изгради темелите на Израел. Ние сме тие што ја основаа ИДФ (Израелските вооружени сили). Не разбираме зошто сме напуштени овде“, рече тој. „Морате да не ослободите. Не е важно по која цена“, рече тој. Видеото завршува со зборовите на сите тројца мажи во еден глас: „Не дозволувајте да старееме овде“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Британскиот министер до Маск: Губи се од нашата политика и од нашата земја

Британскиот министер за енергетика Ед Милибанд вербално го нападна Елон Маск.
„Постои глобална мрежа која сака да ги уништи врските што ги поврзуваат нашите заедници и нашиот начин на живот“, рече Милибанд на конференцијата на Лабуристичката партија во Ливерпул. Тој тврди дека Маск е голем дел од оваа закана.
„Можам да ја сумирам заканата за вас во два збора: Елон Маск. Тој поттикнува насилство на нашите улици. Тој повикува на соборување на нашата избрана влада. Тој овозможува дезинформации преку X. Тој мисли дека може да ни каже како да ја водиме Британија“, нагласи Милибанд.
„Имаме порака за Елон Маск: губи се од нашата политика и од нашата земја“, рече тој.
Маск ја критикуваше британската влада преку својата социјална мрежа, дури и повика на соборување на премиерот Кир Стармер, според написите во медиумите.
Фото: принтскрин
Свет
Странските лекари потребни во Германија: наскоро олеснување при вработување преку побрзо признавање на дипломите

Лекарите од странство, кои на Германија итно ѝ се потребни, наскоро, како што е планирано, ќе можат полесно да се вработат. Владата го усвои предлог-законот на министерката за здравство, Нина Варкен, кој треба да овозможи побрзо признавање на дипломите, пренесуваат медиумите во регионот.
За да се обезбеди здравствена заштита, покрај атрактивните услови за образование во Германија, потребни се и квалификувани експерти од странство, рече Варкен.
Постапките за тоа, додаде таа, треба да бидат униформни и дигитализирани.
Олеснувањата важат и за стоматолозите, фармацевтите, како и за акушерките, според министерството.
Варкен изјави дека побрзото признавање на дипломите не смее да биде на штета на високите стандарди за безбедност на пациентите и квалитетот на здравствената заштита.
Законот сè уште треба да биде одобрен од парламентот.
На крајот од минатата година имало 68.000 вработени странски лекари кои немаат германско државјанство, што е рекорд, според статистиката на Федералната лекарска комора.
Тоа е за 6,8 проценти повеќе отколку во 2023 година, анализираат медиумите.
Уделот на странски лекари се зголеми повеќе од двојно во последните 10 години. Вкупно, повеќе од 15 проценти од сите вработени лекари имаат странски пасоши, според написите.
Фото: принтскрин
Свет
Орбан предупредува: Една грешка и Европа гори

Третата светска војна може да започне во секое време ако една од големите сили направи грешка, изјави унгарскиот премиер Виктор Орбан.
„Ситуацијата во моментов е таква што светска војна може да избувне поради една грешка. Конфликтот е толку напнат што ако еден од големите играчи, земја поголема од Унгарија, направи грешка, сè е можно, дури и светска војна. Тоа е проблемот“, истакна тој пред почетокот на самитот на Европската унија во Копенхаген, пренесуваат медиумите во регионот.
Членството на Украина во ЕУ би значело војна во Европа и исплата на европски пари на Киев, а Унгарија е категорично против тоа, додаде тој.
„Нашиот став е дека апсолутно никакво членство на Украина не е исклучено, бидејќи членството би значело, прво, дека војната ќе влезе во Европската унија. Второ, парите од Европа ќе одат во Украина“, нагласи унгарскиот премиер.
Членството на Украина во ЕУ е претерано, стратешки договор за европско-украинска соработка би бил доволен, заклучи тој.
Лидерите на ЕУ денес одржуваат неформален состанок во Копенхаген. На дневен ред, меѓу другото, се вклучени зајакнувањето на санкциите против Русија и одговорот на Брисел на наводното нарушување на воздушниот простор на ЕУ.
Пред самитот на ЕУ во јуни, Орбан изјави дека таму не може да се донесе правно обврзувачка одлука за европската интеграција на Украина, бидејќи Унгарија не го поддржува пристапувањето на Киев во ЕУ и ова прашање мора да се реши едногласно.
Тој ги објави и резултатите од унгарската анкета за пристапувањето на Украина во ЕУ, според која 95 проценти од учесниците, повеќе од 2 милиони луѓе, гласале против европската интеграција на Киев.
Фото: принтскрин